YOSHUA 1:7 - Biblía Axweesantá Hhohho' ar Mungú 2004

⁷ Gimáy piíhh nee ilakaahareés ló'wa ale, nee dabe sleémeero na boo/eeseek adoodá' sagadiyusmooeé' Mose ngira kuúngí hara'ayín. Ma warqawaar laqaá ma bihhií paslaar, daqaní arba/ati a sleér amór taqo keera.

YOSHUA 1:7 Iomraidhean Croise

1 WAAWITÁ 2:2

«Garmaaeé', gwa'arar'eé' naa xeér ar adoodá' muu sleémeero ri qatlaatlin, gám piíhh, muuna hhe'eés.

1 WAAWITÁ 2:3

Hara'ayár AAKOÓ MUNGÚ, Munguúwók ooheek, loohirós na eehareek, kaahirós na ooheek, nee hara'ayarose, nee dabeerose, nee lamabu'uungose, adoodá' kara gooín baraá hara'ayár Mosewo. As kahhó' umuúqo gár ta tlehha iwa ya/aan nee amór taqo keera,

2 WAAWITÁ 22:2

Yosia adór ganaa' gana tleéhh, AAKOÓ MUNGÚ guri sla'atís. Inós adoodá' baabuúwós waawutmo Daudi aa tleéhh gana eehár, inós hara'ayár AAKOÓ MUNGÚ sleémeero gana iialooeés.

1 QOM'I 22:13

Ala kuúng dabeedár AAKOÓ MUNGÚ nee kaahirose, tidá' aa haniís dír Mose as múk Israeli, bar aga ót nee kay harmagáhh, daqaní kuúng adoorók i qoón, /aátl nee muuna hhe'eés, ma baloó da'ayuumitaar, tam ma amoqwaqwadimaar.

2 QOM'I 15:7

Ala kuungá' ma mune siaara', ma daba' tsatiitara', asma kuungá' slaqwér gadiyérhúng a sleerá'.»

2 QOM'I 26:5

Inós AAKOÓ MUNGÚ guna leeleehhiít qoomaadá' Sekaria iwa slafi, kudá' inós gwa intsaahhatis Mungú nguwa ilaiwawa/i. Adoodá' AAKOÓ MUNGÚ ngura leeleéhh, an adoodá' ngura aleesleemú i haniís.

YOBU 1:8

AAKOÓ MUNGÚ Neetlaangw guri báy, «Án ngi slaá' sagadiyusmooeé' Yobu ngwa aán. Inós a heé hhoó', oo gan'amuú tlehhiít, heé Mungú gu ilaiwawaá/, slám a heé tlakweemaá sla'aaká. Baraá yaamuwo heé adór inós i kaahh.»

WARA'AMI 80:19

Aá AAKOÓ MUNGÚ Aleesleemusámo, atén ti malé /uurií ki/is, ti ilaa'aan, daqaní atén a ba/amán.

AXWEESANOÓ SAGALOOA 4:27

Ma warqawaar bartá doó /iyáy laqaá bartá doó basáy, quútl dír tlakweemaawo.

AXWEESANOÓ SAGALOOA 8:20

Aníng an hoót ar gan'amu nee tlehhma'aá ganaa'á' in eeharahár.

DANIELI 10:19

Iri báy, ‹Aá heé ta ló'wa sla'aa'an nee Mungú, ma da'ayumiitaar, waydar iwiwiteek, migís nee muunahhe'eés!› Qoomár iwa amor'eénií axweesi, aníng /uuru nguri sláw, aníng nguri báw, ‹Aá Aáko, aníng iga /uurií qás, tidá' ta ooár wa sla' ooang.›

FAARO 27:23

Dabaawós giri qaás gawaá ságw Yoshua nee guri ilaiwawaá/ adoodá' AAKOÓ MUNGÚ ngura ádbáy.

