Yohana 9:34 - Biblía Axweesantá Hhohho' ar Mungú 2004

³⁴ Inooín tari oó', «Kuúng bartuna laqwaál baraá tlakweema, kuúng daxta atén adór tir intsaahhatimis a adoomá?» Kuri tsee/ií duúx baraá doó saaliingo.

Ya/abtór hho' 1977

³⁴ Inooín tari oó', “Kuúng bartuna laqwaál baraá tlakweemaá wa ale, kuúng daxta atén adór tir intsaahhatimis a adoomá?” Kuri tsee/aá i duúx baraá doó saaliingo.

Yohana 9:34 Iomraidhean Croise

IIMU/UUNGW 19:9

Loti nguri bayé', «Quútl, suruúk, atén a waarahhaán.» Niri kaahiyé', «Kuúnguú /eetusmo, atén tina sakwasleemárár eéri? Gimáy, kuúng un ak gár tlaákw i tleehhaán ta kusingae.» Loti nguri harasuruukiyé', afkú do' ngwa lak fee/iyé'.

2 QOM'I 25:16

Ala qoomár heé Mungú axweesantí ngiwa hhe'eesiiká, waawutmo Amasia guri báy, «Xasliít kuúng, a xaylá kuúng tuwa hara'ayusmoó waawutmoó wa qaás? Hamí an slá'a tuwa gaasi?» Aarusmoodá' iri xasliít, iri malé oó', «Aníng a xuú' adór Mungú ngira ístí tsaát kuúng uwa hhaamiis as adoorí taa tléhh, slamí hamí hara'ayar'eé' aga sí'.»

YOBU 14:4

Heé gár hhoohhoo' ngi baraá gár slasla/aár wa duúx a heemá? I kaahh tumu wák.

YOBU 25:4

Adór hee kur gana'amúwí harafaari nee Mungú? Heé /ameeni aa xwayluúr adór kur xaslxaansli wásl?

WARA'AMI 51:5

Qaytsiít, iimír aníng tiwa laqwaali a tlakusmo, a tlakusmo iimír baraá guruú aayír'eé' wa ale.

TI'INAANGW 2:14

Heedaádá' iri oó', «Heé kuúng ugwa qaas tawa heé úr daanduurene, nee tawa har'ohusmoorén a heemá? Aníng i gaasár wa slá'a adór heedaáduú Misri kura gás?» Mose iri da'ayuút, iri baraá guruuwós i oó', «Looeemaawo gadaádá' aa xu'utít.»

AXWEESANOÓ SAGALOOA 22:10

Heé niqusmo tlatlahhaseek daqaní gila i hintiqisiyá', Daqaní gila nee /ooslislingo ni faakiyá'.

AXWEESANOÓ SAGALOOA 26:12

Heé sagalooarós ga ar daara/aám ugwa aándi looár wake. Daktani an haragóp ta inose.

AXWEESANOÓ SAGALOOA 29:1

Heé ta gurbuaaín daqtá yaariire bira da/eewa gawdeés, in wa'aá wák ar qeqtín, sleeme i kotsqotiiká.

ISAYA 65:5

Inooín muu ngun babaya', ‹Amoosíng saaw i sihhiteek, mindi diirí tseewuwaar, asma atén ti hhohhó' ta kuunge.› Múk adór kwí a adór quui baraá dungaeene, a adór asltá oh umuú baalaaro.

ISAYA 66:5

Axweesantá AAKOÓ MUNGÚ iiárií qaasaak kuungáká' axweesantós ngi ilaiwawaa/á'. «Hhaeehúng kudá' kuungá' nu ahhiitá' nee naa si'iye' as umuueé' inooín i kaahiya', ‹Gimáy AAKOÓ MUNGÚ ti xirfayeesi as atén qwal/uuhúng nguwa araan.› Ala múk ta mureekeesi an inooín.

Luka 11:45

Heé wák baraá intsaahhatuusér hara'ayár Mosewo Yesu guri báy, «Intsaahhatusámo, gawaá axweesanaysíng ta kata, kuúng baré atén sleeme tin tsi'imís.»

