YOSHUA 11:20 - Biblía Axweesantá Hhohho' ar Mungú 2004

²⁰ Adoorí an adór AAKOÓ MUNGÚ kilós aa slaá'. Mukduú xoordaá hatlá' guna mune gawdeés as kahhó' nee inooín tawa slaqwi. Ina tsabín kiwa gurtlayká, ala masók kin qororo'oos, ar adór AAKOÓ MUNGÚ ngira hara'ayín dír Mose.

YOSHUA 11:20 Iomraidhean Croise

2 SAMUELI 17:14

Absalomu dinkwa nee múk Israeli sleémeero tari oó', «Kángw Hushai, heé Arki, i ganaa' ta oo Ahitofeliwo.» Axweesantá Ahitofeli kana sií', asma AAKOÓ MUNGÚ axweesantadá' hho' ar Ahitofeli gana sií', as kahhó' AAKOÓ MUNGÚ Absalomu nguwa tlaákwí tleehhi.

1 WAAWITÁ 12:15

Gawaá adoorihe, waawutmo mukwí guna gaárí xuiiká, asma gaarí amór i dahh a amór AAKOÓ MUNGÚ, as axweesantós tidá' ngiwa boo/eesi, tidá' aa Yeroboamu garmoó Nebati báy ar afkú aarusmo Ahiya oo yaamaá Shilo.

2 QOM'I 22:7

Ala Mungú gaa qaroó qoomeés Ahasia kuwa hhaamisi qoomár bira Yoram neetleesi áy. Asma qoomár iwa amoodá' i hardáh inós nee Yoram tana alslaqwarár áy amór Yehu garmoó Nimshi, kudá' AAKOÓ MUNGÚ aa tsawaár doó Ahabu nguwa qwaareesi.

2 QOM'I 25:16

Ala qoomár heé Mungú axweesantí ngiwa hhe'eesiiká, waawutmo Amasia guri báy, «Xasliít kuúng, a xaylá kuúng tuwa hara'ayusmoó waawutmoó wa qaás? Hamí an slá'a tuwa gaasi?» Aarusmoodá' iri xasliít, iri malé oó', «Aníng a xuú' adór Mungú ngira ístí tsaát kuúng uwa hhaamiis as adoorí taa tléhh, slamí hamí hara'ayar'eé' aga sí'.»

TI'INAANGW 10:1

AAKOÓ MUNGÚ Mose guri báy, «Tláw amór Farao, asma aníng inós nee geeraharuuseero iga mune gawdeés, as kahhó' án layuuká' ngiwa baraá tla/angw'ín wa laqaam.

TI'INAANGW 11:10

Mose nee Aroni tlehhmi'iikaá waa/oo/amo ngiri tleehhiyé' dír geeraá Farao wa alé, ala AAKOÓ MUNGÚ muunuú Farao guri gawdeés, nee inós múk Israeli gwa geemayká iwa tlay.

TI'INAANGW 14:17

Qaytsiít, aníng munér múk Misri an gawdeés, inooín tindi aluuhúng wa dah, tundu wa eehari. Farao nee slaqwaruuseerós nee gaarduuwós nee mukdá' gaardaá madiita aníng i xirfúr ayá'.

TI'INAANGW 14:4

Aníng muunuú Farao u gawdeés, inós niri eeharín aluuhúng wa ale. Farao nee slaqwaruuseerós aníng i xirfúr ayá', nee múk Misri gari xuu' adór aníng tar AAKOÓ MUNGÚ.» Naagáy múk Israeli adoodá' kari tleéhh.

TI'INAANGW 14:8

AAKOÓ MUNGÚ muunuú Farao, waawutmoó Misri, guri gawdeés, inós múk Israeli guri aluú wa eehár, asma múk Israeli ina ti'iít ar pihh'uuma.

TI'INAANGW 4:21

AAKOÓ MUNGÚ Mose guri báy, «Qoomár bar aga kí/ baraá yaamaá Misri, qaytsiít tlehhmi'iidaá sleémeero awa waa/oo/amo, kudá' aníng kuúng uwa aleesleemúy haniís, tleehheek dír Farao wa ale. Ala aníng muunaáwós u gawdeés, nee inós kuungá' nu geemayká.

TI'INAANGW 9:12

Ala AAKOÓ MUNGÚ muunuú Farao guri gawdeés, as inós inooín ngiwa iiárií qaasiiká, adoodá' AAKOÓ MUNGÚ ngira oó'.

TI'INAANGW 9:16

Ala aníng nuna slafíngwí máw as /uuruueé' nguwa laqaam, nee umuueé' kuwa alki/iiti baraá yaamu sleémeerowo.

ISAYA 14:24

AAKOÓ MUNGÚ Aleesleemusmo lo'o gaa /aáy i kaahi, «Adoodá' tleehhamooro naa istí tsaát, adoodá' aqo in tleehharút. Adoodá' naa slaá' tleehhamooro, adoodá' aqo in bó/.

ISAYA 34:2

Asma AAKOÓ MUNGÚ xoordu sleémeero gaa i buúhh, ina amór slaqwaruuser'íní qa/iít buhhtaawo, inós gina qwaareés giri haniís kiwa tsu/i.

Rumi 9:18

Ala bar adoorí, Mungú barnaxes hee gu gurtleemuú wa slaa', guqo gurtláy, nee barnaxes hee gu muuná gawdeesár wa slaa', guqo muuná gawdees.

DABE 2:30

«Ala Sihoni waawutmoó Heshboni ina sií' tawa baraá tla/ángw yaamuuwós ar waarahhaan. Asma AAKOÓ MUNGÚ, Munguúhúng guna sagagawdeés, nee guna muuná gawdeés, as atén kuwa baalaan, nee yaamuuwós kiwa hayohaan, kuká' hamí laarí ta /ayaan.

DABE 7:16

Xooro tam gaalá ar AAKOÓ MUNGÚ, Munguúhúng naa gawaá dabaahúng i haniís hhaamiisaak, ma baloó gurtlawaara'. Mungui'ín mi sluufmiisara', asma gár adór tí dirhunge a tsaaxweelír kuungá' nu ohiim.

HAR'OHUUSE 14:4

Ala baabuúwós nee aayorose gaarí kaa xuiiká adór tar gár amór AAKOÓ MUNGÚ daahh, asma li/aay gun bu'utá wa slaa' dír múk Filisti. Qoomaadae múk Filisti múk Israeli gun sawaawuti'ii'ín.

1 SAMUELI 2:25

Asma hee bar kuqá' ngwa sadakuús, Mungú gu aleekalaa/, ala hee bar AAKOÓ MUNGÚ ngwa sadakuús, heé gu alefiriím a heemá?» Ala afór baabuúín ngaa axaasi'iiká, asma AAKOÓ MUNGÚ gina wa tsabín ngiwa tsu/i.