YONA 1:3 - Biblía Axweesantá Hhohho' ar Mungú 2004

³ Ala Yona ina tláy, iri goów amór yaamaá Tarshishi, as iwa nahhaati AAKOÓ MUNGÚ wa alé. Ina aweér ay yaamaá Yopa, miringamoó yaamaá Tarshishír káw guri ár. Yona peésa gari buú', iri tsa/án baraá miringamoó i alé, as tiwa kona' nee inooín ay yaamaá Tarshishi, as iwa nahhaati dír AAKOÓ MUNGÚ wa alé.

YONA 1:3 Iomraidhean Croise

IIMU/UUNGW 3:8

Naagáy afór AAKOÓ Mungú kari axaás iwa hi'iimiti baraá asalmoó wa ale qoomár tsee/amá iwa fuuruú'. Heedaádá' nee hareerós niri nahhaatiyé' baraá xaa'aá asalmoodií ale, as AAKOÓ Mungú mingiwa ár.

IIMU/UUNGW 4:16

Kaini iri tláy dír geeraá AAKOÓ MUNGÚ wa alé, iri hotaá áy baraá yaamaá ta bay Nodi Gídaabárós a taambeera.

1 WAAWITÁ 19:3

Eliya iri da'ayuút, iri goów as slafiingós nguwa /iisi. Sagadiyusmoowós nee inose tari tláy ay Be'er-sheba baraá yaamaá Yuda, sagadiyusmoowós guri didaádá' i geexáy.

1 WAAWITÁ 19:9

Iri dáh baraá mar'i, iri qaát baraadá'. Naxés axweesantá AAKOÓ MUNGÚ, gana axaás iwa kat, «Eliya, kuúng gár ta tlehh a milá diirihe?»

2 QOM'I 2:15

Hám daxta, kuúnguú aakooeé', muruudá' taa ó', angaáno nee shayiri nee di/ito nee difaáiro, na'ás, ya/aawang amór sagadiyuuseerók.

2 QOM'I 2:16

Atén peehháy ngu feehhisaán ar adoodá' kuúng kur sla' gawaá tloomár Lebanoniro, ngway huwaán ar loohír baraá tlawi ay didár Yopa. Daqaní kuúng ku léhh didií aleeró, ki húp ay Yerusalemu.»

2 QOM'I 9:21

Solomon miringér sagadiyuusér waawutmo Hiramu ir aa'aá kakeer ay yaamaá Tarshishi gan kón. Alaá kureeraá tame miringeedá' ni kikí/ ar sahaábu nee peesaaro nee xareemaá daweero, nee poohame nee tsir/ór ta bay tausiro.

ESRA 3:7

Inooín peésa kari haniís dír qwatsiiruuse nee múk hhasliít, muruú /ayma nee oo wahaangw nee di/ito kina haniís dír múk Sidoni nee oo Tiro as xaa'aá sahhta kingiwa tsati gawaá tloomár Lebanonír wa ale, nee kingiwa huwi ar baraá tlawi ay gixsár Yopa, ar adoodá' Koreshi waawutmoó Persia ngira pa/ángwií haniís.

YOBU 1:12

AAKOÓ MUNGÚ Neetlaangw guri báy, «Adór ta sla' tleehheek daanduú daqaari'iimarose, ala inós mu kwatiitaar.» Neetlaangw iri tláy dír geeraá AAKOÓ MUNGUHE.

YOBU 2:7

Neetlaangw iri didár geeraá AAKOÓ MUNGÚ wa tláy, Yobu guri slahh'eemiís ar inkahh'aá tlakw, inkahhi'iiká' slaqwa sleémeero ngina alti'iitiyé', iimír tsa/oó yaaér wa tleemu ay tan/ér saga.

WARA'AMI 107:23

Bahh'alé baraaine tana aa'aá káy ar meéli daanduú tlawtár ale, halaanu'uuma ngina tleehhiyé' ar hi'iitanór baraá tlabeemaá uren.

ISAYA 2:16

Nee gawaá daanduú miringe sleémeero ar yaamaá Tarshishi, nee gawaá daanduú miringe sleémeero tidá' hhohhoe.

ISAYA 23:1

Kaangwí a iigu'utuú Mungú aa laqán daanduú Tiroro. Kuungaásá múk Tarshishi awa baraá tlawtár hi'iimamitá' tsuunqumisé', asma gixsár Tiro kaa hhaamiís tam maraydaá afaá tlawi i kahhiyá'. Bál bar naa ki/é' Kuprór wa ale, kaangwí u axasá'.

ISAYA 23:10

Baraá yaamuuwók ar waaraahheek adór yaaér Nili, kuungaásá múk Tarshishi, asma daxta gár nu tatlmis i káhh.

ISAYA 23:6

Tlawsé', ta'aaimé' ay yaamaá Tarshishi, tsuunqumiisé' kuungaásá yaamuloouusér afaá tlawi.

