Yohana 8:24 - Biblía Axweesantá Hhohho' ar Mungú 2004

²⁴ Gaarí an gár kuungá' án nusa báw, ‹Kuungá' a qatlá' baraá tlakweemaahúng. Asma kuungá' barnaxes aníng iga haratlinti'ii'iiká adór aníng tar kudá', daqaní kuungá' aqo qatlá' baraá tlakweemaahúng.› »

Ya/abtór hho' 1977

²⁴ Gaarí an gár kuungá' án nusa báw gídaabá, ‘Kuungá' a qatlá' baraá tlakweemaahúng i alé. Asma kuungá' barnaxes aníng iga haratlinti'ii'iiká gídaabá aníng an kudá', daqaní kuungá' aqo qatlá' baraá tlakweemaahúng i alé.’”

Yohana 8:24 Iomraidhean Croise

TI'INAANGW 3:14

Mungú Mose guri báy, «ANÍNG A DEER, KUDÁ' QAROÓ DAADÁW.» Guri báy, «Adoorí an adór ta o' dír múk Israeliwo, ‹Kudá' ta bay ANÍNG A DEER, iga amorhúng i ya/aáw.› »

AXWEESANOÓ SAGALOOA 8:36

Ala heé aníng iga dakuus, a tin kilós slahh'eemiis. nee heé aníng iga aahh, a gwa'ara gana waatlakweés.»

Matayo 24:5

Asma múk yaariír ni hardah oo ti ateetiím ar umuueé', tawa kaahi, ‹Aníng a Kristo.› Inooín múk yaariír ku al/aay.

Marko 13:6

Múk yaariír ni hardah oo ti umuueénár ateetiím, tawa kaahi, ‹Aníng a Kristo.› Nee inooín múk yaariír kuri al/aay.

Marko 16:16

Oo gaa haratlintatii' kway baatiís ba/ama ga sláy. Oo gaa haratlinti'iiká ku sakwasleemuut.

Luka 21:8

Iri oó', «Ti haramagahhe', mutunduwa al/aáy. Asma múk yaariír ni hardah tiwa umuueénár ateetin, tawa kaahi, ‹Aníng a Kristo›, nee tawa kaahi, ‹Qooma naa tseewuúr›. Ala mi eehaarara'.

Yohana 13:19

Kaangwí ngun iimír hamí wa oó', dír ira tleehharuutiiká, asma qoomár bira tleehharuút, kuungá' kawa haratlintia' adór aníng tar inós.

Yohana 3:18

«Heé Garma gwa haratlintii' ku sakwasleemuutiiká. Ala heé Garma gwa haratlintii'iiká, kwa hhe'eés sakwasleemaro, asma Garmaaduú kilós oo Mungú gwa haratlintii'iiká.

Yohana 3:36

Heé Garma gwa haratlintii', slafíngw alhhe'eesay wásl gu kón. Heé Garma gwa haratlintii'iiká slafiingw gu ariiká, aqo har sakwasleemár Mungú gun i dirí' daqisleém.»

Yohana 4:26

Yesu gari báy, «Anuúwí nee kiíng axweesá' an inós.»

Yohana 8:21

Yesu giri malé báy, «Aníng a quútl, ala án kuungá' iri leelehhitá', nee kuungá' a qatlá' baraá tlakweemaahúng i alé. Nee amoodá' án ni kaw, kuungá' hardahamu ngu aleesleera'aaká.»

Yohana 8:25

Múk Yahudi inós kuri báy, «Kuúng a heemá?» Yesu iri oó', «Ahaá baré nuna qaroó geerií ádbáw, gár ni malé oo' a milá?

Yohana 8:28

Yesu iri oó', «Qoomár bar Garmoó Hee tleesár gawto ugwa hhe'esé', daqaní a tsahhá' adór aníng tar kudá'. Nee daqaní a tsahhá' adór án gaa ngir kilooeé' tleehhaaká, ala adoodá' Baabá aníng ira intsaahhatís, an adoodá' ni axwees.

Yohana 8:58

Yesu iri oó', «Án a kah, iimír Abrahamu kuwa laqwaliiká, aníng a qaroó daadeer.»

Tlehhema'aá ya/Abuuse 4:12

Asma ba/ama i káhh dír heé hatlae, slám umuú hatlá' i kaahh baraaká' yaamuwo oo taa múk i haniís, oo atén tar ba/aman.»

Ebrania 12:25

Ala qaytsité', Yésuudá' nee kuungá' axweesá' mu siaara'. Asma mukdá' Mungú gwa sii' iiárií qaasaro, qoomár iwa axweés baraá yaamu ar afór Mose, mukdá' aa ba/anká. Ala atén adór tar ba/aman a adoomá, barnaxes kudá' gawaá doorí wa axweés ugwa siaán?

Ebrania 2:3

Gawaá adoorihe atén sakwasleemaro adór tar /uwaan a adoomá, bar ba/amár ur ar adór tí a gaárií xuanaaká. Ba/amarí geeraawo kana alki/iít nee Aako inósuú kilá'. Nee aluuwo kingiri diréní lamabu'ún nee mukdá' gaa dír Aakoó wa axaas adór tar ló'.