YOSHUA 10:12 - Biblía Axweesantá Hhohho' ar Mungú 2004

¹² Baldá' AAKOÓ MUNGÚ múk Israeli guri baalírí haniís daanduú múk Amoriwo. Yoshua iri sihhiít dír geeraá múk Israeli, AAKOÓ MUNGÚ guri firín iri oó', «Tsee/amá, kuúng sihhiít gawaá Gibeoni, sláhhaangw, kuúng sihhiít baraá xatstá Aiyaloni.»

YOSHUA 10:12 Iomraidhean Croise

2 SAMUELI 2:12

Abneri garmoó Neri, dinkwa nee sagadiyuusér Ishbosheti, garmoó Saulo, tana Mahanaimúr wa tláy ay Gibeoni.

2 WAAWITÁ 20:10

Hesekia iri oó', «Geehhaantamo geerií kumiitaro adoosíng ka inslaahh, ala áx gimáy geehhantamo i alií ki/i digir mibaangw.»

2 WAAWITÁ 20:11

Aarusmo Isaya AAKOÓ MUNGÚ guri ló'wa firín, AAKOÓ MUNGÚ geehhaantamo guri alií ki/ís digir mibaangw, gawaá tsa/a/amtoodá' taa tleéhh nee Ahasi.

2 WAAWITÁ 20:9

Isaya iri oó', «Gaarí an layár kuúng ta aan ar amór AAKOÓ MUNGÚ daahh, adór al'axweesantós ngir boo/eés. Xáy ka sla' geehhaantamo har afiqoomár digiruú mibaangw in geerií kumiíti, laqaá in alií kii/?»

1 QOM'I 8:13

Beria nee Shema, an múk urén baraá gur'ér maraá baabi'ii'ine kudaá yaamuloouusér Aiyaloni, inooín an kudá' múk Gati gwaa tlatlahhasiye'.

2 QOM'I 11:10

nee Sora, nee Ayaloni nee Hebroni. Gixsaduuká taa koo/i gawdeés i baraá yaamaá Yuda nee awa Benyamini.

YOBU 9:7

Looa gan ilaa/ iri tsiirihhká, tsetse/ gun tuuntuuk miwa gwa/aát.

WARA'AMI 148:3

Looa nee slahhaangw, inós xirfayeesaak! Tsetse/ sleémeero kudá' gwa/aát, inós xirfayeesaak!

WARA'AMI 19:4

Tam nee adoosinge afor'ín aa tsiyaayaxát umuú dii baraá yaamuwo. Axweesantaín aa hardát alhhe'eesoó yaamuwo. Mungú looa gaa do' i tleéhh gawaá dooriwo.

WARA'AMI 74:16

Tlaatla/aangw a kók nee xweera a kók, kuúng slahhaangw nee tsee/amá ina dir'íni qás.

ISAYA 28:21

Asma AAKOÓ MUNGÚ ni sihhiit adoodá' aa tleéhh amór tloomár Perasimuro. In daa/atúy buhhtaawo adoodá' aa tleéhh baraá xatstá Gibeoniro, as tlehhmi'iiwós kudaá' waa/oo/amo aa qoomeés ngiwa tleehhi, nee gadiyeérós tidá' xuaawasl ngiwa tleehhi.

ISAYA 38:8

Aníng mahhtidár dír tsa/a/amtoodá' Ahasi aa tleéhh an alií surkuús ar harqoomoó digiruú mibaangw.» Mahhtidá' iri surúk ar harqoomoó digruú mibaangw.

ISAYA 60:20

Tsee/amaáhúng i baloó dahiiká, nee slahhaangók i dahiiká. Asma AAKOÓ MUNGÚ an gwa/aateemawók kudaá daqisleém. Deelór tsuunqumisuuwók i fák.

