YONA 1:16 - Biblía Axweesantá Hhohho' ar Mungú 2004

¹⁶ Ala mukdaádá' AAKOÓ MUNGÚ kuri ló'wa da'ayuút, ilahhooár muruú ta tsu/i kari haniís. Nee kway al'axweesantí tseék.

YONA 1:16 Iomraidhean Croise

IIMU/UUNGW 28:20

Yakobo al'axweesani gari qaás i kaahi, «Mungú ala kuúng bar dinkwa nee aníng, nee bir de'eén baraá aaiieene, muruú /ayma nee tsitaywo bur ngu hanmís,

IIMU/UUNGW 8:20

Noa kitángw ilahhooa guri tleéhh as AAKOÓ MUNGÚ, makiito'ór wák gari taataáhh baraá umuúqo daa'aweemaá makaá hhohhoe, nee tsir/ír wák gari taataáhh baraá umuúqo daa'aweemaá tsir/ór hhohhoe, gari didá' wa daá/ ilahhooár wá ale.

2 WAAWITÁ 5:17

Na'amani iri oó', «Gám ala kuúng bar gar'eé' ooharo aga sí', kár ala sagadiyusmoowók hhapér yaamuuká' ar wayshamaá tsár gagaaro i aleeslaya' ti hanis, asma iimír laarí aníng sagadiyusmoowók a kumiitaaká ilahhooár da/a haniisaro laqaá ilahhooár muruú ta tsu/i dír munguaá hatlá', aqo har dír AAKOÓ MUNGÚ kilós.

YOBU 37:24

As adoorí muu sleémeero inós gun da'ayuumiit. Inós mukdá' daara/aám ar sagalooár qo kaahh gu hhasliitiiká.»

WARA'AMI 107:22

Inooín ngu sluufisiye' ar ilahhooár muruú ta tsu/i, nee tlehhmi'iiwós ki alki/iiti ar daa'ángw qwala/.

WARA'AMI 116:14

Al'axweesantadá' naa oó' dír AAKOÓ MUNGÚ, an boo/eés dír geeraá mukós sleémeero.

WARA'AMI 50:14

Mungú ilahhooár sluufáy duxuumeek. Al'axweesantók boo/eeseek dír kudá' gáwtí diriia.

DAHARUSMO 5:4

Kuúng al'axweesani bara ó' dír Mungú i alé, ma tligaar boo/eesaro, asma inós ku qwal/atimisiiká nee múk daktana. Gimáy al'axweesantadá' boo/eeseek.

ISAYA 26:9

Baraá muunaáeene kuúng una islaasláw looa ngari fiíq, nee baraá qeerueene kuúng una tseewa leelehhtuú áw ar tsáp. Asma bál bar yaamu iga sakwasleemút, yaamuloouusér baraá yaamu hotaá ganaa'á' gi intsaatsáhh.

YEREMIA 5:22

Anuú AAKOÓ MUNGÚ a kah, «Ahaá aníng mis ilaiwawa/a'aaká? Ahaá mas daaraxa'aaká dír geeraeene? Aníng hhasaangw una qaás tawa harki/isoó tlawi, digmuú tlawi waarahhamko i baloó aleesleeraaká. Tam gwaanduú ma'aay digmuudá' ngu aya, ala gu waarahhiiká, tam i /orootli ala gu waa/akutiiká.

DANIELI 6:26

Hara'aya aga qaás as muu sleémeero baraá waawuti'iimar'eene, Munguú Danieli kuwa da'ayumiti nee kuwa ilaiwawa/i. «Asma Munguúwí an Munguú slaáf, kudá' hotatiím kureerisleém, waawuti'iimarós ka baloó hhitinká, waawuti'iimarós i alhhe'eesoó koondaaká.

YONA 1:10

Naagáy mukdaádá' iri ló'wa da'ayuút, kuri báy, «Gaarí kuúng taa tléhh a milá?» Asma mukdaádá' ga xuu' adór inós ira goów as iwa nahhaati dír AAKOÓ MUNGÚ wa alé, asma inós inooín gaa xu'tís geerií alé.

YONA 1:14

AAKOÓ MUNGÚ kuri i /aa/amín kuri báy, «AAKOÓ MUNGÚ, atén kuúng u firiimaán. Aá AÁKO, atén miti qwaareesaar as slafíngw heewí kuwa qwaareesaán, laqaá miti li/áy buaar as heé tlakweés wásl kuwa qwaareesaán. Asma kuúng AAKOÓ MUNGÚ, adoorí ana tléhh ar adoodá' kuúng ta sla'.»

Marko 4:31

Waawuti'iimarí a adór ilmoó xa'anooko ta bay haradaáli. A ilmoó niiná ló'wa ale baraá dahaasiingw sleémeerowo.

Tlehhema'aá ya/Abuuse 5:11

Haratlintaauuse daér yaariir gari eér, nee múk hatlá' sleémeero oo axweesanaywí gwa axamiis.

HAR'OHUUSE 13:16

Malaykamoó AAKOÓ MUNGÚ Manoa guri báy, «Gám tam iga harakesi ala aníng muruú /aymarhúng kwisíng u /ayaaká. Ala kuúng bar slá' ilahhooár da/a na amohhe'eeseek, haniiseek dír AAKOÓ MUNGÚ.» Asma Manoa heedaádá' gwaa tsaahhiiká adór tar malaykamoó AAKOÓ MUNGÚ.