YONA 3:10 - Biblía Axweesantá Hhohho' ar Mungú 2004

¹⁰ Mungú adór tlehhmi'ii'ín kudá' tlakw kira máy gari ár, Mungú iri ya/án /aymuudá' tlaákw nguwa may, kudá' geera i dir'ín i tleehhi.

YONA 3:10 Iomraidhean Croise

1 QOM'I 21:15

Mungú malaykamo gway ya/aáw as gixsár Yerusalemu ngiwa qwaareesi, ala inslawaywós gway warqeés, malaykamoowí gway báy, «Aido, dawar ki/eek.» Malaykamo qoomaadae i sihhmiit dír afeenír balaangw muxta ar doó Ornani heé Yebusi.

TI'INAANGW 32:14

AAKOÓ MUNGÚ inslawaywós kudá' tlákw guri máy, kudá' geeraawo i tleehhamór wa slai dír mukós.

AXWEESANOÓ SAGALOOA 28:13

Heé tlakweemaá lu/u/uúm amohhooa ga baloó slayká. Ala kudá' tlakweemaawós gaa gwadiidin giri máy tlehhtuuwo ku gurtláy.

ISAYA 30:18

Gawaá adoorihe AAKOÓ MUNGÚ kuungá' nu daamaarán, as nuwa gurtlay. Inós ni tláy as kuungá' nuwa gurtláy. Asma AAKOÓ MUNGÚ a Mungú sakwasleemár ganaa' ga tlehhahhiít. Múk amohhoó' a kudá' inós gu daamaraám.

YEREMIA 18:7

Barnaxes qoomarkaaro aga oó', xooro laqaá waawuti'iima a hingeés, nee an giqáw ngiri hhaamiís,

YEREMIA 18:8

ala xooroodá' naa daanda oó', bar muruú tlákw gwaa meér tlehhtuwo, aníng tidá' naa ístí tsaát daanduuine aqo an máw tleehharo.

YEREMIA 36:3

Doóqa múk Yuda amotlakweedá' ni dir'ín i tleehhár wa slaa' ka axaas, as umuú heewo tlakweemaawós ngiwa may as kahhó' án dakuúsar'ín nee tlakweemaine ngiwa gurtlaw.»

YEREMIA 42:10

‹Barnaxes kuungá' a metá' baraá yaamuuká', daqaní án kuungá' nu tleemaír i haniís, nu qwaareesaaká, nu male harma/atís, nu tu/aaká. Asma aníng inslaway'eé' u warqeés daanduú amotlakweedá' naa kuungá' i tleehhi.›

Yoeli 2:13

Tlabaahúng mi feehhamisaara', ala munerhúng na warqeesaak.» AAKOÓ MUNGÚ, Munguúhúng, na i waya'aak, asma inós ku gurhhoó', slám i gurtleemuú kón, ku inslahheeká buhhtaawo, i haats sla'aarír warqawaakahe. Tam sakwasleemadá' aa oó', ga ya/án meemuwo.

AMOS 7:3

Aakoó MUNGÚ guruuwós iri tláy, iri oó', «Adoorí i tleehharutká.»

AMOS 7:6

AAKOÓ MUNGÚ guruuwós iri tláy, iri oó', «Tí sleeme i tleehharutká.»

YONA 4:11

Xáy, aníng a hariímaáke gixsár Ninewi ngiwa gurtlaw, gixsadá' ur? Baraawose múk yaariír i deer oo kume tsiiruú wák nee mibeeri tsár gaa baa/ oo dákw doó /iyáy nee oo basáy ngu tsatsahhama'aaká. Nee malé alé makaá ló'wa yaariir awa ta de'en i dayá'.»

YONA 4:2

Yona AAKOÓ MUNGÚ guri firín, guri báy, «Án kuúng u firiím, AAKOÓ MUNGÚ. Adoosíng a adoodá' aníng naa oóiíke qoomár niwa baraá yaamuueé' i dirii'? Adoosíng an gár nisa gaanslár ta'aaím baraá yaamaá Tarshishírí alé, asma aníng a xuú' kuúng a Munguú gurhhoó', slám a gurtleemuú koón. Kuúng buhhtaawo tu inslahheeká, ala aga háts sla'aarír warqawaakahe. Tam sakwasleemadá' taa ó' a ya/aán meemuwo.

Luka 11:32

Slám bál deelór sakwasleemaro múk Ninewi i sihhiit dinkwa nee múk de'emaaká', nee múk de'emaaká' kuri sakwasleemuut nee múk Ninewi as tlakweemaaín. Asma múk Ninewi ina hhu'u'ún qoomár axweesantá Mungú tidá' Yona aa alki/iít ngiwa axaasiyé', ala diirihe heé úr i deer oo Yona gu baá/.»

Luka 15:20

Aluuwo iri tláy, iri kií/ amór baabuúwós. «Ala qoomár iwa amorqá' saáw i kahhi, kuri ár nee baabuúwós, guri gurtláy. Baabá iri amoorós i ta'aaín, guri slaqwtós i óh, guri ma'aás.