YONA 2:9 - Biblía Axweesantá Hhohho' ar Mungú 2004

⁹ Ala aníng ilahhooár muruú ta tsu/i ngi kuúngií haniís ar afór sluufaay, nee al'axweesante'eé' a boo/eés, asma ba/ama amór i dahh a amór AAKOÓ MUNGÚ!»

YONA 2:9 Iomraidhean Croise

IIMU/UUNGW 35:3

A tlawaán a tsa/amán amór Beteli, aníng Mungú nguri kitángw ilahhooár tleéhh, inósuudá' aníng iga axaas, qoomár slahh'amaayer'eene, nee tari dinkwa nee aníng baraá loohi sleémeero ar naa oohi.»

2 SAMUELI 15:7

Kureeraá tsiyáhh niwa waarahhiyé', Absalomu waawutmo guri báy, «Na'ás, pa/aangw haniisang oo niwa Hebronír kaw, as al'axweesante'eé', tidá' naa tseék dír AAKOÓ MUNGÚ, ngiwa bu'ta aw.

YOBU 22:27

Inós kuri firiín, kuúng uri iiárií qaas. Kuúng al'axweesantók kari bú'.

WARA'AMI 107:22

Inooín ngu sluufisiye' ar ilahhooár muruú ta tsu/i, nee tlehhmi'iiwós ki alki/iiti ar daa'ángw qwala/.

WARA'AMI 27:1

AAKOÓ MUNGÚ an gwa/aateemaaeé' nee ba/amar'eé', heé ni daimiit a heemá? AAKOÓ MUNGÚ a baqmór slafingw'eé', heé ni xuruumiit a heemá?

WARA'AMI 3:8

Ba/ama dír ni dahh a amór AAKOÓ MUNGÚ, tsuuqaawók masók i gawaá mukók.

WARA'AMI 50:14

Mungú ilahhooár sluufáy duxuumeek. Al'axweesantók boo/eeseek dír kudá' gáwtí diriia.

WARA'AMI 50:23

Kudá' aníng i ilahhooár sluufáy duxuúm, an kudá' aníng i xirfayeemiís. Heé digir waketiingós gwaa qoomees aníng u ba/amís!»

WARA'AMI 68:20

Mungú direne a Munguú ba/amiimís. AAKOÓ MUNGÚ kilós an kudá' atén ti ba/amís baraá gwa'araro.

WARA'AMI 95:2

Qwalaasé' a daqawán geeraawós ar ilahhooár sluufaay, qwalaasé' a daa'aán amoorós i ale ar afór qwal/uwo aa hats ar daa'ángw xirif.

ISAYA 45:17

Ala AAKOÓ MUNGÚ xoorór Israeli ga ba/amis ar ba/amár alhhe'eesay wasl. Kuungá' tundu murekesiiká nee tundu amoqwaaresiiká ay kureeraá kureér.

YEREMIA 33:11

afór qaseengw nee ar bara/ a malé axasá', nee afór ni/imár /ayla, nee afór daa'ángw múk ilahhooár sluufoó huwahuúw dír doó AAKOÓ MUNGÚ ar kah, ‹AAKOÓ MUNGÚ Aleesleemusmo sluufmiisaak, asma AAKOÓ MUNGÚ ku hhoó'. Sla'aarirós ar warqawaaká in kumaamít ay alhhe'eesay wasle.› Aníng yaamuuká' i diihhooar'ín tidár aángií ki/ís. Anuú AAKOÓ MUNGÚ tí ngina oó'.»

HOSEA 14:2

Tlawsé', inós firiimaak, ki/é' amór AAKOÓ MUNGÚ. Inós ku beera', «Tlakweemaarén sleémeero hingeseek, qeemuurén ilaooheek, daqaní atén kuúng u xirfayesaán afeerene.

Yohana 4:22

Kuungá' oo ta sluufmisa' u xua'aaká. Ala atén Mungú ta sluufmisaan u xuaán. Asma ba/ama amór ni dahh a amór múk Yahudi.

Tlehhema'aá ya/Abuuse 4:12

Asma ba/ama i káhh dír heé hatlae, slám umuú hatlá' i kaahh baraaká' yaamuwo oo taa múk i haniís, oo atén tar ba/aman.»

Rumi 12:1

Gawaá adoorihe hhaee'eé', aníng kuungá' nun harhheehhe'eés as gurtleemuú Mungú, kuungá' slaqoohúng na haniisaak iwa ilahhooár slaáf tleehhitiya', tidá' hhoohhoo' ar Mungú gu qwal/atimis. Gaarí an sluufmisuuhúng kudá' gídaabár koóm.

DABE 23:18

Bu'utuú tsaatu'uuma oo taa sleér as seeu'uumár fuqi mu huwaar amór doó AAKOÓ MUNGÚ, Munguúhúng as al'axweesani kawa boo/es. Asma AAKOÓ MUNGÚ, Munguúhúng, muruuwí tsaraawo gu waak.

Ebrania 13:15

Gawaá adoorihe atén masók Mungú un ilahhooarén ar muruú ta tsú/í hanmiisaán ar loohír kuwa xirfayeemisaan umuúqo daqto ar loohír Yesu. Gídaabárós a Mungú un xirfayeemisaán ar afeerén.

Geehhoeemaá 7:10

Inooín tari tseeamín ar afór ur, ta kaahi, «Ba/ama amór i dahh a amór Munguúrén kudá' aa iwiit gawaá kitangwduú aleesleemu, nee amór Deelmoó bee/i.»

1 SAMUELI 12:21

Ma bihhií warqawaara', asma muruú gaa wásl oo slaasláwár koomaaká kuwa sagadiyusa' oo alee/isoó huwaaká sleeme i ba/amisiká, asma gár iwa harin i káhh.