Yohana 9:35 - Biblía Axweesantá Hhohho' ar Mungú 2004

³⁵ Yesu gari axaás adór heedaádá' kura tsee/ií duúx baraá doó saaliingo. Nguwa ár guri báy, «Kuúng Garmoó Hee u haratlintatía?»

Ya/abtór hho' 1977

³⁵ Yesu gari axaás gídaabá heedaádá' kwa tsee/aá i duúx baraá doó saaliingo. Guri ár, iri oó', “Kuúng Garmoó Hee u haratlintatía?”

Yohana 9:35 Iomraidhean Croise

WARA'AMI 2:12

as miwa buúhh, kuungá' tay qwadá' baraá loohi, asma buhhtaawós ni hardihiyá' ar gaanslaay. Kudá' sleémeero ngwa i guwiye' ki amohhoo'.

WARA'AMI 2:7

Waawutmo i kaahi, «Aníng hara'ayaadá' AAKOÓ MUNGÚ naa oó' an alki/iít. Inós ina báy, ‹Kuúng an garmaaeé', án laarí kuúng ugwa laqwaál.

WARA'AMI 27:10

Baabuúeé' nee aayír'eene tam iga si'iyé', ala AAKOÓ MUNGÚ aníng in ilaaoh.

Matayo 14:33

Nee kudá' baraá miringamoó i diriiá', Yesu nguri i tumbarara'atiyé', tari oó', «Ar ló', kuúng a Garmoó Mungú.»

Matayo 16:16

Simon Petro iri oó', «Kuúng a Kristo, Garmoó Munguúdá' slaáf.»

Matayo 4:3

Neetlaangw guri i daqáy, guri báy, «Kuúng barqo Garmoó Mungú, tlaa/anoowí i ilawatseek i muruú /ayma tleehhiti.»

Marko 1:1

Gaarí a iimu/úngw Ya/abtór hho' daanduú Yesu Kristo, Garmoó Mungú.

Yohana 1:18

Heé Mungú gwa baloó ar i kaahh. Garmoó kilós oo Mungú, kudá' dír Baabá i dirií', inós an kudá' Baabá ngwa geehhooatis.

Yohana 1:34

Nee tí aníng aga ár, slám aga lamabu'uúm adór kwí tar Garmoó Mungú.»

Yohana 10:36

Ala anuúwí taa tsuúq nee Baabá, nee tiri ya/aáw baraá yaamu, kuungá' mis babeera', ‹Kuúng a Munguú /ooslisliín,› án bar kah, ‹Aníng a Garmoó Mungú?›

Yohana 11:27

Marta iri ó', «Eeít, Aáko, aníng aga haratlintií' adór kuúng tar Kristo, Garmoó Mungú, kudá' baraá yaamií hardáh.»

Yohana 20:28

Tomas guri báy, «Aakooeé' nee Munguúeé'.»

Yohana 20:31

Ala kuká' kingina gooín, asma kuungá' kawa haratlintia' adór Yesu tar Kristo, Garmoó Mungú, nee ar haratlintaooro slafiingw kuwa umuuwós ar sleera'.

Yohana 3:36

Heé Garma gwa haratlintii', slafíngw alhhe'eesay wásl gu kón. Heé Garma gwa haratlintii'iiká slafiingw gu ariiká, aqo har sakwasleemár Mungú gun i dirí' daqisleém.»

Yohana 5:14

Aluudae heedaádá' taa hungu/uús kuri harasliqiít nee Yesu baraá Doó Mungú. Yesu iri oó', «Qaytsiít, kuúng hamí aga hungú/. Tlakweema mi malé tleehhaar, as gár tlaakw ar adór tidá' ba/a muwa sleér.»

Yohana 6:69

Atén aga haratlintiaán, slám aga xuaán adór kuúng tar Kudá' hhoohhoó' oo Mungú.»

Yohana 9:22

Xwayliteérós adoorí gana ó', asma i múk Yahudír da'ayuumít. Asma múk Yahudi gaa qaroó al'axweés tawa kaahi, hee bar Yesu ngwa ya/án, adór inós tar Kristo, heedaádá' ku baynitis dír doó saaliingo.

Yohana 9:34

Inooín tari oó', «Kuúng bartuna laqwaál baraá tlakweema, kuúng daxta atén adór tir intsaahhatimis a adoomá?» Kuri tsee/ií duúx baraá doó saaliingo.

Tlehhema'aá ya/Abuuse 8:36

Tari kumiít loohiro, tari hardáh dír ma'aay i dirii'iya'. Heedaádá' iri oó', «Qaytsiít, ma'aay diirihe i dayá'. Gár aníng i il/aam a milá, ar tis baatisiiká?» [

Tlehhema'aá ya/Abuuse 8:37

Filipo iri oó', «Kuúng bar aga haratlintí' ar muunaáwók sleémeero, tu baatiis.» Heé aáng iri oó', «Aníng aga haratlintií', adór Yesu Kristo tar Garmoó Mungú.»]

Tlehhema'aá ya/Abuuse 9:20

Kángw Yesu guri alki/iít baraá maraá saaliingo iwa kaahi, «Inós a Garmoó Mungú.»

Rumi 1:4

Slám inós ku hhoohhoó' adór Mungú wa ale, asma inós an Garmoó Mungú. Gaarí kaa laqán qoomár inós kuwa waasle/atís baraá múk aa qaátl wa ale.

Rumi 10:20

Aluuwo Isaya aa qiítl /aymi'iiká' ngiwa oó', «Múk aníng leelehhiitaaká, aníng ina sláy, nee múk aníng yaahamiisaaká, aníng tina dir'íní geehhooeés.»

1 Yohana 4:15

Hee bira ya/án adór Yesu Kristo tar Garmoó Mungú, Mungú i baraawós i dirii'. Nee inós i baraá Mungú.

1 Yohana 5:10

Heé Garmoó Mungú gwa haratlintii', lamabu'uungwí gu kón baraawose. Heé Mungú gwa haratlintii'iiká, a Mungú guna lamusmo tleéhh, asma lamabu'uungwí Mungú Garmaawós nguwa lamabu'ún, gwa haratlintii'iiká.

1 Yohana 5:13

Kaangwí nguna kuungá' i gooiím, asma kawa xua' adór slafíngw alhhe'eesay wásl kur koonda', kuungaádá' umuú Garmoó Mungú ugwa haratlintie'.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.

1 Yohana 5:5

Heé yaamu gir baá/ a heemá, aqo har kudá' aa haratlintí'iíke adór Yesu tar Garmoó Mungú.

3 Yohana 1:10

Aníng bir na hardáh, kangós kudá' aa tleéhh ngu dirhúng i alki/iít, adór inós axweesanoó tlákw oo dakti'iima ngura daanduurén i aaín. Slám a har tiheeká, asma inós hhae gina sií' ilaooharo, tam mukdá' gi ilaoohár wa slaá' guna ilaá/ sleeme, guri paraátl dír múk kríshaanayhe.