YOSHUA 10:32 - Biblía Axweesantá Hhohho' ar Mungú 2004

³² AAKOÓ MUNGÚ bál tsár gixsár Lakishi gay gawaá dabaá múk Israeli qaás. Inooín muu sleémeero oo baraá gixsár Lakishi kuri tsuú/, aqo adoodá' sleeme taa tleéhh dír gixsár Libnaro.

YOSHUA 10:32 Iomraidhean Croise

TI'INAANGW 17:13

Yoshua xooroodár Amaleki gari hhaamiís.

ISAYA 37:8

Geeraharusmoodá' iwa kií/ gari axaás adór waawutmoó Ashuru ira quútl baraá Lakishiro, iri tláy naxés gixsár Libna gana i haratláy.

DABE 7:2

Slám qoomár AAKOÓ MUNGÚ, Munguúhúng birnga haniís gawaá dabaahúng mukdá' kway balé', ku hhaamisá', al'axweesani tam ar niiná ma qaasara', nee inooín mi baloó gurtlawaara'.

YOSHUA 10:28

Yoshua nee slaqwaruuseerós niri kumiitiyé' slaqwaraaro, gixsár Makeda ngiri hayoohiyé' nee waawutmoowós kway gaás, múk baraá gixsadá' sleémeero kuri tsuú/. Waawutmoó Makeda kuna gaás adór kuduú Yerikór wa alé.

YOSHUA 10:31

Aluudae Yoshua nee slaqwaruuse sleémeero ar Israeli tari altláy Libnár wa ale. Tay hardáh gixsár Lakishi, kari haraweél, kari i haratláy.

YOSHUA 10:33

Waawutmo Horamu kudaáduú gixsár Geseri, inós múk Lakishi guna alee/iisár áy, ala Yoshua nee slaqwaruuseerós waawutmo Horamu nee slaqwaruuseerose kiri tsuú/. Tam heé wák oo aa meet i kaahh.

YOSHUA 11:12

Yoshua gixsaduuká' sleémeero giri hayóh, nee waawitaáín guri tsuú/ ar paánga. Sleémeero giri hhaamiís, adoodá' Mose sagadiyusmoó AAKOÓ MUNGÚ ngwa báy.