YOSHUA 10:3 - Biblía Axweesantá Hhohho' ar Mungú 2004

³ Gawaá adoorihe waawutmo Adoni-sedeki afo gay ya/aáw amór waawutmo Hohamu oo Hebroni, nee waawutmo Piramu oo Yarmuti, nee waawutmo Yafia oo Lakishi nee amór waawutmo Debiri oo Egloni.

YOSHUA 10:3 Iomraidhean Croise

IIMU/UUNGW 23:2

Sara iri gwá' baraá gixsár Kiriat-arba, tidá' ta bay Hebroni, ar baraá yaamaá Kana'ani. Abrahamu ina /aa/amín, iri tsuunqumiís as gwa'arár hareerós Sara.

IIMU/UUNGW 37:14

Guri báy, «Tláw, saayuú hhaeewók leehhang, xáy, ki amohhoóe, nee bee/aangw sleeme ku amohhoóe? Saayuúsíng ngu húp.» Baabuúwós guri ya/aáw iimír baraá xatstá Hebronír wa alé, iri hardáh yaamaá Shekemu.

2 SAMUELI 2:11

Daudi múk tlahhoó Yuda guna sawaawuti'ín kureeri faanqw nee slahheraá lahhoó' bara Hebronír wa ale.

2 WAAWITÁ 18:14

Hesekia waawutmoó Yuda afo gari ya/aáw amór Senakeribu baraadaá Lakishi, guri báy, «Gám aníng aga dakuús. Na'amaamís, slaqwara sihhtisek, nee aníng umuú gár ta sla'a ngi haniís.» Waawutmoó Ashuru iri oó', «Hesekia waawutmoó Yuda kílor kume mibaangw ar peésa nee kílor kumuú wák ar sahaábu ngi haniisi.»

2 WAAWITÁ 18:17

Naagáy waawutmoó Ashuru geeraharusmoó úr oo slaqwaruuse nee geeraharusmoó úr oo askaári nee geeraharusmoó múk taa karmuumúy dinkwa nee slaqwaruusér yaariir, gari ya/aáw amór Lakishi wá ale ay amór waawutmo Hesekia baraá Yerusalemu, niri hardihiyé' baraá Yerusalemu. Inooín niwa hardihiyé' nay sihhitiyé' bihhaá maparír ma'aay tidár bihhaá loohidá' ur, ar amór didár hhuuntsitór kaw.

2 QOM'I 11:9

nee Adoraimu, nee Lakishi nee Aseka,

YEREMIA 34:7

Qoomaarihe slaqwaruusér waawutmoó Babuloni ta slaaqw nee gixsár Yerusalemu, nee gixsadaá hatlá' awa Yuda, kudá' naa meetiye' adór gixsár Lakishi nee Aseka, asma an gixsadaá koo/i gawden baraá yaamaá Yudawo.

MIKA 1:13

Kuungaásingá' yaamuloouusér Lakishír hoot, gaardaá slaqwara farsuú isláhh ti tsege'. Asma kuungá' tlakweemaá múk Israeli ina alealusé', nee múk Siyoni kuri tlakweemár eeré' sleeme.

FAARO 13:22

Tana tláy ay Negebu, tari hardáh ay gixsár Hebroni. Tlahhoó Anaki in baraadá' hoot, inooín án múk Ahimani nee múk Sheshai nee múk Talmai. (Gixsár Hebroni kana geerií qaro tleéhh kureeri faanqw dír gixsár Soaniro tidár yaamaá Misri.)

YOSHUA 10:1

Adoni-sedeki, waawutmoó Yerusalemu, gana axaás adór Yoshua gixsár Ai ngira hayóh, gari hhitín nee waawutmowós guri gaás. Adoorí an adór aa tleéhh sleeme dír gixsár Yeriko nee waawutmoowose. Inós sleeme gari axaás, adór múk Gibeoni al'axweesantá wayda ngira kaahiyé' nee múk Israeli tawa alhooti.

YOSHUA 10:23

Naagáy afkú mar'idá' kway kiís, waawitaádá' kooán kunguri duúx, kuri huúw amór Yoshua, waawutmoó Yerusalemu, nee oo Hebroni, nee oo Yarmuti, nee oo Lakishi nee waawutmoó Egloni.

YOSHUA 10:34

Bál tsare Yoshua nee slaqwaruusér Israeli sleémeero niri geerií kumiitiyé' dír Lakishiro ay Egloni, gixsár Egloni kari haraweél, kari i haraatláy as tawa slaqwi.

YOSHUA 10:5

Ala waawitáwí kooán oo Amori, waawutmoó Yerusalemu, nee waawutmoó Hebroni, nee waawutmoó Yarmuti, nee waawutmoó Lakishi, nee waawutmoó Egloni, inooín slaqwaruuser'ín kana dinkwárí haragaás, kari ar /eét ay Gibeoni, gixsarí kari harweér kay i haraatláy.

YOSHUA 14:15

Umuú yaamaá gixsár Hebroni bál geeraawo a kun babay Kiriat-arba. Heewí ta bay Arba ku ló'wa iiatleér ta múk hatlá' sleémeero oo Anakiro. Yaamu sleémeero niri amohhoouyé' asma slaqwara i káhh.

YOSHUA 15:54

nee Humta, nee Kiriat-arba, (inós an Hebroni) nee Siori. Gixsaduuká' kaa haniís a gwaleél dinkwa nee ayeemoine.

YOSHUA 15:63

Ala múk Yuda múk Yebusi ngwa aleeslay'iiká tlatlahhasaro. Mukuú Yebusi aáng an yaamuloouusér Yerusalemu. Ala tam ay laarí mukuú Yebusi nee múk Yuda tan alhoot.

YOSHUA 18:28

nee Sela, nee Ha-elefu, nee Yebusi, tidá' ta hara babay Yerusalemu, nee Gibea nee Kiriat-yearimu. Gixsaduuká' kaa haniís dinkwaaro a mibaá nee tsiyáhh. Ayeemooká' sleémeero an kudá' taa haniís dír tlahhoó Benyamini nee múk do'ós.