Yohana 7:7 - Biblía Axweesantá Hhohho' ar Mungú 2004

⁷ Múk aa haratlintii'iiká kuungá' nu aahhiiká, ala aníng iga aáhh. Asma án inooín in ádbabáw adór tlehhemi'ii'ín kir tlákw.

Ya/abtór hho' 1977

⁷ Múk aa haratlintii'iiká kuungá' nu aahhiiká, ala aníng iga aáhh. Asma án inooín in babaw gídaabá tlehhemi'ii'ín ki tlakw.

Yohana 7:7 Iomraidhean Croise

1 WAAWITÁ 21:20

Ahabu Eliya nguwa ár iri oó', «Aá wakusmooeé', iga harati'íti?» Eliya iri oó', «Án kuúng gár usa harati'iít asma kuúng tina kilók weerís baraá tlakweema dír geeraá AAKOÓ MUNGUHE.

1 WAAWITÁ 22:8

Waawutmoó Israeli Yehoshafati guri báy, «I deer oo wák, Mikaya, garmoó Imla. Inós un yaahasaán daanduú AAKOÓ MUNGUHE, ala aníng u ló'wa sla'aaká asma inós gár hhoo' ngi aainká dir'eene, aqo har gár tlaakw kilós.» Yehoshafati iri oó', «Lakiít waawutámo, adoosíng ma ooaar.»

WARA'AMI 109:5

Hhooeemaeé' kin tlakweemaaín ar bu'ún, nee sla'aarir'eé' kan aahhir'ín ar bu'ún.

AXWEESANOÓ SAGALOOA 15:12

Heé múk waaqaqaá' kuwa naanaqi ga slaiiká, sleeme i daqayká amór heé sagalooe.

AXWEESANOÓ SAGALOOA 8:36

Ala heé aníng iga dakuus, a tin kilós slahh'eemiis. nee heé aníng iga aahh, a gwa'ara gana waatlakweés.»

ISAYA 29:21

Mukdá' baraá kwasleemaro axweesanoó múk hhitatiím, mukdá' gan'amuú hee gu warqeés ar lamemooín, mukwí sleémeero ku qwaarees.

ISAYA 49:7

AAKOÓ MUNGÚ kuduú ba/amusmoó Israeli, kudá' hhoohhoó' oo Israeli, i kaahi, heedá' xoordu naa aahhiyé' nee i waaqaqaiya' kuduú lawaalmoó geeraharuuse, «Waawitá kuúng u ar iri sihhiit, geeraharuuse gun kiloón i tumbararaa'át, as anuú AAKOÓ MUNGÚ kudá' inkihhimuú koóm, kudá' hhoohhoó' oo Israeli, kudá' kuúng ugwa tsawaar.»

YEREMIA 20:8

Umuú daqto bar axweés an wa/aá/ niwa kah, «Gaa a /ayta nee hhitiru'uuma.» Asma axweesantá AAKOÓ MUNGÚ bar alki/iít, aqo tin tli/imis nee tin niqín tlaatla/aangw sleémeerowo.

TLAHHOÓ LAÁWI 13:10

Kaahamusmoó Mungú heedá' guri xuuxuu', nee barnaxes dii aa xir'ít, nee aa /awaakuúr, nee se'éngw didá' bira /awkuukúy, nee inkaahhaydá' bir duwumiis,

SEKARIA 11:8

Aníng de'eemuusér tám ana tsuú/ baraá slahhángw wákí ale, asma aga slaaqaát as inooín, nee inooín sleeme án iga aahhiyé'.

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

Luka 6:26

«Kuungá' muu sleémeero burna xirfayeemiís, a tsaxwaahúng, asma baabi'ii'ín aáng adoosíng ngina tleehhiyé' dír aaruusér lama.»

Yohana 17:14

Án axweesantók aga dir'íní oó', nee inooín muu gaa aáhh asma inooín awa yaamuuwooká, adoodá' án tar heé yaamuuwooká.

Yohana 3:19

Sakwasleema an tí, gwa/aateema nina baraá yaamií hardihiyé', ala muu giwti gana slaá' ta gwa/aateemaawo, asma muruú ta tlehhahhiti ku tlákw.

Rumi 8:7

Asma heé heeuumarós ar tlakweema ga eeharahár, inós nee Mungú a wakaari. Asma heeuumarós hara'ayár Mungú ga iialooeemiská, nee slám ga aleesleeraaká iialooeesaro.

Galatia 4:16

Ala hamí aníng aga wakusmo tleehhiíti asma looeema ngiwa dirhúngií alki/iít?

Yakobo 4:4

Kuungá' fuquúse, kuungá' kaangwí u xua'aakáhe? Hee bar mulqumoó múk aa haratlintii'iiká, inós a wakusmo dír Munguhe. Gawaá adoorihe heedaádá' mulqi'iimár tlehhiít dír múk aa haratlintii'iiká, inós tin wakusmoó Mungú tlehhiit.

1 Yohana 4:5

Inooín awa baraá yaamu, gawaá adoorihe muruú ta axweesi oo baraá yaamu, nee yaamu tooín ngi axamiisiyá'.