YONA 1:6 - Biblía Axweesantá Hhohho' ar Mungú 2004

⁶ Ala geeraharusmoó miringamoodá' Yona guri i daqáy, guri báy, «Kuúng mas gú'? Daarkiitáng, Munguúwók firiimeek, doóqa Munguúwók atén ti gurtláy as mawa qwaaraán.»

YONA 1:6 Iomraidhean Croise

2 SAMUELI 12:22

Daudi giri báy, «Ar ló', qoomár na/aay iwa slafi, ana gwaawiím nee una ale/aa/amiím. Adoorí ana tleéhh asma ana oó', ‹Heé ga xuú'? Doóqa AAKOÓ MUNGÚ i gurtláy as na/aay iwa hunguu/i.›

ESTA 4:16

«Tláw, múk Yahudi sleémeero oo diirír Susarí dirií' burumbureek, ta gwaawiindá' as aníng. Ma /ayimaara' laqaá ma gaa wahaara' har afiqoomár deelo tame, xweera nee tlaatla/aango. Aníng nee sagadiyuuser'eé' a gwaawimaán sleeme, daqaní niri dáh amór waawutmo adoodá' dabe i sla'aká, ar naa hamat bar gwa'ara ni gwaá'.»

WARA'AMI 107:6

Baraá slahh'amuine AAKOÓ MUNGÚ kuri i /aa/amín, inós giri ba/amís baraá slahh'amaayer'ine.

WARA'AMI 78:34

Bál bar baraakarka ngaa tsuú/, awa hatlá' nay hhu'uu'uná', Mungú nguri leelehhiitiyé' ar tsáp.

ISAYA 3:15

Gár muk'eé' kus baramaanusa' a milá? Nee gár narkuute kas slahh'eemisa'? Anuú Aakoó MUNGÚ Aleesleemusmo, nu yaahamiís.»

ESEKIELI 18:2

«Ahaá waáy, gár axweesantá bo/ kas inkaaki/a' baraá yaamaá Israeliwo? Tí kah ‹Xwayliité mamaá /eetlá' awa xa'anoó sabiíbu gina /ák, ala sihhnaá na/ii niri ta/anterumitiyé'.›

Yoeli 2:11

AAKOÓ MUNGÚ in tsee' ar afór ur dír geeraá slawtá slaqwaruuseerós wa alé. Asma slaqwaruuseerós ka ló'wa yaariir. Heé axweesantós ga boo/eemiís a pihhusmo. Deelór AAKOÓ MUNGÚ ka ur, slám i dae tláq. Heé deeloorí ga qiítl a heemá?

AMOS 5:15

Tlehhma'aá tlakw aahhaak, awa hho' sla'aak, sakwasleemár gan'amu tleehhaak baraá tlahh'iihúng awa kwasleemaro. Doóqa AAKOÓ MUNGÚ, Munguú Aleesleemusmo guruuwós i tláy as panoó múk Yosefu.

YONA 3:8

Ala muu nee makaywo tlabaá gwadidiingw ki tsiiti. Inooín Mungú ku i /aa/i ar afór ur, nee ta warqay, umuú heewo loohirós tidá' tlaakw ngi may, nee tlehhmi'iiwós kudá' tlakw.

YONA 3:9

Heé ga xuú' a heemá, doóqa Mungú i ya/án iwa warqay buhhtawós kudá' ngiwa may, as atén mitiwa qwaareés.»

Tlehhema'aá ya/Abuuse 21:13

Paulo atén tiri báy, «Gár ta tlehhita' a umós? /Aa/e nee diqay'eé' qwaareemisúwo? Mas tseegamo kilós an katá'? Án aga ya/aám tam tiwa gaasi baraá Yerusalemúr i alé as umuú Aako Yesu.»

Rumi 13:11

Adoorí tleehhaak ar ilakaahara, asma kuungá' qoomaarí ta koomaan a xuá'. Slám a xuá' kuungá' gár tunduwa hariím, hamí an tleerá' baraá gu'uteero. Asma ba/ama hamí naa diréní naká/, ta ak qoomaadá' atén haratlintaao kawa iimu/uumani.

Efeso 5:14

Gaarí an gár tasa oó', «Tláw, kuúnguudá' guaiím, waasleé/ baraá múk aa qaátl wa ale, daqaní Kristo kuúng u i gwa/aat.»