YOSHUA 10:26 - Biblía Axweesantá Hhohho' ar Mungú 2004

²⁶ Aluuwo Yoshua waawitaádá' guri tsuú/, nee gway tareereín gawaá xaa'aá kooán i alé, slaqooín nay gawaadá' wa tarereamiitiyé' ay tsiindo.

YOSHUA 10:26 Iomraidhean Croise

2 SAMUELI 21:6

Gim daxta, múk faanqw baraá na/iiwós awa daaqaywo, amoorén i haniisang, atén i tsu/aán kiwa tareereiimaan dír geeraá AAKOÓ MUNGÚ wa ale, gawaá tloomár Gibeár Saulo, kudá' taa tsawaár nee AAKOÓ MUNGÚ.» Waawutmo iri oó', «Muksíng ngu haniís.»

2 SAMUELI 21:9

Na/iiká' faanqw awa daaqaay Daudi gina haniís dír múk Gibeoni, inooín kiri tareereín gawaá tlooma, dír geeraá AAKOÓ MUNGÚ i ale. Sleémeero faanqwmaawo, nari qoomár wák qatliyé'. Na/iiká, kina tsuú/ qoomár bu'úngw geera oo shayiri.

ESTA 2:23

Kaangwí kuri alqaytsiít, looeema kay sláy, mukdá' tsár kway terereín gawaá xa'ano, kaangwí kway gooín baraá kitaábuú qom'i dír geeraá waawutmo.

WARA'AMI 149:7

As li/aay kuwa bui dír xoordu, nee xoordaá hatlá' muxta ngi slaye'.

WARA'AMI 18:41

Nina mak uuiyé', ala heé gaa /iis i kaahh. AAKOÓ MUNGÚ nguna mak i /aa/iyé', ala gaa iiárií qaasiiká.

FAARO 25:4

AAKOÓ MUNGÚ Mose guri báy, «Geeraharuusér Israeli sleémeero ar tlaweek, ki tarereiín tlaatla/ángw alé dír geeraaeé', as kahhó' muner'eé' iwa tsauur daanduú múk Israeliwo.»

Matayo 27:25

Muu sleémeero iri oó', «Tseereerós atén nee na/iirene ti i ki/.»

Yohana 19:31

Ala múk Yahudi Pilato guri firín as ya'aá mukdá' taa kiki'ín kiwa geqay, nee kiwa hingeesi gawaá misalabaduuwo. Adoorí kana slaá' tleehhamooro, asma a baalár amohhe'eemis, nee looár tlaw tawa deelór Sabaáto. Inooín kaa slaiiká tu'u iwa iwiwiitiya' gawaá misalabaduú wa ale deelór Sabaátoro. Asma deeloodár Sabaáto a deelór ló'wa ur.

Galatia 3:13

Kristo atén tina tuú/ baraá lo'oodár hara'ayaaro, qoomár lo'oorén tidá' inósuú kilá' ngiwa gagaár. Asma kaa gooín, «Umuúqo heewo oo taa gawaá xa'anií kikií' kwaa lu'ús.»

YOSHUA 8:29

Inós waawutmoó Ai guri tarereé' gawaá xa'ano ay tsiindo. Nee qoomár tsiindi iwa darat, Yoshua muu guna báy, «Slaqwtós hingeesaak gawaá xa'anoowo, ka kwahhá' afkú gixsa.» Naagáy tlaa/e kay gawaá tuuadií burumbuúr adór ufa, tam ay laarí ufuudá' i deer.

HAR'OHUUSE 8:21

Aluuwo Seba nee Salmuna Gideoni nguri bayé', «Sihhiitáng, kuúnguú kilá' ti tsu/, asma gadiyeérí ar hhawaate.» Gideoni giri tsuú/ inósuú kilá', muruuduú parooti oo gawaá isér angamíar'ín guri ar tláy.

1 SAMUELI 15:33

Ala Samueli iri oó', «Adoodá' paángarók na/aá /ameena ngira hhaamís, adoorí an adór panmoó aayoorók ir meetiiká tla/ángw /ameenaaro.» Naagáy Samueli Agagi guri sikín geeraá AAKOÓ MUNGÚ wa alé baraá Gilgali.