YOSHUA 10:7 - Biblía Axweesantá Hhohho' ar Mungú 2004

⁷ Ala Yoshua miguusér slaqwarár ló'wa xuu' sleémeero gari dinkwaárií ateét, nee slaqwaruusér hatlá' sleeme, tay tláy amór Gilgalír wa alé.

YOSHUA 10:7 Iomraidhean Croise

ISAYA 8:12

«Miti haragaasara' nee mukwí baraá kaahir'ine, tam muruudá' inooín i da'ayumitiya', kuúng mu da'ayumitaar, laqaá ma xurumitaar.

ISAYA 8:14

Aníng a dirók tidá' hhoohhoo' ar guwaay, sleeme aqo adór tlaa/anoó dukuutsmo, tlaa/ár waawituú Israeli i huhu'un nee oo Yudawo. Aníng a tsaaxweelír yaamuloouusér Yerusalemu ga ohiim.

YOSHUA 10:6

Múk Gibeoni muu guri ya/aáw amór Yoshua didár xafoó Gilgali, tari oó', «Na'ás, aténaá sagadiyuuseerók miti kwahhaar, qwaláng ar gaanslaay, atén ti tu/ nee ti alee/is! Asma waawitá sleémeero oo múk Amori kuduú baraá yaamaá tlom'aá hoót naa amoorénií haraatláy.»

YOSHUA 8:1

Naagáy AAKOÓ MUNGÚ Yoshua guri báy, «Kuúng ma da'ayumiitaar laqaá ma hhaslitaar, slaqwaruuse amohhe'eeseek. Daqaní ta tleerá' ay Ai, ga/aaweek, aníng waawutmoó Ai nee mukose nee gixsarose nee yaamuuwose ngaa dabaawók i qaás.

YOSHUA 8:3

Yoshua slaqwaruuse gari amohhe'eés tawa haratlay Ai. Slaqwaruusér kume mibeeri tám gana tsawaár, gari ya/aáw ay Ai xweeraawo.