YONA 4:9 - Biblía Axweesantá Hhohho' ar Mungú 2004

⁹ Mungú guri báy, «Xáy, gár tas buhhaabuhh as si'ito'oorí i deéro?» Yona iri oó', «Eeít, gár nis buhhaabuuhh i deer, tam ay gwa'ara.»

YONA 4:9 Iomraidhean Croise

1 WAAWITÁ 21:4

Ahabu iri waátl ar mune nee gurhaamír yaariir, as Naboti yaamuloousmoó Yesreeli nguwa báy aalirós ga baloó hanisiiká. Ahabu iri qaát gawaá qatanirós, sagós guri tuuntuúk, muruú /aymaaro iri muunuút.

YOBU 18:4

Kuúng tin tawo kilók karslamís as muneerók, kuunge yaamu hotaawo kin máya as muneerók, laqaá kuunge Mungú tlom'i gin loohatísi?

YOBU 36:18

Ti kilók ila/ xarasleema muwa niqár ayé', laqaá muruú yaariír oo tir tu/ muwa qwaareés.

YOBU 5:2

Ar tsuwa ló' heé daktani daawitame gu gás, nee heé baraawásl da/i gu hhaamís.

YONA 4:1

Ala Yona adoodá' gwa sla'tiská, iri buúhh ló'wa ale.

YONA 4:10

AAKOÓ MUNGÚ Yona guri báy, «Kuúng si'ito'o a gurtleemuú i ara'aán, ar kuúng taa gadiyuská, slám aga ti'itiská, ala ina ureér ar har xweeraá wák, nee iri kát baraá xweeraá wák i alé.

YONA 4:8

Qoomár tsee/amá iwa ló'wa gwa/aát, Mungú fur'ár da/aá daahh gari ya/aáw ar ló'wa fukuukuu'. Tsee/amá iri ló'wa gwa/aát gawaá ságw Yona. Yona iri /ara/eeriít, tam gwa'ara gari fitlín, iri oó', «A tsiní bara gwaá' ta niwa slafa.»

Matayo 26:38

Giri báy, «Muunaáeé' gurhaamír yaariir gwa eér ar tsaxwaá gwa'ara. Diirí wa iwiiwitaak, dalaaé' dinkwa nee aníng.»

2 korinto 7:10

Asma gurhaamír adoodá' Mungú aa slaá', gár i huwahup a hhu'u'ungwdá' ba/amár huwahuúw. Heé gurhaamír adór tí gaa slay, inós i ooiiká gurhaamirí geera alók ana slawiiká. Ala gurhaamír adoodá' yaamu i slaiya', gár i hup a gwa'ara.

Geehhoeemaá 9:6

Qoomaadae muu gwa'ara ga fitlín, ala ka baloó ariiká. Nee inooín ka ilatleeruus tawa qatli, ala gwa'ara gi ilagóp.

HAR'OHUUSE 16:16

Umuú deelooro Delila ina kuntaatiín, Samson iri slahhaá' baraá muunaáwose, gwa'ara gari fitlín.