YOSHUA 1:17 - Biblía Axweesantá Hhohho' ar Mungú 2004

¹⁷ Adoodá' atén Mose kura iialooeesaán an adoodá' kuúng sleeme ur iiaalooeesaan. Nee AAKOÓ MUNGÚ, Munguúwók masók a dinkwa nee kuúng, adoodá' ira dinku'uús nee Mose.

YOSHUA 1:17 Iomraidhean Croise

2 SAMUELI 14:17

Anír sagadiyuso'oorók ana baraá muunaáeé' oó', ‹Axweesantá aakooeé' waawutmo in waydií hanís baraá muunaáeene.› Asma kuúng aakooeé' waawutámo, kuúng a adór malaykamoó Mungú baraá tsaahhár muruú hhó' nee oo tlakwe. AAKOÓ MUNGÚ, Munguúwók, masók a dinkwa nee kuúng.»

1 WAAWITÁ 1:37

Adoodá' AAKOÓ MUNGÚ tar dinkwa nee aakooeé' waawutmo, masók sleeme an dinkwa nee Solomon, as kitaangós kuduú waawuti'iima nguwa ak ureesi ta kuduú aakooeé' waawutmo Daudiwo.»

1 QOM'I 28:20

Aluuwo waawutmo Daudi garmaawós Solomon guri báy, «Gimáy, piíhh muuna hhe'eés, gadiyeérí tleehheek, ma da'ayuumitaar laqaá ma amoqwaqwadiimar, asma AAKOÓ MUNGÚ, Munguúeé', i dinkwa nee kuúng. Inós kuúng u baloó geexayká, laqaá u baloó mayká ay dír gadiyeé sleémeero ar doó AAKOÓ MUNGÚ i hhooeer.

WARA'AMI 20:1

AAKOÓ MUNGÚ u mu/aywatsi deelór slahh'amko. Munguú Yakobo kuúng u de'en,

WARA'AMI 20:4

Tidá' muunaáwoge ta sla' ngi haniisi, nee tidá' ta tleehhamór wa sla' ngi ya/amisi.

WARA'AMI 20:9

AAKOÓ MUNGÚ, waawutmo arba/atír i haniiseek, atén kuúng ti mu/aywats bál bura ateetaán.

FAARO 27:18

AAKOÓ MUNGÚ Mose guri báy, «Yoshua garmoó Nuni taataahheek, inós i qeeruú kón baraawose, daqaní ku dákwí qás.

FAARO 27:20

Kuúng inós ku ilaiwá/ dír geeraá múk wa alé, as kahhó' muu inós nguwa ilawawa/i, adoodá' kuúng tura ilaiwaá/, masók múk Israeli sleémeero inós ku iialooeemiis.

Matayo 21:9

Nee boo/aydá' geeraá wa hi'iít, nee oo aluuwo ta tseeamín ta kaahi, «Hosana, Garmoó Daudi, i xirfuuti kudá' hardáh ar umuú Aako, i xirfuuti Munguú gawaá doori.»

DABE 34:9

Yoshua garmoó Nuni i haats qeeruú sagalooaro, asma Mose guna dákwí qaás. Gawaá adoorihe, múk Israeli Yoshua guri ilaiwawaá/, nee hara'ayaadár AAKOÓ MUNGÚ tidá' aa Mósé hara'ayín, ngiri eehariyé'.

YOSHUA 1:16

Yoshua kuri báy, «Muruuwí sleémeero naa atén beér u tleehhaán, nee umuúqo amór kuúng ti ya/aba atén a daqawán.

YOSHUA 1:18

Heé hara'ayarók gaa aahh, nee oo axweesantók ga iialooeemisaaká, laqaá umuúqo gár kwaa beeri ga axamiisaaká a gaasa. Gimáy muuna hhe'eés nee migís.»

YOSHUA 1:5

Hee tumu wák i kaahh oo kuúng u tlampa'aás baraá deelór hotaawók sleémeero. Aníng nee kuúng a dinkwa, adoodá' aníng nee Mose tara dinku'uusaán daqisleém, kuúng gár uwa /aaruw i káhh, nee u geexawaaká.

YOSHUA 1:9

Inslawiím adór aníng kuúng ura báw, gimáy piíhh nee ilakaahareés ló' wa ale. Ma da'ayumiitaar laqaá ma amoqwaqwadimaar, asma anuú AAKOÓ MUNGÚ Munguúwók a dinkwa nee kuúng amór taqo keera.»

YOSHUA 4:14

Baalaadae AAKOÓ MUNGÚ Yoshua guri xirfayeés dír xoorór Israeli sleémeerowo, inooín Yoshua nguri ilaiwawa/iyé' adoodá' Mose ngura ilaiwawa/iyé' baraá slafiingós sleémeero.

1 SAMUELI 17:37

Daudi iri oó', «AAKOÓ MUNGÚ kudá' aníng iga ba/amis gawaá afér direerí wa ale, nee afér makaydá' ta bay duúbuuwo, inós aníng i tuu/ gawaá dabaá heequú Filistiro.» Saulo guri báy, «Tláw, AAKOÓ MUNGÚ masók a dinkwa nee kuúng.»

1 SAMUELI 20:13

AAKOÓ MUNGÚ aníng i gaasi, bar qo Saulo aa tsabín kuúng uwa gaasi, aníng kuúng uri gurbuiiká, as tawa gop amór saaw, kahhó' slafiingók kuwa ba/amis. AAKOÓ MUNGÚ nee kuúng ta dinkwa adoodá' tar dinkwa nee baabuúeé'.