YOSHUA 11:11 - Biblía Axweesantá Hhohho' ar Mungú 2004

¹¹ Nee múk baraadií dirií' sleémeero kuri tsuú/, tam heé wák oo taa slafíngwí geexáy i kaahh, gixsár Hasori kari daá/ ar asla.

YOSHUA 11:11 Iomraidhean Croise

DABE 20:16

«Ala baraá gixsadudaá yaamuudá' AAKOÓ MUNGÚ, Munguúhúng naa haniís kiwa ala', umuúqo gár hiinsla ma slafíngwí mawaara'.

DABE 3:7

Ala haasaáng sleémeero oo taa baraadií awaán, hikwa nee umuú gaaro, ina ar tlawaán.

DABE 7:2

Slám qoomár AAKOÓ MUNGÚ, Munguúhúng birnga haniís gawaá dabaahúng mukdá' kway balé', ku hhaamisá', al'axweesani tam ar niiná ma qaasara', nee inooín mi baloó gurtlawaara'.

YOSHUA 10:40

Gawaá adoorihe Yoshua yaamu sleémeero giri hayóh, yaamaá tlom'i, nee awa Negebu, nee awa xatsoowo, nee geetawér tlom'iiwo. Waawitaáín sleémeero guna baál, tam oo wák gwaa meetisiiká. Muruú slaáf sleémeero guna hhaamiís ar adoodá' AAKOÓ MUNGÚ, Munguú Israeli ngira oó'.

YOSHUA 6:21

Umuúqo gaaro baraá gixsaro kana hhaamiís, hhaawaate nee /ameenaaro, tam masoomba nee bariiseero, hikwa nee bee/aangw nee daqwaayeero, sleémeero kina tsuú/ ar paánga.

YOSHUA 6:24

Aluuwo umuúqo gár baraá gixsadá' i diriia kari daá/ ar asla, ala gár taa da/iiká a peésa nee sahaábu, nee xooslaá taa tleéhh ar muqslír daa/aat nee muqsla. Xosluuká' kiri qaás baraá qaasír doó AAKOÓ MUNGÚ.