YEREMIA 28:1

Kurkuduú kilae, slahhángw kooán oo kurkú tsiyáhh oo waawuti'iimár Sedekia waawutmoó Yuda, Hanania garmoó Asuri, aarusmoó gixsár Gibeonír daáhh, ina dir'eé' axweés baraá Doó AAKOÓ MUNGÚ wa alé. Ina i axweés dír geeraá kaahamuusér Mungú wa ale, nee geeraá muu sleémeero, iri báy,

AMOS 2:9

«Tam adoorihe, aá muk'eé', aníng xoorór Amori ana hhaamiís geerahúng wa alé, inooín tam múk tlede adór sahhtár wa ale, nee tam i /uureemaá kona'a adór ti'ituú wa ale, eeít, aníng haleemiiwós nee dee/áruwose ina qororo'oós.

AMOS 8:9

Aakoó MUNGÚ i kaahi, «Baala ni xeér ar aníng tsee/amá nguwa looár lahhoó' ii dahaas, yaamu giwti giri tuuntúk tlaatla/ángw ale.

HABAKUKI 2:20

«Ala AAKOÓ MUNGÚ i baraá do'ós kudá' hhoohhoó' i dirii', yaamu sleémeero i xasliitiye' geeraawós i ale.»

HABAKUKI 3:11

Tsee/amá nee slahhaangw niri sihhiitiyé' wa/aamer'ín tidá' i hootiya', qoomár qwiiraa/ór maheeriiwók ngiwa ariyé' iwa weelaahát, nee qoomár mitsaahhór lawaalarók ngiwa ariyé'.

SEKARIA 2:13

Kuungaásingaá muu sleémeero, dír geeraá AAKOÓ MUNGÚ i xaslitaak, asma inós naa dirós tidá' hhoohhoó' wa tláy.

DABE 17:3

inós munguaá hatlá' giri sagadiyuús nee giri sluufmiís, nee sleeme tsee/amá, nee slahhaangw tam tsatse/uú gawaá doori guri sluufmiís, kudá' aníng naa ooiiká kuwa sluufmisá',

DABE 4:19

Ti ló'wa harmagahhe' tam qoomár bara qaytsité' gawaá doori, looa nee slahhaangw nee tsatse/ nee mura' sleémeero oo gawaá doori bura aandé' munduwa gee/aásl, as kuwa fiririinda', nee kuwa sagadiyusa' adór Mungú ló'wa ale. Muruuwí AAKOÓ MUNGÚ guna máy dír múk hatla' as nguwa sagadiyuusi.

YOSHUA 10:13

Tsee/amá iri sihhiít, nee slahhaangw aa surukiiká ay qoomár múk Israeli li/aay kuwa hhe'eés bu'utuwo dír wakuuser'ín. Kaangwí kwaa gooinkáhe baraá kitaábuú Yashariwo, «Baalaarihe tsee/amá ina sihhiít tla/ángw doori, tam iri tliík dahamaawo.»

YOSHUA 19:42

nee Sha'alabini, nee Aiyaloni, nee Yitila,

YOSHUA 21:24

Aiyaloni nee qawtantose, Gat-rimoni nee qawtantose. Gixsaduuká' dinkwa nee qawtanay'ine a tsiyáhh kaa haniís.

HAR'OHUUSE 12:12

Eloni aluuwo iri gwaá', kuri foól baraá Aiyaloni ar baraá yaamaá Sebuluni.

HAR'OHUUSE 5:20

Tsatse/uú gawaá doori ina dinku'uús baraá slaqwararo, loohir'ín gana eehár tari slaáqw nee Sisera.

1 SAMUELI 12:18

Naagáy Samueli AAKOÓ MUNGÚ guri firín, AAKOÓ MUNGÚ baalaadae kwarara/a nee tluwaay ngiri huúw, muu sleémeero AAKOÓ MUNGÚ nee Samueli kiri da'ayuút kángw kilá' wa ale.

1 SAMUELI 14:31

Inooín baalaadae múk Filisti kuna tsuú/ bahh'ale iimír Mikmashír wa ale ay Ayaloni, qoomaarihe múk Israeli qwari gwaa slaaqatimís.