YOSHUA 11:16 - Biblía Axweesantá Hhohho' ar Mungú 2004

¹⁶ Yoshua nee slaqwaruuseerós yaamu ngina hayoohiyé' iimír bihhá /iikú wa tleemu ay basa. Yaamaá naa hayoohiyé' a kuká': Yaamaá gongoama', nee yaamaá Negebu, nee baraá tlapuudaá yaamu sleémeero awa Gosheni, nee yaamaá xatso awa Shefela, nee yaamaá Araba, yaamaá tlom'aá Israeli nee xatsooine,

YOSHUA 11:16 Iomraidhean Croise

WARA'AMI 105:44

Yaamaá xoordaá hatlá' gay haniís gadiyér muu kari aál,

WARA'AMI 78:55

Xoordu giri guús geeraaín wa ale, yaamuuín giri qasmiís, digeemi giri qoomeemeés, nee tlahh'aá Israeli gina iwiitiís baraá xafay'ín.

ESEKIELI 17:23

Eeít, aníng a haátl gawaá ságw tloomár tleer ar múk Israeli, as /ayo nee mamu ngiwa laqwal. Inós tay xa'anoó hhoohhoó' oo sahhti, tsir/ór kal'aá yaariir iri mahheetús baraá gamnaangós wa alé, slám mari ngiri tleehhiyá' gawaá haleemaawós.

ESEKIELI 36:8

Ala gawaá tlom'aá yaamaá Israeliwo xaai haleemi ngi duuxiyá', nee mamu ngi laqwaaliyá' as muk'eé' oo Israeli, asma inooín deeloorí tseewe ta kii/ ayaaín.

DABE 1:7

Hám daxta xafaay fee/aak, aaiwo geeray kumiitaak. Tlawsé', baraá yaamaá tlom'aá koomá' awa xoorór Amori, nee yaamuudaá inslaawaay, kudaá baraá yaamaá Araba, baraá tlom'iidá' nee baraá xatsoodaá amór Negebu, nee yaamuudaá afaá tlawi, ta tleerá' ay yaamaá Kana'ani, nee yaamaá Lebanoni ay yaaeedá' ur ar Eufrate.

YOSHUA 10:40

Gawaá adoorihe Yoshua yaamu sleémeero giri hayóh, yaamaá tlom'i, nee awa Negebu, nee awa xatsoowo, nee geetawér tlom'iiwo. Waawitaáín sleémeero guna baál, tam oo wák gwaa meetisiiká. Muruú slaáf sleémeero guna hhaamiís ar adoodá' AAKOÓ MUNGÚ, Munguú Israeli ngira oó'.

YOSHUA 10:41

Yoshua inooín giri baál iimír Kadesh-barnea wa ale, ay gixsár Gasa, nee yaamu sleémeero awa Gosheni, iri puruúts ay yaamaá Gibeoni.

YOSHUA 11:15

Kaangwí an kudá' AAKOÓ MUNGÚ aa hara'ayín dír sagadiyusmoowós Mose. Mose tidá' sleémeero AAKOÓ MUNGÚ aa dirós i hara'ayín, gana hara'ayín dír Yoshua. Nee Yoshua tidá' AAKOÓ MUNGÚ aa dirósí hara'ayín gana ilaiwaá/. Yoshua hara'aydaá AAKOÓ MUNGÚ aa aaín dír Mose gina tleéhh sleémeero.

YOSHUA 11:2

Iri male ya/abín amór waawitaaduú tlom'aá bihhaá /iya, nee kuduú baraá xatstá Yordani bihhaá basa awa tlawtá Galilaya nee kuduú afaá tlawi iisaapoó Nafot-dori bihhaá /uwaá wa alé.

YOSHUA 11:21

Qoomaadae Yoshua ina tláy múk Anaki guna hhaamiís nee gixsaduine nee kudá' yaamaá tlom'aá hootá', iimír Hebronír wa tleemu ay Debiri, ay Anabu, nee yaamaá gongoamaá Yuda nee awa Israeli.

YOSHUA 12:8

Yaamuudá' Yoshua aa qasiís dír múk Israeli a kuká': Yaamaá gongoama' nee yaamaá xatsoowo, nee yaamaá Araba, nee geetaawér tlom'i nee xaanxaay, nee yaamaá Negebu. Yaamuuká' aáng awa múk Hiti, nee múk Amori, nee múk Kana'ani, nee múk Perisi, nee múk Hifi, nee múk Yebusi.

YOSHUA 9:1

Baalír xoorór Israeli kawa axaás, waawitá sleémeero oo yaaér Yordaniro gayuú /uwí dirií', nee oo yaamaá gongoama', nee oo baraá xatsoowo, nee kuduú afaá tlawtá Mediteraneárí tseewá' amór yaamaá Lebanoni, oo múk Hiti, nee oo múk Amori nee oo Kana'ani, nee oo Perisi, nee oo Hifi nee oo Yebusiro,