Yohana 8:22 - Biblía Axweesantá Hhohho' ar Mungú 2004

²² Aluuwo múk Yahudi iri oó', «Ahaá, tin kilós gaási, as adoodá' iwa kaahi, ‹Aníng a quútl, nee kuungá' hardahamuú amor'eé' u aleesleera'aaká.› »

Ya/abtór hho' 1977

²² Múk Yahudi iri oó', “Ahaá, tin kilós gaási, as adoodá' iwa kaahi, ‘Aníng a quútl, nee kuungá' hardahamuú amor'eé' u aleesleera'aaká.’”

Yohana 8:22 Iomraidhean Croise

WARA'AMI 123:4

Atén aga ló'wa slaaqataán waaqaqauú múk daqaareero. Tina tawo tleéhh nee múk daara/aám kwaáo' atén an mukooká.

WARA'AMI 22:6

Ala aníng a naanagi, a heewooká, taa kángw i sií' tin waaqaqaa' nee muu.

WARA'AMI 31:18

Lamuuse afe xasltiseek. Asma inooín múk ganaá' ngun /ayma'aá sagegawdeemaá babayá' ar daara/aangw nee ar waaqaqa'.

Yohana 1:19

Múk Yahudi oo baraá Yerusalemu kaahamuusér Mungú nee múk tlahhoó Laáwi kina ya/aáw amór Yohane, as kuwa yaahaasi tawa kaahi, «Kuúng a heemá?»

Yohana 10:20

Awa yaariir bahh'alé tari oín, «Heewí i neetlaamér kón, slám a slarhhamá. Ahaá, mus iiárií qamiindá'?»

Yohana 7:20

Boo/aydá' iri oó', «Ahaá, kuúng a neetlaamér koónda? Ahaá, heé kuúng u gaasár wa slaá' a heemá?»

Yohana 7:35

Múk Yahudi tiri kilooín yaahamiís, «Heewí amór i kay a amá, diirí atén kuwa araanaaká a diimá? Amór i kay a amór múk Yahudi kudá' aa diyaa/áti amór xoordaá hatlá', nee giri intsaahhatimísi?

Yohana 8:48

Múk Yahudi iri oó', «Ahaá, atén ar ló' aga ooániíke, tawa ooaán kuúng a heé Samaria, nee gídaabá a neetlaamér koón.»

Yohana 8:52

Múk Yahudi iri oó', «Daxta aga tsaahhaán adór kuúng tar neetlaamér koón. Abrahamu aa gwaá', aaruuse aa qátl, ala kuúng a kat, ‹Hee bar axweesante'eé' gaa óh, i baloó gwaaiiká.›

Ebrania 12:3

Kuungá' inós inslawaak, adór inós tlaampa'amisuú xaraásl oo múk tlakuuse ngura sa qiqtlín. Gawaá adoorihe kuungá' ma slaaqataara' nee ma mune siaara'.

Ebrania 13:13

Gawaá adoorihe qwalaasé', atén u i daqawán amór tsee/aá gixsár i alé, atén sleeme mure kawa slawaan dinkwa nee inós.