YOSHUA 10:10 - Biblía Axweesantá Hhohho' ar Mungú 2004

¹⁰ AAKOÓ MUNGÚ múk Amori guri dae tsaát dír slaqwaruusér Israelír wa aleeró. Múk yaariír kuri tsuú/ nee múk Israeli baraá Gibeonír wa ale, kuri eehár ay Bet-horoni, kuri alkón, kuri puruúts ay Aseka nee Makeda. Amoodae múk yaariír kuri tsuú/ sleeme.

YOSHUA 10:10 Iomraidhean Croise

2 SAMUELI 22:15

Wakuuseerós gana qoomeés ar maheeri, giri diyayaá/, mankari gana gwa/tís, giri tlatlahhaás.

1 WAAWITÁ 9:17

Solomon gixsár Geseri gari /abeés tleehharo, nee Betoronír baraaywo,

2 QOM'I 14:12

Naagáy AAKOÓ MUNGÚ múk yaamaá Kushi guri baál geeraá Asa nee múk Yuda. Múk Kushi iri goów.

2 QOM'I 25:13

Qoomaarihe slaqwaruuseedár Israeli waawutmo Amasia aa watlís, as mitiwa koné' baraá slaqwarárí alé, tana haratláy baraá yaamaá Yuda iimír Samaria ay Bet-horoni, múk kume tám ngway tsu/iyé', muruú yaariír ngway haasaáng wa huwiyé'.

WARA'AMI 18:14

Maheeriwós gina tlaquút, wakuuseerós gari diyaá/. Kár ee, gari diyaá/ ar mankarór yaariir.

WARA'AMI 44:3

Mukók yaamu gaa hayohiiká ar xooslaá slaqwara, tam baali nga slay'iiká ar /uuruuín, ala nina baaliné' ar /uuruuwók, nee as kuúng tawa dinkwa nee inooín nee kiwa sla'.

WARA'AMI 68:14

Qoomár Munguú Aleesleemusmo waawitá nguwa diyayaá/ amorqí alé, fadaá muu nina suwaahamiitiyé' adór tluwoó tlaa/e ina tluúw gawaá tloomár Salmon.

WARA'AMI 78:55

Xoordu giri guús geeraaín wa ale, yaamuuín giri qasmiís, digeemi giri qoomeemeés, nee tlahh'aá Israeli gina iwiitiís baraá xafay'ín.

ISAYA 28:21

Asma AAKOÓ MUNGÚ ni sihhiit adoodá' aa tleéhh amór tloomár Perasimuro. In daa/atúy buhhtaawo adoodá' aa tleéhh baraá xatstá Gibeoniro, as tlehhmi'iiwós kudaá' waa/oo/amo aa qoomeés ngiwa tleehhi, nee gadiyeérós tidá' xuaawasl ngiwa tleehhi.

ISAYA 30:30

AAKOÓ MUNGÚ afoorós tidár aleesleemu gan tlees, as kahhó' kawa axaasi nee muu sleémeero, nee slahhtós tidár /uuru kawa ari ar buhhtaá yaariir, nee tsángw asltá /ayima nee kwarara/aaro nee duktá yaariir ar tluwoó tlaa/e.

YEREMIA 34:7

Qoomaarihe slaqwaruusér waawutmoó Babuloni ta slaaqw nee gixsár Yerusalemu, nee gixsadaá hatlá' awa Yuda, kudá' naa meetiye' adór gixsár Lakishi nee Aseka, asma an gixsadaá koo/i gawden baraá yaamaá Yudawo.

SEKARIA 14:3

Diirí an dír AAKOÓ MUNGÚ niwa ti'iiti, inós nee xoorduuká' tiri muxiyá' adór /iisí ir slaqwaaqun.

DABE 7:23

AAKOÓ MUNGÚ, Munguúhúng, wakuuserhúng ngi gawaá dabaahúng i haniis giri amoqwaarees ay dír ngay hhaamisi.

