YOSHUA 10:8 - Biblía Axweesantá Hhohho' ar Mungú 2004

⁸ AAKOÓ MUNGÚ Yoshua guri báy, «Ma baloó da'ayutaar as inooín. Asma aníng inooín ngaa qaroó gawaá dabaawók i qaás. Heé kuúng u harasihhiít i kaahh tumu wák.»

YOSHUA 10:8 Iomraidhean Croise

1 WAAWITÁ 20:13

Qoomaarír kilae aarusmooko wák ina amór waawutmo Ahabu káy oo múk Israeli, guri báy, «AAKOÓ MUNGÚ i kaahi, ‹Boo/oó yaariír kwí oo askaári hám ugwa aándi? Aníng laarí ngi gawaá dabaawók qaás, daqaní kuúng a tsáhh adór aníng tar AAKOÓ MUNGÚ.› »

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?

DABE 3:2

Ala AAKOÓ MUNGÚ ina báy, ‹Mu da'ayumiitaar, asma ngwaa qaroó haniís gawaá dabaawók, inós nee mukós sleémeerowo dinkwa nee yaamuuwose. Kuúng inós un adór Sihoni tléhh, waawutmoó múk Amori kuduú Heshboni.›

DABE 7:24

Inós waawitaáín ngu gawaá dabaahúng i haniis, kuungá' kiri tsu/á', nee inooín kiri gunqarees. Heé inooín baqto gi aleesláw i kaahh, ay dír kuungá' inooín kay hhaamisa'.

YOSHUA 10:25

Yoshua iri oó' dír múk Israeli sleémeero, «Ma da'ayumiitaara', laqaá ma amoqwaqwadiimara', pihhé' nee migisé', asma adoorí an adoodá' AAKOÓ MUNGÚ i tleehhi dír wakuuserhúng sleémeero.»

YOSHUA 10:9

Xweera sleémeero Yoshua nee slaqwaruuseerós tana hi'iimiít iimír Gilgalír wa ale ay Gibeoni, slaqwaruuseedár Israeli múk Amori guri i haratleér.

YOSHUA 11:6

AAKOÓ MUNGÚ Yoshua guri báy, «Ma baloó da'ayumiitaar as inooín. Matlo qoomár adór tihe aníng inooín in qaás gawaá dabaá múk Israeli, sleémeero kin hhaamiis. Alaá slaqwaraaro farasuuín kun kane tlaaq, nee gaarduuín kudá' slaqwara ki daa/ ar asla.»

YOSHUA 8:1

Naagáy AAKOÓ MUNGÚ Yoshua guri báy, «Kuúng ma da'ayumiitaar laqaá ma hhaslitaar, slaqwaruuse amohhe'eeseek. Daqaní ta tleerá' ay Ai, ga/aaweek, aníng waawutmoó Ai nee mukose nee gixsarose nee yaamuuwose ngaa dabaawók i qaás.

HAR'OHUUSE 6:16

AAKOÓ MUNGÚ guri báy, «Adoorí tleehharo a aleesleér, asma aníng a dinkwa nee kuúng, kuúng múk Midiani sleémeero un múx adór heé wákár alé.»

HAR'OHUUSE 7:9

Xweeradaá kilae AAKOÓ MUNGÚ Gideoni guna báy, «Ti amohhe'es, xafoó múk Midiani kuwa i haratleer, asma aníng arba/ati ngaa dirógí haniís.

1 SAMUELI 17:47

Muu sleémeero laarí oo aa burumburiit gari tsaahh adór AAKOÓ MUNGÚ muu ngur ba/amisiiká ar lawlu nee paangadu. Asma slaqwara ar AAKOÓ MUNGÚ, inós kuungá' sleémeero nun dabaarénií qaas.»