ISAYA 60:9

A miringér baraá ma'aay tidá' yaamaá afaá tlawtá daahh, kinga geerahaár nee miringér Tarshishi. Tidá' na/iiwók ngaa amór saáwa ki/is, peésar'ín nee sahaábu ngi koná' as daanduú umuú AAKOÓ MUNGÚ, Munguúhúng, nee daanduú Kudá' wák oo Hhoohhoó' oo Israeli, asma inós kuungá' nuna xirfayeés.

YEREMIA 10:9

Slaqsi'ii'ín kuká' kina parootuús ar peésár Tarshishír daahh, kina parootuús ar sahaábuú Ufasír daáhh. Gaarí an gadiyér kareeruú kwahho ga xuú', nee múk sahaábuú kwahhuút. Kaa tlabaá sirbó/ií dahaás nee awa sirda/aten, kudá' taa tleéhh ar daba'.

ESEKIELI 2:8

«Ala heewí, tí kuúng u babaw iia ti qas, kuúng ma dee/anutaar adór inooín wa alé. Afkók awaatleek, gaarí aníng ni hanmiis /ayeek.»

ESEKIELI 27:12

«Múk yaamaá Tarshishi nee kiíng halaanu'uuma ana tlehhé', asma daqaari'iimarók tidá' a tsiniq, tidár umuú daa'awto. Daqaari'iimár peésa, nee ar muqsla, nee ar baáti nee ar harsaásaay as muruuwók kudá' taa slá' kuwa sleer.

ESEKIELI 3:14

Naagáy qeeru iri gáwtí tleés iri puruúts amór saaw. Niri tláw amooqae aga slahhaá', nari qa/iít baraá muunaáeene, nee /uuruú AAKOÓ MUNGÚ ina hatsiís.

YONA 1:10

Naagáy mukdaádá' iri ló'wa da'ayuút, kuri báy, «Gaarí kuúng taa tléhh a milá?» Asma mukdaádá' ga xuu' adór inós ira goów as iwa nahhaati dír AAKOÓ MUNGÚ wa alé, asma inós inooín gaa xu'tís geerií alé.

YONA 4:2

Yona AAKOÓ MUNGÚ guri firín, guri báy, «Án kuúng u firiím, AAKOÓ MUNGÚ. Adoosíng a adoodá' aníng naa oóiíke qoomár niwa baraá yaamuueé' i dirii'? Adoosíng an gár nisa gaanslár ta'aaím baraá yaamaá Tarshishírí alé, asma aníng a xuú' kuúng a Munguú gurhhoó', slám a gurtleemuú koón. Kuúng buhhtaawo tu inslahheeká, ala aga háts sla'aarír warqawaakahe. Tam sakwasleemadá' taa ó' a ya/aán meemuwo.

Luka 9:62

Yesu guri báy, «Heé kurmoó doosla gwa oh, aluuwo iri alií xumiis, waawuti'iimár Mungú ga hardahasiiká.»

Tlehhema'aá ya/Abuuse 15:38

Ala Paulo gaa slaiiká kuwa huwi, asma adoodá' aáng ngiwa geexáy Pamfiliár i aleeró, baraá gadiyeé.

Tlehhema'aá ya/Abuuse 26:19

«Gawaá adoorihe, waawutmo Agrípa, aníng iigu'utuudá' gawaá dooraá daáhh ugwa si'iiká.

Tlehhema'aá ya/Abuuse 9:36

Nee eeharuso'orka wák i deer baraá gixsár Yopa, umuuwós a Tabita, tsifrír grikiro a Dorkasi (gídaabárós a tlaaqati). /Ameenirí tlehhma'aá hho' awa yaariir gaa tlehhaahhít, nee ilahhooa ga hanmaamís dír múk i alé.

Tlehhema'aá ya/Abuuse 9:38

Gixsár Lida ka tseew dír Yoparo. Eeharuuse gari axás adór Petro ir amoodií dirií'. Múk tsár guna amoorósí ya/áp. Petro kuri harhheehhe'eés, kuri báy, «Qwaláng ar gaanslaay.»

Tlehhema'aá ya/Abuuse 9:42

Kaangwí ina xu'utiít baraá gixsár Yopa sleémeero. Múk yaariír Aako guri haratlintií'.

Tlehhema'aá ya/Abuuse 9:43

Petro deelór hhaawaaká gana hhe'eés baraá Yopár wa ale dír doó heeko ta bay Simonú kadaá tlehhahhiít.

1 Korinto 9:16

Asma aníng tam a Ya/abtór hhó' alki/iita, gár tir xirfayees i káhh. Asma gaarí a gadiyér tinda aníng i haniís, a gár ni baqaaká tleehhamooro. Aníng Ya/abtór hho' bar alki/iitaaká, a tsaxwaaeé'.

2 Tesalonike 1:9

Sakwasleemar'ín a kin qwaarees ay alhhe'eesay wasle, kiri paraatl dír gitsee/aá Aakoowo nee dír xirfuú aleesleemuuwós.

YOSHUA 19:46

nee Me-yarkoni, nee Rakoni, nee yaamuudá' iisaapoó Yopárií tseewá'.