Yohana 9:16 - Biblía Axweesantá Hhohho' ar Mungú 2004

¹⁶ Múk Farisayo bahh'alé tari oó', «Heesíng i amór Mungú dahhiiká, asma hara'ayár deelór Sabaáto ga eeharahariiká.» Ala bahh'alé tari oó', «Heé tlakweemaá koóm, layár adór tí tleehhamooro adór ngir aleeslay a adoomá?» Tiri kilooín afo dakumiisiyé'.

Ya/abtór hho' 1977

¹⁶ Múk Farisayo bahh'alé tari oó', “Heesíng i amór Mungú dahhiiká, asma hara'ayár deelór hungu/uma ga eeharahariiká.” Bahh'alé tari oó', “Heé tlakweemaá koóm, layár adór tí tleehhamooro, adór ngir aleeslay a adoomá?” Tari afoo dakumiisiyé' tla/angw'ine.

Yohana 9:16 Iomraidhean Croise

Matayo 12:10

Heeko dakós aa sol'oot i baraadí dirii'. Yesu kuri yaahaás, tari oó', «Xáy, i hariínda muu kuwa hungu/uumisi deelór Sabaátoro?» Adoorí kana oó' as kuwa sakwasleemár wa slai.

Matayo 12:2

Múk Farisayo adoodá' ngiwa ár, Yesu kuri báy, «Ga/aaweek, eeharuuseerók gár i tlehh a gár hariimaaká deelór Sabaátoro.»

Luka 13:14

Heedaádaá úr oo doó saaliingw iri buúhh, asma adoodá' Yesu /ameenidá' ngiwa hungu/uús deelór Sabaátoro, boo/aydá' guri báy, «Deelo lahhoó' i deer ar gadiyeé. Hardaharé' deeloodá' lahhooe, kuungá' tunduwa hungu/uumisi, ala a bál deelór Sabaátorooká.»

Yohana 10:19

Múk Yahudi tiri malé partliít as axweesanaywí.

Yohana 14:11

Án na haratlintiiaré' adór aníng tar baraá Baabá, nee Baabá ir baraaeé'. Ala bar kuungá' a haratlintatia'aaká, haratlintiaak as tlehhemi'iiká'.

Yohana 15:24

Aníng tlehhemi'i ina tla/angw'ín wa tleéhh, tam heé hatlá' i kaahh oo tlehhema'aá adór kudá' gaa tleehh. Adoorí geeraawo bar aga tleehhiiká, inooín alók geera ta tlakweemaá konká. Ala daxta inooín tlehhemi'iieé' kaa ár, tam adoorihe aníng nee Baabuúeene taa aáhh.

Yohana 2:11

Layaarí Yesu aa tleéhh amór Kanár Galilayár wa ale, a layaarós ar har geera. Xirfuuwós guri geehhooatís, nee eeharuuseerós guri haratlintí'.

Yohana 3:2

Heewí ina amór Yésú káy xweeraá ale, guri báy, «Intsaahhatusámo, a xuaán adór kuúng tar intsaahhatusmoó amór Mungú daáhh, asma heé muruuwí xuawaslén kuúng ta tlehhahhit gu aleesláw i kaahh, aqo har heé nee Mungú dinkwa.»

Yohana 5:10

Múk Yahudi heedá' taa hungu/uús kuri báy, «Laarí a deelór Sabaáto, i hariindaaká kuúng tawa hhaftuú gagariin.»

Yohana 5:36

Ala lamabu'úngw án ni koom ku ak úr ta kuduú Yohanewo. Asma gadiyeédár Baabuúeé' naa haniís ngiwa alhhe'ees. Nee gadiyeédár kilá' án ni tleehh, aníng i lamabu'uún sleeme adór aníng Baabá ira ya/aáw.

Yohana 6:52

Múk Yahudi tari kilooín kaangaanuús tari oó', «Ahaá, heewí adór slaqwtós ngir atén i haniisi a adoomá kawa /ayaan?»

Yohana 7:12

Múk yaariír iri qununuú/ baraá boo/aydae daanduú Yesuwo. Bahh'alé tari oó', «A heé hhoó'.» Bahh'alé ta kaahi, «Aasla'áy, in múk al/agín.»

Yohana 7:23

Ala hee bir harín al/utlooro bál deelór Sabaátoro, as hara'ayár Mose makawa sií', ala án kuungá' adór ir i buhhaabuhha' a adoomá, bar hee una hungu/uús deelór Sabaátoro.

Yohana 7:43

Gawaá adoorihe boo/aydá' tiri partliít as daanduú Yesuwo.

Yohana 9:24

Múk Farisayo heedaáduú aáng taampa kuri ateét sagaáwa tsare, tari oó', «Mungú xirfuú i haniseek. Atén a xuaán adór heedaádá' tar heé tlakusmo.»

Tlehhema'aá ya/Abuuse 14:4

Múk baraá gixsadá' tiri partliít, bahh'alé ta bartá múk Yahudi, nee bahh'alé bartá ya/abuuse.