YOSHUA 1:8 - Biblía Axweesantá Hhohho' ar Mungú 2004

⁸ Kitaábuuwí oo dabe umuú qoomaaro soomuuseek. Nee intsaatsahheek tlatla/aangw nee xweeraawo, ala gár taaqo gooini baraá kitaábuuwí ale boo/eeseek. Daqaní kuúng amohhooa a sleér nee diihhooa baraá hotangoge.

YOSHUA 1:8 Iomraidhean Croise

IIMU/UUNGW 24:63

Qoomár tsiindo Isaka ina baraá qaymór káy as iwa aldakuuti. Iwa qaytsiít, angamía gana ár iwa amoorós i hi'it.

2 QOM'I 26:5

Inós AAKOÓ MUNGÚ guna leeleehhiít qoomaadá' Sekaria iwa slafi, kudá' inós gwa intsaahhatis Mungú nguwa ilaiwawa/i. Adoodá' AAKOÓ MUNGÚ ngura leeleéhh, an adoodá' ngura aleesleemú i haniís.

WARA'AMI 119:11

Axweesantók aga óh baraá muunaáeé', as aníng kuúng muwa sadakuús.

WARA'AMI 119:15

Hara'ayarók an aldaákw, nee ngari alqaytsiít.

WARA'AMI 119:97

Dabeerók aga gurií baá/, tlaatla/angw sleémeero an gár ni aldakuut.

WARA'AMI 119:99

Tsaahha a koóm tam intsaahhatuuser'eé' sleémeero ba/a, asma adoodá' kuúng ta kat an aldakuút.

WARA'AMI 19:14

AAKOÓ MUNGÚ, axweesanoó afkwe'eé' nee inslawoó muunaáeé', ya/aám ngi slay diroge. AAKOÓ MUNGÚ, kuúng an baqmor'eé' nee ba/amusmooeé'!

WARA'AMI 40:10

Aníng ba/amarók aga ar xasliitiiká baraá muunaáeé'. Aníng inkihhimuwók ugwa alki/iít, nee ba/amaroge. Án sla'aarirók ar warqawaaká aga lu/iiká nee inkihhimuuwoge dír múk yaariire.

AXWEESANOÓ SAGALOOA 3:1

Garmaaeé', intsaahhatisar'eé' ma gunqaresaar, ala hara'ayduueé' ooheek ar muunaáwók.

ISAYA 59:21

AAKOÓ MUNGÚ i kaahi, «Aníng alqado a tlehhiít nee kuungá'. Qeeruueé' kuduú gawaahúng nee axweesante'eé' tidá' naa qaás gawaá aferhúng, miwa qútl baraá aferhunge, laqaá baraá afér na/iihunge, laqaá baraá afér na/aá na/iihunge, iimír hamí tam ay alhhe'eesay wasle.»

Matayo 12:35

Heé hhoó' gár i hanmiisi a muruú hhó' baraá daqaari'iimarós tidá' hhooe. Heé tlaákw gár i hanmiisi, a muruú tlákw baraá daqaari'iimarós tidá' tlakwe.

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Matayo 7:21

«Heé aní tawó babáw, ‹Aáko, Aáko,› i dahiiká baraá waawuti'iimár dooriiwo. Heé dáh a kudá' sla'aarír Baabuúeé' oo gawaá doorí dirií' ga tlehhiít.

Matayo 7:24

«Umuúqo heé axweesanay'eé' kwí gwa axaas nee adoodá' i kaahi gay tleéhh, a slaqás nee heé fuqurángw koóm, oo do'ós gwa tleehh gawaá daanduú tlaa/a.

Luka 11:28

Ala Yesu gari báy, «Geera tsiní bar kat, ‹Múk amohhoó' an kudá' axweesantá Mungú ga axamiís nee ga iialooeemiís.› »

Yohana 13:17

Tí kuungá' bara xué', kuungá' tundu amohhoó bar aga tlehhé'.

