YOSHUA 10:37 - Biblía Axweesantá Hhohho' ar Mungú 2004

³⁷ Gixsadá' ngiri hayoohiyé', mukós sleémeero kuri tsuú/ ar paánga dinkwa nee waawutmooine nee gixsadaá inslaawaydá' nee umuúqo heé baraadií diriia, tam gár aa met i káhh, aqo adoodá' taa tleéhh dír gixsár Egloni.

YOSHUA 10:37 Iomraidhean Croise

TI'INAANGW 17:13

Yoshua xooroodár Amaleki gari hhaamiís.

YOSHUA 10:28

Yoshua nee slaqwaruuseerós niri kumiitiyé' slaqwaraaro, gixsár Makeda ngiri hayoohiyé' nee waawutmoowós kway gaás, múk baraá gixsadá' sleémeero kuri tsuú/. Waawutmoó Makeda kuna gaás adór kuduú Yerikór wa alé.

YOSHUA 10:35

Inooín gixsár Egloni ngiri hayoohiyé' baalaadár kilae, muu sleémeero kuri tsuú/, aqo adoodá' taa tleéhh dír gixsár Lakishiro.

YOSHUA 10:36

Aluudae inooín tay tláy dír Eglonír wa ale, ay gawaá geetuú tloomár Hebroni, gixsadá' ngiri i haratlayé'.

YOSHUA 10:38

Naagáy Yoshua nee slaqwaruuse sleémeero tay Debirírí kií/, tari slaáqw nee múk didá'.

YOSHUA 10:39

Inós gixsár Debiri gari hayóh, nee waawutmoowose dinkwa nee gixsadaá iisaapaydá', kiri hhaamiís ar paánga, tam heé aa meet i kaahh. Gixsarí nee waawutmoowose kina adór gixsár Hebroni laáq, nee sleeme adór gixsár Libna nee waawutmoowós laáq.

YOSHUA 10:40

Gawaá adoorihe Yoshua yaamu sleémeero giri hayóh, yaamaá tlom'i, nee awa Negebu, nee awa xatsoowo, nee geetawér tlom'iiwo. Waawitaáín sleémeero guna baál, tam oo wák gwaa meetisiiká. Muruú slaáf sleémeero guna hhaamiís ar adoodá' AAKOÓ MUNGÚ, Munguú Israeli ngira oó'.

YOSHUA 11:12

Yoshua gixsaduuká' sleémeero giri hayóh, nee waawitaáín guri tsuú/ ar paánga. Sleémeero giri hhaamiís, adoodá' Mose sagadiyusmoó AAKOÓ MUNGÚ ngwa báy.