YONA 3:6 - Biblía Axweesantá Hhohho' ar Mungú 2004

⁶ Kaangwí iri hardáh dír waawutmoó Ninewi. Inós iri gawaá kitángw waawuti'iimarós wa tláy, tlabaawós giri duúx, tlabaá gwadidiingw giri dahaás, iri iwiít gawaá da/arár i alé.

YONA 3:6 Iomraidhean Croise

1 WAAWITÁ 21:27

Alaá Ahabu adoorí ngiwa axaás, tlabaawós gina feehhamiís, guniya gana tsiít, iri gwaawín, iri guniyadúr guú' nee iri hi'iimiít ar gurhaami amorqá' nee tiqae.

YOBU 2:8

Yobu parhhamtá qambeesmo gari taataáhh, iri iwiít baraá da/ara, tiri hhusliít ar parhhamtadá'.

YOBU 42:6

Gawaá adoorihe aníng taa kilooeé' aáhh. Aníng aga ya/a/aám, da/ara nee teeriro i gawaaéní qaás.»

ISAYA 15:3

Múk baraá loohiro waraáhh guniyadu gaa tsiít. Gawaá daandeemaá maraywo, nee baraá afeenaaro, umuú heewo in tsuunqumiis nee iri hirqamiit hhirhheeriwo.

YEREMIA 13:18

Waawutmo nee aayoorós bawaak, «Aweeraré' gawaá kiteerihúng awa waawuti'iimaro, asma slam'iihúng kudá' hhohho' naa huuhu'uné' gawaá sagerhunge.

YEREMIA 36:13

Mikaya axweesantadá' sleémeero aa axaás qoomár Baruku ngiwa soomuusi dír muu sleémeero, gari dír geeraharuuseérí oó'.

YEREMIA 36:24

Ala tam waawutmo nee sagadiyuuserós axweesanaydá' sleémeero kwaa axaasi, inooín taa da'ayutiiká, nee sleeme tlabaaín kaa feehhamiisiiká as gurhaami.

YEREMIA 6:26

Tlabaá guniyadu dahasaak, muk'eé', nee ta gwangwara'amitá' baraá da/arár wa aleeró. Tsuunqumisé' ar /aa/aá uren, adór heé na/aywós oo wák aa gwaa'. Asma heedá' nu hhaamiís ni gaanslár hardah.

WA/AA/I 2:10

Bariisér Siyóni aa yaamií iwít iri qartlamít, sager'ín ngay hhapér i kwakwaahhiyé', gunaydu ngiri tsiitiyé'. /Amatliitér Yerusalemu sager'ín ngay xupu'usiyé' ay yaamu.

WA/AA/I 3:29

I xupuui tam ay baraá teeri, iwa kaahi, doóqa harahhifo i deer.

ESEKIELI 26:16

Waawitá sleémeero kuduú yaamaá afaá tlawi tari huuhu'ún gawaá kiteeri'ín kudaá waawuti'iimaro, nee him'er'ín ngiri gweeriyá', tlabaaín kudaá ilaiwa/ame taa parootuús ngi duuxiyá'. Inooín daér yaariir giri eér, tari yaamií iwiit, inooín qooma sleémeerowo tari daaraax nee tari ló'wa da'ayuut daanduú tí iga sleeri.

DANIELI 9:3

Aluuwo Aakoó Mungú una firiím ar muunaáeé' sleémeero dinkwa nee gwaawito, tlabaá guniyadu ngiri dahaás nee niri iwiít baraá da/ara.

MIKA 1:10

Tí ma alki/iitara' dír wakuuseerén tidár baraá gixsár Gati, nee sleeme ma baloó /aa/ara'. Kuungá' múk gixsár Bet-leafra, baraá teerír wa gwangwara'amité' as gurhaami.

Matayo 11:21

«A tsaxwaahúng kuungaá gixsár Korasini, nee kuungaá gixsár Bet-saida. Asma muruuduú waa/oo/amo muruudá' xuawaslén aa tleehharumiit dirhunge geera bar ina tleehharuút baraá Tiro nee Sidonír wa ale, taa qaroó hhu'u'ún, nee guniyadu kay tsiit, tay iwiit gawaá da/ara as hhu'u'ungw'ín kuwa laqan.

Luka 10:13

«Kiíng gixsár Korasini, nee kiíng gixsár Bet-saida, a tsaxwaahúng. Asma muruudá' xuawaslén aa tleehharuut dirhunge, geera dír iwa tleehharuút bar an baraá Tiro nee Sidoni, geera iimirihe naa qaroó hhu'u'uné', nee guniyadu kay tsiít, tay iwiít baraá da/ara.