Yohana 14:21

«Heé hara'ayar'eé' ga koóm, nee gaa oh, inós an kudá' aníng i slaá'. Nee heedá' aníng i slaá', inós sleeme ku slaa' nee Baabuúeé'. Nee án sleeme heedaádá' u slaá', nee tiri dirósí geehhoeés.»

Efeso 4:29

Axweesanoó tlákw mu kaahara', ala masók a axweesanoó muu gu kwa/amís, nee kudá' amoqwaareemisaaká. Gawaá adoorihe axweesanayhúng i tsuuqaá huwi dír mukdá' kuungá' nu iiárií qamiima.

DABE 29:8

Yaamuuín kiri hayohaán kiri qasisaán dír múk tlahhoó Reubeni, nee oo Gadi, nee tlaqtá tlahhoó Manase, as tawa aalir'ín.

DABE 29:9

Gawaá adoorihe ilakaaharu tleehhaak alqadoorí kawa ota', as kahhó' kuungá' diihhooa kawa sleera' baraá gadiyeduuhúng sleémeero awa taqo tlehhita'a.

DABE 30:14

Aasla'áy, ala /aymu ku ló'wa dirhúng i tseéw, i gawaá aferhúng nee i baraá munerhúng, as kuungá' kuwa boo/esa'.

DABE 31:11

qoomár múk Israeli sleémeero birna hardáh dír geeraá AAKOÓ MUNGÚ, Munguúhúng didá' handá' inós aa tsawaár, kuúng dabeerí soomuseek dir geeraá múk Israeli sleémeero wa ale.

DABE 31:24

Qoomár Mose /aymi'iikaá dabeerí gooiro ngiwa hhe'eés, iimír iimu/úngw wa ale ay /aymuú alhhe'eesáy,

DABE 5:1

Mose múk Israeli guna dinkwárí burumbuúr, guri báy, «Kuungá' múk Israeli, kaahi nee hara'ayaarí iiárií qaasaak, tí laarí ni dír geerahúng wa kah. Tí intsaatsahhaak nee ka boo/esá' ar inkihhimu.

DABE 5:29

Hám geera a tsiní barnaxes i meetiyá' gawaá inslawaydá' aníng iwa ilaiwawa/iya', nee hara'ayar'eé' ngiwa oohiya' umuu daqto. Geera muruuín sleémeero oo ta tlehhiiti iri ganaa' umuú daqto dir'ine nee dír na/ii'ine ay alhhe'eesay wasle.

DABE 5:32

«Kuungá' masók ti harmagahhá' nee adoodá' AAKOÓ MUNGÚ Munguúhúng naa hara'ayín kawa tlehha', baraá kaahirose ma bihhií paranga/aara'.

Kolosai 3:16

Axweesantá Kristo masók i baraahúng wa hót ar yaareema. Ti intsaahhatimise' nee tiwa naanaqa' ar sagalooa sleémeero. Mungú sa daa'aak ar sluufaay baraá munerhunge ar daa'ángw bara/, nee oo sluufaay, nee ar daa'ángw baraá qeeru.

YOSHUA 1:7

Gimáy piíhh nee ilakaahareés ló'wa ale, nee dabe sleémeero na boo/eeseek adoodá' sagadiyusmooeé' Mose ngira kuúngí hara'ayín. Ma warqawaar laqaá ma bihhií paslaar, daqaní arba/ati a sleér amór taqo keera.

YOSHUA 8:34

Aluuwo Yoshua dabér Mose sleémeero gari soomuús ar afór ur dír múkwí ale, dinkwa nee tsuuqaawo, nee lo'ooro. Inós gana soomuús ar adoodá' kara gooín baraá kitaábuú dabeero.

Geehhoeemaá 22:14

Múk amohhoó' an kudá' inqwaruuín gu hhuuntsiít, as kahhó' inooín tawa harín mamaá xa'anooduú slafiingw kiwa /ayi, nee tawa baraá gixsadií dahi ar afeerós.