YOSHUA 10:11

Qoomár múk Amori tawa ta'aaín geetuú Bet-horoni as tawa waaraahhi dír slaqwaruusér Israeliwo, AAKOÓ MUNGÚ tluwoó tlaa/e guri huúw, inooín tluwaay giri i tlubaabín ay Aseka. Tluwoó tlaa/e múk yaariír gway tsuú/ ta kudá' taa tsu/i nee slaqwaruusér Israeli.

YOSHUA 10:28

Yoshua nee slaqwaruuseerós niri kumiitiyé' slaqwaraaro, gixsár Makeda ngiri hayoohiyé' nee waawutmoowós kway gaás, múk baraá gixsadá' sleémeero kuri tsuú/. Waawutmoó Makeda kuna gaás adór kuduú Yerikór wa alé.

YOSHUA 10:9

Xweera sleémeero Yoshua nee slaqwaruuseerós tana hi'iimiít iimír Gilgalír wa ale ay Gibeoni, slaqwaruuseedár Israeli múk Amori guri i haratleér.

YOSHUA 11:8

AAKOÓ MUNGÚ slaqwaruusér waawutmoó Kana'ani gari haniís gawaá dabaá slaqwaruusér Israeli. Slaqwaruusér Kana'ani kari guús kay puruúts ay gixsár ur ar Sidoni nee Misrefot-maimu, bihhaá da/aawe tari puruúts ay xatstá Mispe. Slaqwaruusér Israeli muu sleémeero guri tsú/, tam heé aa meet i kaahh.

YOSHUA 12:16

waawutmoó gixsár Makeda, nee oo Beteli,

YOSHUA 15:35

nee Yarmuti, nee Adulamu, nee Soko, nee Aseka,

YOSHUA 15:41

nee Gederoti, nee Bet-dagoni, nee Na'ama, nee Makeda. Gixsaduuká' kaa haniís a mibaá nee lahhoó' dinkwa nee ayeemoine.

YOSHUA 16:3

Iri /uwií /eét ay yaamaá xoorór Yafleti, iri ti'iít ay Bet-horonidá' Geseriro baráy dirii', iri ti'iít ay tlawtá Mediteranea.

YOSHUA 16:5

Ka'asantá yaamaá Efraimu kwi haniís ar harqoomoo tlahhaywós, a kuká': Bihhaá da/aawe Atarot-adari ngina wa tláy ay Bet-horonír Gawa,

YOSHUA 21:22

nee Kibsaimu dinkwa nee qawtanay'ine nee Bet-horoni dinkwa nee qawtantose. Gixsaduuká' nee qawtanay'ine dinkwaaro a tsiyáhh kaa haniís.

HAR'OHUUSE 4:15

Baraka nee mukós slaqwaruusér Sisera kana tsitsiíhh ar paangadu, AAKOÓ MUNGÚ Sisera nee slaqwaruuseerose gari amoqwaareés, nee garduuín sleémeerowo dír geeraá Baraka wa ale. Sisera iri aweér gawaá gaariirós wa alé, iri tiaaín ar ya'a'.

HAR'OHUUSE 4:16

Baraka slaqwaruusér Sisera gana gusaasín ay Harosheti-hagoimu nee garduuine. Daqtadár slaqwara sleémeero kay daásl ar paánga, tam panmoó taa meetiís i kaahh.

HAR'OHUUSE 5:20

Tsatse/uú gawaá doori ina dinku'uús baraá slaqwararo, loohir'ín gana eehár tari slaáqw nee Sisera.

1 SAMUELI 13:18

nee slawtá hatlá' ina warqeér amór loohidá' Bet-horonír kaw, nee slawtá hatlá' iri warqeér amór loohidár digimuú xatstá Seboimu amór bartá xaanxaay.

1 SAMUELI 17:1

Xoorór Filisti slaqwaruuser'ín gana buruumbút baraá yaamaá ta bay Soko, gixsár baraá Yuda, as slaqwara. Xafay'ín kuri siíhh tla/ángw yaamukari ta bay Efes-damimu, tla/ángw Soko nee Aseka.