YOSHUA 1:6 - Biblía Axweesantá Hhohho' ar Mungú 2004

⁶ Gimáy piíhh nee ilakaahareés ló' wa alé, asma kuúng mukwí un dahás baraá yaamuudá' aníng naa lo'ór wa /aáy ngiwa haniis dír baabi'ii'ín i alé.

YOSHUA 1:6 Iomraidhean Croise

IIMU/UUNGW 12:7

Amoodaádae AAKOÓ MUNGÚ Abramu guri i ti'iít, guri báy, «Yaamukaáká' ngin kuúng i haniís nee xwaylarók.» Didaádae Abramu kitángw ilahhooa guri tleéhh as AAKOÓ MUNGÚ nguwa ilahhooárí haniisi, kudá' gwaa i ti'iit didae.

IIMU/UUNGW 26:3

Na dahaaymo tleehhiít baraá yaamukae. Aníng nee kuúng a dinkwa, nee án kuúng u tsuúq. Án al'axweesante'eé' a boo/eés dír baabuúwók Abrahamu, asma án yaamu sleémeero ngi kuúng nee xwaylarók i haniís.

2 SAMUELI 10:12

Ala /atláng, hhawaati'isáng, tawa slaqwaan as mukrén nee as gixsadaá Munguúrén, AAKOÓ MUNGÚ adoodá' atén wa qoom ngi tleehhi, adoodá' inós ngira ár.»

1 WAAWITÁ 2:2

«Garmaaeé', gwa'arar'eé' naa xeér ar adoodá' muu sleémeero ri qatlaatlin, gám piíhh, muuna hhe'eés.

1 QOM'I 22:13

Ala kuúng dabeedár AAKOÓ MUNGÚ nee kaahirose, tidá' aa haniís dír Mose as múk Israeli, bar aga ót nee kay harmagáhh, daqaní kuúng adoorók i qoón, /aátl nee muuna hhe'eés, ma baloó da'ayuumitaar, tam ma amoqwaqwadimaar.

1 QOM'I 28:10

Ti harmagahh, asma AAKOÓ MUNGÚ kuúng ugwa tsawaár as do'ós kudá' hhoohhoó' kuwa tlehh. Migís adoosíng tleehheek.»

1 QOM'I 28:20

Aluuwo waawutmo Daudi garmaawós Solomon guri báy, «Gimáy, piíhh muuna hhe'eés, gadiyeérí tleehheek, ma da'ayuumitaar laqaá ma amoqwaqwadiimar, asma AAKOÓ MUNGÚ, Munguúeé', i dinkwa nee kuúng. Inós kuúng u baloó geexayká, laqaá u baloó mayká ay dír gadiyeé sleémeero ar doó AAKOÓ MUNGÚ i hhooeer.

2 QOM'I 15:7

Ala kuungá' ma mune siaara', ma daba' tsatiitara', asma kuungá' slaqwér gadiyérhúng a sleerá'.»

2 QOM'I 20:11

Hamí gár atén tira bu'uyé' a, atén tiwa guusiya' baraá yaamuudá' kuúng naa aténí hanisi tawa aalirén.

2 QOM'I 20:7

Aá Munguúrén, kuúng yaamuloouusér yaamuuká' aga guskáhe geeraá mukók oo Israeli wa ale, yaamu kiri xwaylár Abrahamu mulqumoowók i hanís as tawa kooín ay alhhe'eesay wasle.

WARA'AMI 27:14

AAKOÓ MUNGÚ na harahhifeek! Ilakaahareés, muuna hhe'eés, AAKOÓ MUNGÚ na harahhifeek!

DANIELI 10:19

Iri báy, ‹Aá heé ta ló'wa sla'aa'an nee Mungú, ma da'ayumiitaar, waydar iwiwiteek, migís nee muunahhe'eés!› Qoomár iwa amor'eénií axweesi, aníng /uuru nguri sláw, aníng nguri báw, ‹Aá Aáko, aníng iga /uurií qás, tidá' ta ooár wa sla' ooang.›

HAGAI 2:4

Anuú AAKOÓ MUNGÚ a kah, ‹Tam adoorihe kuúng Serubabeli muuna hhe'eés, nee kuúng Yoshua, garmoó Yehosadaki, kaahamusmoó úr oo Mungú, muuna hhe'eés sleeme. Tam múk yaamuuká' sleémeero, anuú AAKOÓ MUNGÚ a kah, kuungá' sleeme muuna hhe'eesé', gadiyeé tleehhaak, asma aníng nee kuungá' a dinkwa. Anuú AAKOÓ MUNGÚ Aleesleemusmo tí ngina oó'.

SEKARIA 8:9

AAKOÓ MUNGÚ Aleesleemusmo i kaahi, «Kuungá' mune hhe'eesé', kuungásingá' laarí axweesantí ngi axamiisá' tidá' aaruuse aa alki/ít qoomár iihhafirír Doó' AAKOÓ MUNGÚ Aleesleemusmo kawa qamin.

FAARO 26:53

«Tlahhi'iiká' ki yaamií qasís tawa aalir'ín ar adoodá' umer'ín i diri'.

FAARO 33:53

Yaamuuín hayoohaak kiwa hota', asma ngaa kuungií haniís tawa aalirhúng.

