YONA 3:4 - Biblía Axweesantá Hhohho' ar Mungú 2004

⁴ Yona iri baraá gixsadá' i dáh, iri baraadá' wa hi'iimiít looa gar wa dát, iri tseeamín iwa kaahi, «Gixsár Ninewi ka qwaarees alaá deelo mibeeri tsiyáhh bira waaráhh.»

YONA 3:4 Iomraidhean Croise

2 WAAWITÁ 20:1

Qoomaarihe waawutmo Hesekia tiqti guna ót, iri lak gwaá', aarusmo Isaya garmoó Amos guri ii daqáy, guri báy, «AAKOÓ MUNGÚ i kaahi, ‹Do'ók amohhe'eeseek, asma kuúng a gwá', tiqtisinge kuúng a hungu/ká.› »

2 WAAWITÁ 20:6

Aníng kureeraá mibaá nee kooán ngi doók baraá hotaawoge. Aníng kuúng u tuú/, nee gixsarihe, gawaá dákw waawutmoó Ashuruwo. Aníng gixsarí an xuúm as aníng nee as sagadiyusmooeé' Daudi.› »

ISAYA 30:18

Gawaá adoorihe AAKOÓ MUNGÚ kuungá' nu daamaarán, as nuwa gurtlay. Inós ni tláy as kuungá' nuwa gurtláy. Asma AAKOÓ MUNGÚ a Mungú sakwasleemár ganaa' ga tlehhahhiít. Múk amohhoó' a kudá' inós gu daamaraám.

YEREMIA 42:10

‹Barnaxes kuungá' a metá' baraá yaamuuká', daqaní án kuungá' nu tleemaír i haniís, nu qwaareesaaká, nu male harma/atís, nu tu/aaká. Asma aníng inslaway'eé' u warqeés daanduú amotlakweedá' naa kuungá' i tleehhi.›

YONA 3:10

Mungú adór tlehhmi'ii'ín kudá' tlakw kira máy gari ár, Mungú iri ya/án /aymuudá' tlaákw nguwa may, kudá' geera i dir'ín i tleehhi.

Matayo 12:41

Bál deelór sakwasleemaro múk Ninewi i sihhiit dinkwa nee múk de'emaaká'. Ala múk de'emaaká' ku sakwasleemuut as tlakweemaaín nee múk Ninewi. Asma múk Ninewi ina hhu'uu'ún, axweesantá Mungú tidá' Yona aa dahareemiís ngiwa axaás. Ala diirihe heé úr i deer oo Yona gu baá/.

Luka 11:30

Asma adoodá' Yona ira laya tleehhiít dír múk Ninewiro, tam Garmoó Hee sleeme in laya tleehhiit dír mukuú de'emaakae.

Luka 11:32

Slám bál deelór sakwasleemaro múk Ninewi i sihhiit dinkwa nee múk de'emaaká', nee múk de'emaaká' kuri sakwasleemuut nee múk Ninewi as tlakweemaaín. Asma múk Ninewi ina hhu'u'ún qoomár axweesantá Mungú tidá' Yona aa alki/iít ngiwa axaasiyé', ala diirihe heé úr i deer oo Yona gu baá/.»

DABE 18:22

Barnaxes aarusmo gaa gaa oó' ar umuú AAKOÓ MUNGÚ, nee gadaádá' aa tleehharutká, laqaá aa loeeská, daqaní gaarí AAKOÓ MUNGÚ gaa ooiiká. Aarusmo gana sagós ar oó'. Kuungá' mutunduwa dae tsaát nee gár adór tí.»