DABE 11:8

«Hara'ayduuká' sleémeero laarí nuy hara'ayiim iialooeesaak, as daqaní /uuru kuwa sleera' oo tawa data' baraá yaamuudá' ta keera' as kiwa ala'.

DABE 12:32

«Umuú gár naa kuungá' bawi ti harmagahhe' kawa tlehha' ar ilakaahara, ala ma gaa doogara', laqaá ma /aaresara' baraá hara'ayaarihe.»

DABE 28:14

nee barnaxes kuúng aga warqeeriiká baraá axweesantí laarí naa ooi baraá umuúqo gaaro, nee bara warqeeriiká amór bartá doó /iyáy laqaá as doó basáy ar munguaá hatlá' kiwa sluufmisuú eer.

DABE 29:8

Yaamuuín kiri hayohaán kiri qasisaán dír múk tlahhoó Reubeni, nee oo Gadi, nee tlaqtá tlahhoó Manase, as tawa aalir'ín.

DABE 29:9

Gawaá adoorihe ilakaaharu tleehhaak alqadoorí kawa ota', as kahhó' kuungá' diihhooa kawa sleera' baraá gadiyeduuhúng sleémeero awa taqo tlehhita'a.

DABE 31:7

Naagáy Mose Yoshua guri ateét dír geeraá múk Israeli, guri báy, «Gám piíhh, nee ilakaahareés, asma kuúng nee mukwí un geerahát ay baraá yaamuudá' AAKOÓ MUNGÚ aa lo'ór wa /aáy ngiwa haniisi dír baabi'iihúng, nee kuúng ki baraadií dahás ngiwa aaliya'.

DABE 4:2

Hara'aya ma doogara' daanduú tí naa dír kuungá' i ooi, laqaá dír tí naa ooi tam ar wák ma /aareesara'. Hara'ayár AAKOÓ MUNGÚ Munguúhúng tidá' aníng naa kuungií oó' ooharo harmagahhaak.

DABE 5:32

«Kuungá' masók ti harmagahhá' nee adoodá' AAKOÓ MUNGÚ Munguúhúng naa hara'ayín kawa tlehha', baraá kaahirose ma bihhií paranga/aara'.

YOSHUA 1:1

Sagadiyusmoó AAKOÓ MUNGÚ kudá' ta bay Mose iwa gwaá', AAKOÓ MUNGÚ Yoshua garmoó Nuni alee/iisusmoó Mose, guri báy,

YOSHUA 1:8

Kitaábuuwí oo dabe umuú qoomaaro soomuuseek. Nee intsaatsahheek tlatla/aangw nee xweeraawo, ala gár taaqo gooini baraá kitaábuuwí ale boo/eeseek. Daqaní kuúng amohhooa a sleér nee diihhooa baraá hotangoge.

YOSHUA 1:9

Inslawiím adór aníng kuúng ura báw, gimáy piíhh nee ilakaahareés ló' wa ale. Ma da'ayumiitaar laqaá ma amoqwaqwadimaar, asma anuú AAKOÓ MUNGÚ Munguúwók a dinkwa nee kuúng amór taqo keera.»

YOSHUA 11:15

Kaangwí an kudá' AAKOÓ MUNGÚ aa hara'ayín dír sagadiyusmoowós Mose. Mose tidá' sleémeero AAKOÓ MUNGÚ aa dirós i hara'ayín, gana hara'ayín dír Yoshua. Nee Yoshua tidá' AAKOÓ MUNGÚ aa dirósí hara'ayín gana ilaiwaá/. Yoshua hara'aydaá AAKOÓ MUNGÚ aa aaín dír Mose gina tleéhh sleémeero.

YOSHUA 23:6

Gawaá adoorihe, axweesanaydá' sleémeero taa gooín baraá kitaábuú hara'ayár Mose oohaak, nee tleehhaak ar ilakaahara, ma warqawaara' laqaá ma bihhií paslaara'.