YOSHUA 11:14 - Biblía Axweesantá Hhohho' ar Mungú 2004

¹⁴ Múk Israeli xosluudá' na baraá gixsadií ayé' nee hikwaawo ngiri haasaáng wa ar tlayé'. Ala muu sleémeero kuna tsuú/, tam heé wák oo ta slafíngwí geexáy i kaahh.

YOSHUA 11:14 Iomraidhean Croise

2 QOM'I 20:25

Waawutmo Yehoshafati nee slaqwaruuseerós nay tlayé', haasaánguú hikwaá yaariir nee daqaari'iima, nee tlabá', nee muruú hatlá' oo tlaxo gawdén, kuri ar tláy. Muruuwí kuna loohiís ar har afiqoomár deelo tám, sleeme kwaa faakiká asma ku ló'wa yaariír.

FAARO 31:9

Múk Israeli /ameenár Midiani nee na/ii kiri haasaáng wa huúw, dinkwa nee hikwa nee bee/aangw nee umuúqo gár ta kona.

DABE 20:14

Ala /ameena, nee na/ii, nee hikwa nee mura' sleémeero kudá' baraá gixsár i dirií' haasaáng tiwa ar tleere' as tawa koohúng. Muruuduú wakuuserhúng /ayaak, kudá' AAKOÓ MUNGÚ, Munguúhúng naa haniís.

DABE 20:16

«Ala baraá gixsadudaá yaamuudá' AAKOÓ MUNGÚ, Munguúhúng naa haniís kiwa ala', umuúqo gár hiinsla ma slafíngwí mawaara'.

YOSHUA 10:40

Gawaá adoorihe Yoshua yaamu sleémeero giri hayóh, yaamaá tlom'i, nee awa Negebu, nee awa xatsoowo, nee geetawér tlom'iiwo. Waawitaáín sleémeero guna baál, tam oo wák gwaa meetisiiká. Muruú slaáf sleémeero guna hhaamiís ar adoodá' AAKOÓ MUNGÚ, Munguú Israeli ngira oó'.

YOSHUA 11:11

Nee múk baraadií dirií' sleémeero kuri tsuú/, tam heé wák oo taa slafíngwí geexáy i kaahh, gixsár Hasori kari daá/ ar asla.

YOSHUA 11:13

Ala múk Israeli gixsaduudaá gawaá tlom'i kaa da/iiká, ala a har gixsár Hasori tidá' Yoshua aa daá/.

YOSHUA 11:15

Kaangwí an kudá' AAKOÓ MUNGÚ aa hara'ayín dír sagadiyusmoowós Mose. Mose tidá' sleémeero AAKOÓ MUNGÚ aa dirós i hara'ayín, gana hara'ayín dír Yoshua. Nee Yoshua tidá' AAKOÓ MUNGÚ aa dirósí hara'ayín gana ilaiwaá/. Yoshua hara'aydaá AAKOÓ MUNGÚ aa aaín dír Mose gina tleéhh sleémeero.

YOSHUA 8:2

Adoodá' kuúng taa tléhh dír múk Yerikór i alé, an adór kuúng ta tlehh dír múk Ai nee waawutmooín. Haasaáng ku koohúng tlehhá'. Gixsar'ín haramaamahhataak, amór alaá gixsa nar oohaak.»

YOSHUA 8:27

Múk Israeli, hikwa nee xoosladá' taa baraá gixsarí áy kari huúw haasaáng wa ale ar adoodá' AAKOÓ MUNGÚ Yoshua ngura hara'ayín.