YONA 2:4 - Biblía Axweesantá Hhohho' ar Mungú 2004

⁴ Aníng nay baraá guruueé' oó', ‹Taa kwaáhh tiri saweés dír ilaawoge, ala hám án a malé qaytsiít amór Do'ók kudá' hhoohhoó' i alé.›

YONA 2:4 Iomraidhean Croise

1 WAAWITÁ 8:42

(asma múk xoordaá hatlá xirfuuwók ngu axaasiyá' nee aleesleemuuwók nee /uuruuwoge,) heewí birna hardáh, kuúng uri firín baraá do'owí wa alé,

1 WAAWITÁ 8:48

Nee qoomaasinge barta baraá yaamaá wakuuser'ín taa hhu'uu'ún ar muner'ín sleémeero ar kilá', nee ar fuqurangw'ín sleémeero, nee bar taa firín tawa amór ayaaín ga/ay, kudá' taa baabi'ii'ín i hanís, laqaá barta amór gixsarí kuúng taa tsawát ga/áy, nee amór do'owí aníng naa tleéhh as umuuwók,

1 WAAWITÁ 9:7

naagáy nun sií' kuungá' nee do'owí naa hhoohhooeés as umuueé', sleémeero in saweés dír ilaeene. Múk Israeli tari slaqsaay nee /aymuú /ooslisliingw baraá xoordu sleémeerowo.

2 QOM'I 6:38

laqaá barnaxes inooín naa hhu'u'uné' ar muner'ín sleémeero, nee ar qeereemooín sleémeero, bura firiné', gur'er'ín nga amór yaamuuín xu'usiyé', kudá' taa baabi'ii'ín i hanís, nee amór gixsarí kuúng taa tsawát, nee amór do'owí aníng naa tleéhh as kuúng,

WARA'AMI 31:22

Aníng ana gaanslár oó', «Aníng iga sí'.» Ala kuúng afór firor'eé' aga iiárií qás, qoomár uwa i /aá/ baraá firor'eene.

WARA'AMI 42:8

AAKOÓ MUNGÚ tlaatla/aango sla'aarirós ar warqawaaká ngi laqán, nee xweeraawo aníng Munguú nir slaaf un firiím, nee un xirfayeés ar daa'aangw.

WARA'AMI 5:7

Ala as yaareemaá sla'aarirók ar warqawaaká, aníng an dáh baraá Do'ók oo hhoohhoó'. Ar ilaiwa/ameero un i tumbarara'aát, uri sluufiís baraadá' wa ale.

WARA'AMI 88:6

Aníng kuúng iga /aytís baraá baa'ár aa tser'et, baraá bohóngw saáw nee oo giíw.

WARA'AMI 88:7

Buhhtaawók iga al iiloouyé', buhhtaawók iga slahh'eesiyé' adór gwaanduú ma'aay.

ISAYA 38:17

Slahh'ámudá' naa sláw dir'eene an hhooa, ala kuúng slafingw'eé' una tú/ dír afkú bohóngw gi'i wá ale, asma kuúng tlakweemaaeé' sleémeero ina amór aluuwógí kwáhh.

ISAYA 49:14

Ala múk Siyoni ta kaahi, «AAKOÓ MUNGÚ taa geexáy, Aakoorén atén taa gunqaareés.»

YEREMIA 15:1

Naagáy AAKOÓ MUNGÚ aníng iri báy, «Tam geera Mose nee Samueli i sihhitiia dír geeraaeé' as iwa firina', tam adoorihe aníng mukwí u baloó gurtlawaaká. Dir'eene amór saaw tay hiinges, diirihe ni quutliye'.

YEREMIA 7:15

Aníng kuungá' nun amór saáw i puruúts guusaro adoodá' naa tleéhh dír hhaeehúng sleémeero awa xwaylár Efraimu.› »

WA/AA/I 3:54

Ma'aay án iri haraawa/iyé' niri oó', «Kaangw'eé' aa faák.»

ESEKIELI 37:11

Aluuwo AAKOÓ MUNGÚ iri báy, «Heewí, faduusingá' a múk Israeli sleémeero. Inooín ta kaahi, ‹Faduurén naa kahiyé', harahhifoorén aa fák, atén aga hhaamaán.›

DANIELI 6:10

Danieli ngiwa tsaáhh waawutmo duguno gwaa qaás, inós iri kií/ amór do'ós kuduú qorofa, baraá kutuwirós tidá' pa/eeriwós taa kiís i amór Yerusalemúr ga/ayá'. Danieli umuú deelooro in tumbarara'amamiit looár wake sagaáwa tám, as Munguúwós nguwa firiirin nee nguwa sluufmiisi adoodá' /iisí i /imaamisi.

YONA 2:7

Qoomár muunaáeé' iwa /e/etin, AAKOÓ MUNGÚ nguri insláw, firor'eé' niri hardát amoorók i alé, baraá Do'ók kudá' hhoohhoó'.