1 Korinto 16:13

Kuungá' dalaaé', sihhitano hhe'eesé' baraá haratlintaaorhunge. Kuungá' masók a gurkwa/á', nee masók a múk /uuruú koóm.

Efeso 6:10

Gimsé', ilakaaharu tleehhaak baraá Aakoowo, nee baraá aleesleemuú /uuruuwose.

DABE 1:21

Ga/aawaak, AAKOÓ MUNGÚ, Munguúhúng, yaamuuká' ngaa qaás dír geeraahúng i aleeró. Gimsé' yaamu oohaak, aalaak adoodá' AAKOÓ MUNGÚ, Munguú baabi'iihúng ngira oó'. Mada'ayumiitaara' laqaá ma amoqwaqwadiimara'.›

DABE 1:8

Ga/aawaak, yaamuuká' sleémeero nga geeraahúng i qaás. Gimsé', yaamuuká' aalaak, anuú AAKOÓ MUNGÚ lo'o aga /aáy yaamuuká' ngiwa haniis dír baabi'iihúng, Abrahamu, nee Isaka, nee Yakobo, nee xwaylar'ine.› »

DABE 11:8

«Hara'ayduuká' sleémeero laarí nuy hara'ayiim iialooeesaak, as daqaní /uuru kuwa sleera' oo tawa data' baraá yaamuudá' ta keera' as kiwa ala'.

DABE 31:23

Naagáy AAKOÓ MUNGÚ Yoshua garmoó Nuni guri báy, «Gám piíhh, nee ilakaahareés, asma kuúng múk Israeli un geerahát, baraá yaamuudá' aníng naa lo'ór wa /aáy ngiwa haniis dír baabi'ii'ín. Aníng a dinkwa nee kuúng.»

2 Timoteo 2:1

Ala kuúng, garmaaeé', /uuru slaweek ar tsuuqaadá' ta slaslawaan ar baraá Kristo Yesu.

YOSHUA 1:18

Heé hara'ayarók gaa aahh, nee oo axweesantók ga iialooeemisaaká, laqaá umuúqo gár kwaa beeri ga axamiisaaká a gaasa. Gimáy muuna hhe'eés nee migís.»

YOSHUA 1:7

Gimáy piíhh nee ilakaahareés ló'wa ale, nee dabe sleémeero na boo/eeseek adoodá' sagadiyusmooeé' Mose ngira kuúngí hara'ayín. Ma warqawaar laqaá ma bihhií paslaar, daqaní arba/ati a sleér amór taqo keera.

YOSHUA 1:9

Inslawiím adór aníng kuúng ura báw, gimáy piíhh nee ilakaahareés ló' wa ale. Ma da'ayumiitaar laqaá ma amoqwaqwadimaar, asma anuú AAKOÓ MUNGÚ Munguúwók a dinkwa nee kuúng amór taqo keera.»

YOSHUA 10:25

Yoshua iri oó' dír múk Israeli sleémeero, «Ma da'ayumiitaara', laqaá ma amoqwaqwadiimara', pihhé' nee migisé', asma adoorí an adoodá' AAKOÓ MUNGÚ i tleehhi dír wakuuserhúng sleémeero.»

YOSHUA 13:6

Yaamuudá' sleémeero awa tlom'idaá baraá tla/ángw Lebanoni ay Misrefot-maimu awa xoorór Sidoni. Mukwí sleémeero aníng u guús tawa ti'iiti ar adoodá' xoorór Israeli ir doogigiinda. Kuúng yaamu ki qasmís dír xoorór Israeli ar loohír tsawdo as ngiwa aaliya' ar adoodá' án kuúng ugwa báw.

YOSHUA 18:3

Naagáy Yoshua xoorór Israeli gari báy, «Ay xaylá kuungá' ta hhawhhaahhaba' yaamuuká' AAKOÓ MUNGÚ, Munguú baabi'iihúng naa kuungií haniís kiwa hayota'aaká?

YOSHUA 21:43

Adoorí an adór xoorór Israeli yaamu sleémeero ngira ál, kudá' taa haniís dir'íní ale nee AAKOÓ MUNGÚ ar adoodá' ngira alqadín dír taati'ii'ín. Inooín yaamuudá' ngiri aaliyé', niri baraadá' wa hootiyé'.

YOSHUA 5:6

Asma xoorór Israeli ina baraá xaanxáy wa harweerariín kureeri mibeeri tsiyáhh, ay qoomár hhawaate sleémeero awa afiqoomár slaqwara ngaa aye', kudá' naa baraá yaamaá Misrír wa ti'iitiye' niwa hhané', as afór AAKOÓ MUNGÚ ngiwa iialooeesi'iiká. Asma AAKOÓ MUNGÚ lo'o gana /aáy daanduuine ar yaamuudá' aa dír baabi'ii'íní al'axweés, kudaá diihhooár ilwa nee dane, daxta ngiwa sangw baloó ariiaaká.

1 SAMUELI 4:9

Gimsé', hhawaati'iisé' kuungá' múk Filisti, mutunduwa lawaale tleéhh nee múk Ebrania, adoodá' inooín tar lawaalerhúng, hhawaati'iisé' nee inooín tawa slaqwa'.»