YOSHUA 10:24 - Biblía Axweesantá Hhohho' ar Mungú 2004

²⁴ Kingay huúw amór Yoshua. Yoshua múk Israeli sleémeero guri ateét, nee geeraharuusér slaqwaruuse, tidá' nee inós naa aldaqaye' baraá slaqwara, giri báy, «Qwalaas diirí tseewuwaare', waawitaáwí iso yaamií kal/amaak.» Inooín adoodá' kari tleéhh.

YOSHUA 10:24 Iomraidhean Croise

2 SAMUELI 22:39

Ina hhaamiís, ngiri yaamií daáhh, as mindiwa baloó sihhiitiyé', niri huuhu'uné' dír ya'aaeé'.

2 SAMUELI 22:41

Kuúng wakuuser'eé' ana tlatlahhás, nee kudá' iga aahhiye' ina hhaamiís.

WARA'AMI 107:40

Mungú wakuuser'ín gari waaqaqaá', gari harweertamamiís baraá xaanxoó loohi wásl.

WARA'AMI 110:1

AAKOÓ MUNGÚ iri oó' dír Aakooeé', «Iwiít bihhaá dakw'eé' oo doó /iyáy, ay dír wakuuseerók ngay qaas baraá tsa/aá ya'aawók.»

WARA'AMI 110:5

Aako hanoos, kuduú waawutmo, i bihhiwók awa doó /iyáy, bira buúhh, waawitá gu faak.

WARA'AMI 18:40

Wakuuser'eé' kuúng ana gús dir'eene, nee kudá' aníng i ahhiitá' ngay hhaamiís.

WARA'AMI 91:13

Diraangw nee dayshamo in adarát, na/oó diraangw nee waasla in ya'ár naasuúr.

ISAYA 51:23

Aníng wakuuseerók an wahaás, tidá' kuúng u babaw, ‹Yaami qaateek atén a gawaawók ar waarahhaán, daanduuwók nguri adór yaamu tleehhaán tari adór loohír tar warhhahhati.› »

MALAKI 4:3

Kuungá' mukdá' tlákw kuri adaratá', asma inooín tay adór da/ara baraá tsa/aá ya'aahunge, baalaadá' án gadiyér'eé' bar tleéhh.

Rumi 16:20

Nee Munguúduú wayduú hanmiís, inós kuungá' nu /uurií haniis oo Neetlaangw kuwa nakaa/aruura' ar gaanslaay baraá tsa/a'aá ya'aahúng i alé. Aakoorén Yesu Kristo kuungá' nu tsuuqi.

DABE 33:29

Kuungaá Israeli a múk amohhoó', múk adór kuungá' a gaalá? Múk taa ba/amís nee AAKOÓ MUNGÚ. Inós an gaambórhúng ar alee/isaay, nee paángarhúng ar baali. Wakuuserhúng ni dirhúng i hardát ar ilaiwa/ame, kuungá' kiri yaamuií naka/aruurá'.»

Ebrania 1:13

Asma Mungú iimír aange tam malaykamoowós oo wák gwaa bayká, «Iwiít bihhaá dakwe'eé' oo doó /iyáy ay dír wakuuseerók ngay qaas baraá dabaawók i alé.»

HAR'OHUUSE 8:20

Gideoni Yeteri garmaawós oo barís guri báy, «Sihhiít, tsu/eek.» Yeteri iri da'ayuút paángarós ngiwa taataahhi asma inós a masoomo.