Luka 14:11

Asma heé ti ureemiís, ku niinawees. Nee kudá' ti niinaweemiís, ku urees.»

Luka 18:17

Án a kah, heé waawuti'iimár Mungú gaa ya/aniiká adór na/oó niinár alé, i baloó dahiiká baraá waawuti'iimarihe.»

Luka 6:22

«Múk amohhoó' a kuungaásíng muu burna aáhh, nee burtunda baynitís dir'ine, tunduwa niqin, nee kuungá' burtunda sií' adór gár tlaákw wa ale asma Garmoó Hee.

Yohana 6:37

Kudá' sleémeero Baabá naa aníng i haniís, i amor'eé' hardihiyá'. Slám umuúqo heewo oo amor'eé' hardáh, u baloó tsee/aá i kwahhaaká.

Yohana 8:41

Kuungá' gadiyér ta tlehha' ar baabuúhúng.» Tari oó', «Atén a xwaylár tsaatu'uumarooká. Atén Baabá u koomaán, an Mungú.»

Yohana 9:2

Yesu eeharuuseerós guri yaahás iri ó', «Intsaahhatusámo, heewí iimír kuwa laqwaali gár tas taampa a tlakweemaawóse laqaá awa xwayliteérós.»

Yohana 9:22

Xwayliteérós adoorí gana ó', asma i múk Yahudír da'ayuumít. Asma múk Yahudi gaa qaroó al'axweés tawa kaahi, hee bar Yesu ngwa ya/án, adór inós tar Kristo, heedaádá' ku baynitis dír doó saaliingo.

Yohana 9:35

Yesu gari axaás adór heedaádá' kura tsee/ií duúx baraá doó saaliingo. Nguwa ár guri báy, «Kuúng Garmoó Hee u haratlintatía?»

Yohana 9:40

Múk Farisayo bahh'alé, oo didaádií dirií', adoodá' kawa axaás, tari oó', «Ahaá, atén sleeme a taampúwo?»

1 Korinto 5:13

Ala mukdá' baraá múk kríshaanayhe kaáhh, heé gu sakwasleemuút a Mungú. Asma Gooi i kat, «Heé tlaákw hingeesaak baraá tla/angwhunge.»

Galatia 2:15

Ar ló', atén a múk Yahudi laqwalamko, a múk xoordaá hatlaeeká, kuduú tlakuuse.

Efeso 2:3

Tam atén sleémeero aáng aqo an adoodá'. Ana hootaán ar ilatleerír slaqoorén kawa eeharaharaan, nee sla'aarirós kawa tleehhaan. Gawaá adoorihe atén qoomaadae gár tiwa hariím, a sakwasleemár Mungú an slawaán, adoodár múk hatlá' sleeme.

1 Petro 5:5

Kuungá' masoómba sleeme, iialooemisé' dír múk urene. Kuungá' sleémeero niinaweema ya/aamaak, as tiwa kiloohúng sagadiyusa'. Asma kaa gooín, «Mungú múk daara/aám gu sii', ala mukdá' ti niinaweemiís gu gurtláy.»

3 Yohana 1:10

Aníng bir na hardáh, kangós kudá' aa tleéhh ngu dirhúng i alki/iít, adór inós axweesanoó tlákw oo dakti'iima ngura daanduurén i aaín. Slám a har tiheeká, asma inós hhae gina sií' ilaooharo, tam mukdá' gi ilaoohár wa slaá' guna ilaá/ sleeme, guri paraátl dír múk kríshaanayhe.

3 Yohana 1:9

Kángw naa gooiím amór múk kríshaanáy i deer, ala Diotrefe, kudá' uroó slaá' dir'ine, inós atén ti iiárií qaminká.

Geehhoeemaá 13:17

Nee slám hara'aya gari ó' as heé layaarí ga koomaaká, gaa mingiwa tlaáxw laqaá mingiwa weeriís. Layaarí an umuú makiito'oodá' laqaá faarór umuuwós.