Yohana 8:21 - Biblía Axweesantá Hhohho' ar Mungú 2004

²¹ Yesu giri malé báy, «Aníng a quútl, ala án kuungá' iri leelehhitá', nee kuungá' a qatlá' baraá tlakweemaahúng i alé. Nee amoodá' án ni kaw, kuungá' hardahamu ngu aleesleera'aaká.»

Ya/abtór hho' 1977

²¹ Yesu iri malé oó', “Aníng a quútl, ala án kuungá' iri leelehhitá', nee kuungá' a qatlá' baraá tlakweemaahúng i alé. Nee amoodá' án ni kaw, kuungá' hardahamu ngu aleesleera'aaká.”

Yohana 8:21 Iomraidhean Croise

1 WAAWITÁ 18:10

Gám adór AAKOÓ MUNGÚ, Munguúwók ir hotaatina, waawutmo kuúng una leelehhiít baraá xoordu sleémeero nee baraá waawuti'iima sleémeero ar aa máy i káhh. Tam qoomár burkwa báy, ‹Ayaarene i kaahh,› Ahabu xooroodá' gan lo'ór /aymiis ar kuúng tuwa ariiká.

YOBU 20:11

/Uuruudá' sleémeero i kon tawa masoomo, gun ar qaat baraá hhape qoomár bira gwaá'.

AXWEESANOÓ SAGALOOA 11:7

Heé tlaákw bira gwaá' harahhifoorós sleeme in qwát, Harahhifór heé Mungú gu ilaiwawa/aaká in qwát sleeme.

AXWEESANOÓ SAGALOOA 14:32

Múk tlákw kun qwaarees ar tlehhmi'ii'ín kudá' tlakw. Ala heé hota ganaá' dír amohhoo' ga kón baraá gwa'ararose.

ISAYA 65:20

Gwa'arár na/oó qawri i baloó ki/ká. Laqaá bariise sleeme i qatlká qoomar'ín bira xeeriiká. Heé kureeraá tsiiruú wák bira gwaá' adoorihe an na/aay. Ala heé tlaákw oo kureeraá tsiiruú wák gaa ay kwaa lu'ús

Matayo 23:39

Asma án a kah, aníng i baloó aanda'aaká daxta ay dír ti oa', ‹I xirfuuti kudá' hardáh ar umuú Aako.› »

Matayo 25:41

«Aluuwo mukdá' bartá dákw doó basáy i dirií' guri bay, ‹Quutlé' dir'eene, kuungaásingá' taa lu'ús, tlawsé' baraá asltá baloó gwaa'aaká, tidá' taa amohhe'eés as Neetlaangw nee malaykeerós.

Matayo 25:46

Nee kukaáká' niri tlayá', niri dahamaá ayá' baraá sakwasleemár alhhe'eesay wasl. Ala mukdá' hota ganaá' tan dahamaá áy baraá slafíngw alhhe'eesay wásl.»

Yohana 12:33

Adoorí gana axweés as ngiwa laqan adór inós ir gwaai a adoomá.

Yohana 12:35

Yesu iri oó', «Qoomár niinawe gwa/aateema i kumiitiyá' iwa gwa/aatiya' dirhunge. Hi'iimité' ar baraá gwa/aateemaaká', giwti munduwa ót. Asma hee bir baraá giwtír wa hi'iimiit, amór i kay ga xuiiká.

Yohana 13:33

Kuungá' na/aá ninakw, deelór aa met ka ureeká, án nee kuungá' tawa dinkwa. Án kuungá' iri leelehhitá', nee adoodá' múk Yahudi ngwa báw, án kuungá' sleeme nun adoodá' báw, niwa kah, ‹Amoodá' án ni kaw, kuungá' hardahamu ngu aleesleera'aaká.›

Yohana 7:34

Aníng kuungá' i leelehhá', ala i sleera'aaká, slám aníng didaádá' ni dirii', kuungá' hardahamu u aleesleera'aaká.»

Yohana 7:36

/Aymuuwí i kaahi gídaabárós a milá? Kwí iwa kaahi, ‹Aníng kuungá' i leelehhá', ala i sleera'aaká, slám aníng didaádá' ni dirii', kuungá' hardahamu u aleesleera'aaká.› »

Yohana 8:24

Gaarí an gár kuungá' án nusa báw, ‹Kuungá' a qatlá' baraá tlakweemaahúng. Asma kuungá' barnaxes aníng iga haratlinti'ii'iiká adór aníng tar kudá', daqaní kuungá' aqo qatlá' baraá tlakweemaahúng.› »

Efeso 2:1

Aáng kuungá' aga qatlé' baraá munerhunge asma dakumisuuhúng nee tlakweemaahúng.