YOSHUA 1:1 - Biblía Axweesantá Hhohho' ar Mungú 2004

¹ Sagadiyusmoó AAKOÓ MUNGÚ kudá' ta bay Mose iwa gwaá', AAKOÓ MUNGÚ Yoshua garmoó Nuni alee/iisusmoó Mose, guri báy,

YOSHUA 1:1 Iomraidhean Croise

1 WAAWITÁ 19:16

Nee Yehu garmoó Nimshi di/i tir iimbalax as tawa waawutmoó Israeli. Elisha garmoó Shafati kuduú Abel-mehola di/ito ku iimbaláx as tawa aarusmoó kitaangók gu óh.

2 WAAWITÁ 3:11

Waawutmo Yehoshafati giri yaahaás, «Xáy aarusmoó AAKOÓ MUNGÚ diirihe i káhhi oo ta yaahasaan daanduú AAKOÓ MUNGUHE?» Sagadiyusmoó wák oo waawutmo Yoram oo Israeli iri oó', «Elisha garmoó Shafati i diirí, inós aáng a sagadiyusmoó Eliya.»

NEHEMIA 8:17

Dinku'uumár mukdá' sleémeero naa waatl baraá looháy wa aleeró, isleeri ngiri tleehhiyé', nay baraadá' wa hootiyé', asma iimír de'emaá Yoshua garmoó Nuni tam ay baalaadá' múk Israeli adoodá' gaa tleehhiiká. Qwal/uú yaariír iri deeruút.

TI'INAANGW 24:13

Mose nee alee/isusmoowós Yoshua tari tláy. Mose iri tsa/án gawaá tlooma amór Mungú.

FAARO 11:28

Qoomaarihe Yoshua, garmoó Nuni kuduú alee/isusmoó Mose iimír tawa masoomo, Mose guri báy, «Aakooeé', inooín ilaa/eek!»

FAARO 12:7

Ala daanduú sagadiyusmooeé' Mosewo a adooriheeká. Inós ku inkihhím baraá dooeé' sleémeero.

FAARO 13:16

Umeerí ar mukdá' Mose aa ya/aáw yaamaá Kana'ani ngiwa tsawtsawuusiya'. Mose Hoshea garmoó Nuni guna umií tsaát, guri báy Yoshua.

FAARO 13:8

Baraá tlahhoó Efraimuwo a Hoshea garmoó Nuni.

Luka 16:10

Heé inkihhimuú koóm baraá gár niinawe, tam baraá gár ure sleeme i inkihhimuú kón. Nee heé inkihhimuú koomaaká baraá gár niinawe, tam baraá gár ure sleeme i inkihhimuú konká.

Tlehhema'aá ya/Abuuse 7:45

Aluuwo bariiseerén heémarí gari ilaaót dír baabi'ii'ín wa ale. Kari gagaarín qoomár kiwa geeraharahari nee Yoshua. Qoomaadae Mungú múk xoordu guri guús geeraá baabi'iirén wa ale. Baabi'iirén niri dahiyé' baraá yaamuudá', yaamuudá' ngiri hayohiyé'. Heémadá' iri hotaatiín baraá yaamuudá' wa ale ay qoomár Daudi.

Rumi 1:1

Anuú Paulo barwaárí ngina gooiím. Aníng a lawaalmoó Kristo Yesu, tina ateét tawa ya/abusmo, nee tiri tsawaár as Ya/abtór hho' ar Mungú ngiwa alki/iit.

DABE 1:38

Ala alee/isusmoowók Yoshua garmoó Nuni in dah baraá yaamuudá'. Gimáy, inós i axweeseek miwa mune sií', asma inós múk Israeli gun baraá yaamuudá' i hardahaas as ngiwa aaliya'.›

DABE 31:23

Naagáy AAKOÓ MUNGÚ Yoshua garmoó Nuni guri báy, «Gám piíhh, nee ilakaahareés, asma kuúng múk Israeli un geerahát, baraá yaamuudá' aníng naa lo'ór wa /aáy ngiwa haniis dír baabi'ii'ín. Aníng a dinkwa nee kuúng.»

DABE 31:3

AAKOÓ MUNGÚ, Munguúhúng inósuú kilá' nun geerahaar nee mukdá' baraadá' hoót guri hhaamiis, as yaamuudá' kiwa ala'. Yoshua sleeme kuungá' nun geerahaar adoodá' AAKOÓ MUNGÚ ngira oó'.

DABE 33:1

Gaarí an tsuuqaadá' Mose, heé Mungú, múk Israeli ngira tsuúq dír ira gwaaiiká.

DABE 34:12

Aarusmo i kaahh tumu wák oo muruú waa/oo/amo gwaa tleehh, nee oo dae tlaáq adór kudá' Mose aa tleéhh, dír geeraá múk Israeli sleémeero wa ale.

DABE 34:5

Naagáy Mose, sagadiyusmoó AAKOÓ MUNGÚ, iri gwaá' baraá yaamaá Moabu, adoodá' aáng AAKOÓ MUNGÚ ngira oó'.

DABE 34:9

Yoshua garmoó Nuni i haats qeeruú sagalooaro, asma Mose guna dákwí qaás. Gawaá adoorihe, múk Israeli Yoshua guri ilaiwawaá/, nee hara'ayaadár AAKOÓ MUNGÚ tidá' aa Mósé hara'ayín, ngiri eehariyé'.

Tito 1:1

Anuú Paulo barwaárí ngina gooiím. Aníng a sagadiyusmoó Mungú nee ya/abusmoó Yesu Kristo. Aníng tina tsawaár nee tina ya/aáw as múk Mungú aa tsawaár nguwa alee/iis iwa haratlintii'i nee kángw looeema nguwa xuiya', kudá' hariím as Mungú kuwa ilaiwawa/i,

Yakobo 1:1

Anuú Yakobo, lawaalmoó Mungú nee oo Aako Yesu Kristo barwaárí ngina gooiím amór tlahh'aá mibaá nee tsár awa naa diyaa/atiye' baraá yaamaá dimbadimbé. Laawayhúng.

YOSHUA 1:15

Alee/iisaak ay dír AAKOÓ MUNGÚ yaamaá hhaeehúng tay hungu/uusi ngay haniisi, adór koohúng ngira haniís, inooín sleeme yaamaá AAKOÓ MUNGÚ, Munguúhúng, aa haniís kin aal, daqaní kuungá' tari ki/á' amór yaamuuhúng kudá' tinda haniís nee Mose sagadiyusmoó AAKOÓ MUNGÚ kudá' bihhaá da/ií diriiá' yaaér Yordaniro as kiwa ala'.»

YOSHUA 1:2

«Sagadiyusmooeé' Mose aa gwaá'. Gím daxta tláw, kuúng nee múk Israeli sleémeero, yaaér Yordani waarahhaak, ta datá' baraá yaamuudá' aníng ni haniis dír xoorór Israeli.

YOSHUA 12:6

Mose nee múk Israeli, waawitaáwí tsár kuri baál, sagadiyusmoó AAKOÓ MUNGÚ, Mose yaamu giri qasiís dír tlahhoó Reubeni, nee bahh'ale dír tlahhoó Gadi, bahh'alé dír tlaqtá tlahhoó Manase, yaamuudá' tari kooín.

Geehhoeemaá 1:18

kudá' slaáf. Aníng geeraawo ana gwaá', nee qaytsiít, hamí a slaáf ay alhhe'eesay wasle. Nee slám aníng gweermo a koóm ar gwa'ara nee ar baraá gi'i.