YONA 4:3 - Biblía Axweesantá Hhohho' ar Mungú 2004

³ AAKOÓ MUNGÚ, hamí aníng u firiím, slafingw'eé' hingeeseek, ala ta niwa hoota a tsiní bara gwaá'.»

YONA 4:3 Iomraidhean Croise

1 WAAWITÁ 19:4

Eliya iri kumiít aaiiwo looa gari dahaás. Inós iri hardáh dír xa'anoó ta bay retemu, iri iwiít dír gamuú xa'anoodá', inós gwa'ara gari fitlín, iri oó', «A ido daxta aá AAKOÓ MUNGÚ, slafingw'eé' hingeeseek, asma án gár baabi'iieé' ngir baa/ i káhh.»

DAHARUSMO 7:1

Tlehhma'aá hho' a tsiní ta di/tá mooyángw tsuú' kooma, nee baalaadá' tawa gwa' a tsiní ta tidá' tuwa laqwaali.

DAHARUSMO 7:9

Ma gaanslár buhhaar baraawoge, asma buhhta i baraá munér daktana.

YEREMIA 8:3

Panaay sleémeero oo daa'awtá mukwí tlákw umuú dír i dirii'i gwa'ara kari fitlín ta slafiingo. Anuú AAKOÓ MUNGÚ Aleesleemusmo tí ngina oó'.»

YONA 4:4

AAKOÓ MUNGÚ Yona guri báy, «Xáy, gár tas buhhaabuhh? Xáy, i ganá'a kuúng tawa buhhaabuhh?»

YONA 4:8

Qoomár tsee/amá iwa ló'wa gwa/aát, Mungú fur'ár da/aá daahh gari ya/aáw ar ló'wa fukuukuu'. Tsee/amá iri ló'wa gwa/aát gawaá ságw Yona. Yona iri /ara/eeriít, tam gwa'ara gari fitlín, iri oó', «A tsiní bara gwaá' ta niwa slafa.»

FAARO 11:15

Ala barnaxes adoorí an adór kuúng ta aníng i tlehhit a tsiní bar iga gás. Ala barnaxés kuúng aníng iga gurií bá/, kaangwí oo slahh'amaaye muwa araa'ár.»

FAARO 20:3

Sleémeero Mose guna i giliné' tawa kaahi, «Geeraawo bar ana alqatlaán nee hhaeerén dír heémaadár AAKOÓ MUNGÚ a tsiní!

1 Korinto 9:15

Ala aníng hariímarí sleémeero aga ar gadiyuusiiká, tam gár wák, laqaá adoorí aga gooimiiká as hariímarí ngiwa slaw dirhúng wa alé. Asma a tsiní aníng bara gwaá', ta xirfuueé' kwí hee nguwa hingeesi.