YONA 2:2 - Biblía Axweesantá Hhohho' ar Mungú 2004

² iri oó', «AAKOÓ MUNGÚ, án kuúng una i /aa/amiím as slahh'amuueé', kuúng iri mu/aywáts. Ana baraá gi'ií wa firiím, kuúng afor'eé' kari axás.

YONA 2:2 Iomraidhean Croise

2 QOM'I 33:12

Qoomár iwa baraádií dirii'i, AAKOÓ MUNGÚ guna ló'wa firín, tiri ló'wa niinaweés dír geeraá Munguú baabi'iiwose.

WARA'AMI 116:3

Tsaxwaá gwa'ara ina harweeriyé', /aanta ngay da'ayuút, slahh'amu iga daawitamérár gaás.

WARA'AMI 120:1

Qoomár slahh'amu nguwa sláw, AAKOÓ MUNGÚ una ateét, inós iri mu/aywaáts.

WARA'AMI 16:10

Asma, AAKOÓ MUNGÚ, kuúng aníng i baloó meeraaká baraá gi'ií alé, a ya/aandaaká heewók oo hhoohhoó' iwa hhitiruuti.

WARA'AMI 22:24

Asma inós slahh'amaayér liitlakusmo gaa waaqaiiká, nee gu mayká i qaytaro. Ala qoomár burungu i /aa/amín gun mu/aywaats.

WARA'AMI 34:6

Liitlakusmoowí AAKOÓ MUNGÚ guna i /aá/, AAKO iri axaás, guri ba/amís baraá slahh'amaayeerós sleémeero.

WARA'AMI 4:1

Mungú, kuúng an Munguúeé' oo gan'amuú koóm, firor'eé' iiárií qaaseek qoomár bur ateetiím. Ina alee/ís qoomár niwa slahh'amkuú koom. Án gurtlawáng, firor'eé' iiárií qaaseek.

WARA'AMI 61:2

Una i /aa/amiím niwa baraá hhapeemaá saawá' i dirii'. Qoomaadae niri mune sií'. Geeraharáng as niwa nahhaat baraá tlaa/ár ur.

WARA'AMI 65:2

Kuúng firo a axamís, muu sleémeero u i hardah.

WARA'AMI 86:13

Asma sla'aarirók ar warqawaaká ka yaariir dir'eene, hhiintluueé' ugwa tú/ baraá gi'ií wa aleeró.

ISAYA 14:9

«Gi'i baraywo naa gwarangwaritiyé', as kiíng iwa ilaoohiya' bara baraadií hardát. Mukdá' aáng aa qaatl kungun tlees as iwa taaqweesár aya', nee mukdá' sleémeero oo waawituú xoordu kungun tlees gawaá kiteeri'ín kudaá waawuti'iimar'ín wa alé sleeme.

WA/AA/I 3:55

Aá, AAKOÓ MUNGÚ, án kuúng uri i /aá/ baraá gwe'eedaá bohóngw wa alé.

ESEKIELI 26:20

Aníng kiíng in /aytiís baraá bohoongw as iwa haragaas amór mukdá' baraadá' i dirií', kuduú aáng. Tari baraadá' wa hót ay alhhe'eesáy wasle, múk baraawók i hotaá áw i kaahh, nee pa/aangw u sleeraaká baraá yaamaá múk slafa.

ESEKIELI 31:14

Adoorí ina tleehharút asma xaai sleémeero kudaá dír ma'aay mindiwa tlenaanuyé' ay gawaá doori. Xa'anoó hatlá' oo taa eemiís tlenaango adór kwí mingiwa malé áy. Asma umuú gaa alhhe'eesaywós a gwa'ara, tam muu sleeme a adoorí, sleémeero ta /eet baraá gi'i.›

Matayo 12:40

Asma adoodá' Yona ira baraá guruú siyó wa hoót deelo tám, tlaatla/aangw nee xweeraawo, tam Garmoó Hee sleeme in baraá guruú yaamuú wa hoot.

Luka 11:10

Asma umuúqo heé firiiriím, ku qáy, nee kudá' leelehhiít, ga sláy, nee kudá' afkú doó wa ateetiím, piindo ka duux.

Luka 22:44

Yesu iri ló'wa kumiít firooro as adoodá' muunaáwós iwa ló'wa gurhaamuuti, tam hameerós iri adór tseere tleehhít, iri yaamií taxaán.]

Tlehhema'aá ya/Abuuse 2:27

Asma kuúng qeeruueé' u baraá gi'ií meeraaká, laqaá Heewók oo hhoohhoó' u meeraaká iwa hhitiruuti.

Ebrania 5:7

Qoomár Yesu iwa baraakaá yaamuú wa hoót, Mungú guna i /aa/amín ar afór ur, nee ar hhirhheeri, guri firiirín nee nguwa ateetin. Asma Mungú inós gu aleesláy nguwa ba/amisi baraá gwa'araaro. Inós kuri iiárií qaás nee Mungú asma adoodá' tiwa niinaweés, nee adoodá' Mungú nguwa ilaiwawaá/.

1 SAMUELI 1:16

Sagadiyuso'oorók ma adór /ameenír aa pungahhamút ar tsaahhaar, gár muruuwí sleémeero ngusa axweemaamiís a slahh'amuú naa sláw nee gurhaamiro.»

1 SAMUELI 30:6

Daudi i baraá gurhaamír bo/, as na/ii'ín kiwa ar tláy. Daudi kuna dae tsaát, asma muu i inós tlaqtuú wa slaa' ar tlaa/e. Ala Daudi /uuru guna sláy as AAKOÓ MUNGÚ, Munguúwós.