YOSHUA 10:40 - Biblía Axweesantá Hhohho' ar Mungú 2004

⁴⁰ Gawaá adoorihe Yoshua yaamu sleémeero giri hayóh, yaamaá tlom'i, nee awa Negebu, nee awa xatsoowo, nee geetawér tlom'iiwo. Waawitaáín sleémeero guna baál, tam oo wák gwaa meetisiiká. Muruú slaáf sleémeero guna hhaamiís ar adoodá' AAKOÓ MUNGÚ, Munguú Israeli ngira oó'.

YOSHUA 10:40 Iomraidhean Croise

1 WAAWITÁ 15:29

Ba'asha waawuti'iima ngiwa sangw sláy, múk doó Yeroboamu sleémeero guna tsuú/, tam panmo gwaa geexayká, ar adoodá' AAKOÓ MUNGÚ aa oó' ar loohír sagadiyusmoowós Ahiya kuduú Shilo.

NEHEMIA 9:24

Naagáy xwaylarí nay hardát yaamu ngiwa aaliya', múk yaamuudá' kuri arbaá/. Múk Kana'ani kway gawaá dabaaín i qás dinkwa nee waawitaáine nee múk yaamudae, as adoodá' i slaiya' ngiwa dir'ín i tleehhiya'.

WARA'AMI 9:17

Tlakuuse amór i keer a baraá gi'i, tam múk xoordu kudá' Mungú ngwa gunqareesiye' sleeme i amoodá' kayá'.

TI'INAANGW 34:12

Kuúng ti harmagahh alqado ma tleehhara' nee yaamuloouusér yaamaá ta keera', asma kuungá' aluuwo nu gee/asliyá'.

FAARO 13:17

Mose inooín giri ya/aáw yaamaá Kana'ani ngiwa tsawtsawuusiya', giri báy, «Tlawsé' ay amór yaamaá Negebu, nee amór yaamaá tlom'i.

DABE 1:7

Hám daxta xafaay fee/aak, aaiwo geeray kumiitaak. Tlawsé', baraá yaamaá tlom'aá koomá' awa xoorór Amori, nee yaamuudaá inslaawaay, kudaá baraá yaamaá Araba, baraá tlom'iidá' nee baraá xatsoodaá amór Negebu, nee yaamuudaá afaá tlawi, ta tleerá' ay yaamaá Kana'ani, nee yaamaá Lebanoni ay yaaeedá' ur ar Eufrate.

DABE 2:34

Gixsaduuwós sleémeero kiri hayohaán. Hhawaate nee /ameena nee na/iiwo kiri tsu/aán, heé taa slafiíngwí geexawaán tumu wák i kaahh.

DABE 7:24

Inós waawitaáín ngu gawaá dabaahúng i haniis, kuungá' kiri tsu/á', nee inooín kiri gunqarees. Heé inooín baqto gi aleesláw i kaahh, ay dír kuungá' inooín kay hhaamisa'.

YOSHUA 10:35

Inooín gixsár Egloni ngiri hayoohiyé' baalaadár kilae, muu sleémeero kuri tsuú/, aqo adoodá' taa tleéhh dír gixsár Lakishiro.

YOSHUA 10:37

Gixsadá' ngiri hayoohiyé', mukós sleémeero kuri tsuú/ ar paánga dinkwa nee waawutmooine nee gixsadaá inslaawaydá' nee umuúqo heé baraadií diriia, tam gár aa met i káhh, aqo adoodá' taa tleéhh dír gixsár Egloni.

YOSHUA 10:39

Inós gixsár Debiri gari hayóh, nee waawutmoowose dinkwa nee gixsadaá iisaapaydá', kiri hhaamiís ar paánga, tam heé aa meet i kaahh. Gixsarí nee waawutmoowose kina adór gixsár Hebroni laáq, nee sleeme adór gixsár Libna nee waawutmoowós laáq.

YOSHUA 11:16

Yoshua nee slaqwaruuseerós yaamu ngina hayoohiyé' iimír bihhá /iikú wa tleemu ay basa. Yaamaá naa hayoohiyé' a kuká': Yaamaá gongoama', nee yaamaá Negebu, nee baraá tlapuudaá yaamu sleémeero awa Gosheni, nee yaamaá xatso awa Shefela, nee yaamaá Araba, yaamaá tlom'aá Israeli nee xatsooine,

YOSHUA 12:8

Yaamuudá' Yoshua aa qasiís dír múk Israeli a kuká': Yaamaá gongoama' nee yaamaá xatsoowo, nee yaamaá Araba, nee geetaawér tlom'i nee xaanxaay, nee yaamaá Negebu. Yaamuuká' aáng awa múk Hiti, nee múk Amori, nee múk Kana'ani, nee múk Perisi, nee múk Hifi, nee múk Yebusi.

YOSHUA 18:21

Gixsadaá taa tlahhoó Benyaminiwí haniís a kuká': Yeriko, nee Bet-hogla, nee Emek-kesisi,

YOSHUA 6:17

Gixsa nee umuúqo gár baraadií diriia naasuwaak tawa ilahhooár taa haniís dír AAKOÓ MUNGÚ. Aqo har Rahabudár tsaatuso'o kilós na meetisaak, nee múk do'ose, asma inós mukdá' taa qawti ya/awaán guna lú/.

YOSHUA 8:2

Adoodá' kuúng taa tléhh dír múk Yerikór i alé, an adór kuúng ta tlehh dír múk Ai nee waawutmooín. Haasaáng ku koohúng tlehhá'. Gixsar'ín haramaamahhataak, amór alaá gixsa nar oohaak.»

YOSHUA 8:27

Múk Israeli, hikwa nee xoosladá' taa baraá gixsarí áy kari huúw haasaáng wa ale ar adoodá' AAKOÓ MUNGÚ Yoshua ngura hara'ayín.

YOSHUA 9:24

Inooín nari ooiyé', «Atén a xuaán adór AAKOÓ MUNGÚ, Munguúhúng, sagadiyusmoowós Mose ngura ádbáy múk baraá yaamuuká' nguwa hhaamisi, nee yaamuuká' ngiwa kuungá' i haniisi. Gawaá adoorihe atén ana da'ayuutaán. An gár adoorí ngisa tleehhaán.