YONA 1:17 - Biblía Axweesantá Hhohho' ar Mungú 2004

¹⁷ AAKOÓ MUNGÚ siyoó yangaariír guna amohhe'eés, as Yona nguwa gu/i. Yona iri baraá guruú siyoódá' wa hoót deelo tám, xweera nee tlaatla/aangw.

YONA 1:17 Iomraidhean Croise

IIMU/UUNGW 1:21

Naagáy Mungú makaá uren awa baraá ma'aay giri tleéhh, nee muruú yaariír oo slaáf oo hi'iimiít ar baraá ma'aay, ma'aay niri hatsiyé' muruú slafa, umuú daa'aweemaá dimbadimbehe. Nee tsir/ór daa'aweemaá dimbadimbé gari tleéhh sleeme. Mungú adoodá' aa tleéhh gari ár naxés ka hhoohhoo'.

YONA 2:10

AAKOÓ MUNGÚ siyoódá' yangaariír guri i ilawaáts. Siyoódá' Yona guri waá/ afaá tláwtí ale.

YONA 4:6

AAKOÓ MUNGÚ si'ito'o gari ti'itiís, iri ureér, as Yona mahhtí ngiwa slay, nee iwa hungu/i baraá slahh'amuudá' i kona. Naagáy Yona iri ló'wa qwalaá/ as si'ito'oodá'.

HABAKUKI 3:2

Aá AAKOÓ MUNGÚ, aníng kangók ugwa axaás, nee tlehhmi'iiwók iri de'e tsatiyé'. Eeít AÁKO, gadiyeérók malé /abeeseek baraá kureeriikae. Baraá kureeriikae tlehhmi'iiwók i xu'utiitiye', bar aga búhh gurtleemuuwók inslaweek.

Matayo 12:40

Asma adoodá' Yona ira baraá guruú siyó wa hoót deelo tám, tlaatla/aangw nee xweeraawo, tam Garmoó Hee sleeme in baraá guruú yaamuú wa hoot.

Matayo 16:4

Qartá tlaakw nee ar tsaatuuse i layár leelehhít. Ala layár ta slay i káhh, aqo har layár Yona kilós.» Giri geexáy iri quútl.

Luka 11:30

Asma adoodá' Yona ira laya tleehhiít dír múk Ninewiro, tam Garmoó Hee sleeme in laya tleehhiit dír mukuú de'emaakae.