Yohana 7:42 - Biblía Axweesantá Hhohho' ar Mungú 2004

⁴² Gooi baré i kat, Kristo i ti'iit baraá xwaylár Daudí wa ale, nee amór ni dahhi a baraá Betilehemu, gixsadá' Daudi iwa hoót.»

Ya/abtór hho' 1977

⁴² Gooi baré i kat gídaabá, Kristo i ti'iit baraá xwaylár Daudí wa ale, nee amór ni dahhi a amór Betilehemu, gixsadá' Daudi iwa hoót.”

Yohana 7:42 Iomraidhean Croise

1 QOM'I 2:51

nee Salma gixsár Betilehemu gana iimu/ún, nee Harefu gixsár Bet-gaderi gana iimu/ún.

WARA'AMI 132:11

AAKOÓ MUNGÚ Daudi guna al'axweesantá ló' i oó', slám i alií ki/iiká al'axweesantadá' ngiwa warqeesi, iwa kaahi, «Baraá daaqaywoge garmoó wák u iwiitiís gawaá kitaangók oo waawuti'iima.

WARA'AMI 89:4

‹Waawuti'iima i qutlká dír xwaylaroge, waawuti'iimarók a gawdeés baraá qari sleémeero.› »

ISAYA 11:1

Harma/i ni ti'ít baraá doó Yese wa ale, nee halmi i ti'ít baraá dee/armoowós wa ale.

YEREMIA 23:5

AAKOÓ MUNGÚ i kaahi, «Ga/aawaak, baala ni hardát ar aníng harma/itá hota ganaa' ngiwa doó Daudi wa duux, inós iri waawuti'ín ar sagalooa, inós giri geerahaar ar sakwasleemár ganaa' nee ar hotaá ganaa'á' baraá yaamuwo.

MIKA 5:2

«Ala kiíng, gixsár Betilehemu, ar baraá Efrata, tam ti niinawe baráa tla/ángw gixsadaá yaariir awa tlahhoó Yudawo, ala baraawoge geeraharusmoó wák ngu sláw oo múk Israeli gu sawaawuti'iím. Iimu/úngw tlahhaywós oo iimír aáng, inós oo iimír qaro.»

Matayo 1:1

Kaangwí an adór alki/ituú tlahhoó Yesu Kristo kura gooín. Inós oo xwaylár Daudi, Daudi oo xwaylár Abrahamu.

Matayo 2:5

Inooín kuri báy, «Baraá gixsár Betilehemu ar baraá yaamaá Yudea, asma aarusmo adoorí gana alki/iít iwa kaahi,

Matayo 2:6

‹Kiíng gixsár Betilehemu ar baraá yaamaá Yudea, kiíng ti baloó niinaweeká baraá gixsadaá Yudeawo, asma waawutmo i ti'iit baraawoge oo muk'eé' oo Israeli gu de'eém.› »

Luka 2:11

Asma laarí baraá gixsár Daudiwo ba/amusmoohúng kwaa laqwaál, inós an Krístó Aako.

Luka 2:4

Yosefu sleeme iri Galilayár wa tláy, baraá gixsár Nasareti, iri tsa/án yaamaá Yudea, ay dír gixsár Daudi, ar ta bay Betilehemu, asma inós oo guruú doó Daudi.

Yohana 7:27

Ala heewí atén u xuaán amór i dahhi. Ala Kristo bál bindi hardah, amór i dahhi heé ga xuú' i kaahh.»

1 SAMUELI 16:1

AAKOÓ MUNGÚ Samueli guri báy, «Ay xaylá Saulo ku alee/a/amamiin, bar aníng inós ugwa qaroó sií' múk Israeli nguwa sawaawuti'in? Xarmo di/to dalaa/eek, tlaatláw, aníng kuúng u gan'aás ay doó Yese, heé yaamaá Betilehemu. Asma baraá tla/ángw daaqaywose waawutmo ugwa sláw.»

1 SAMUELI 16:18

Heé wák baraá tla/ángw mukduú sagadiyuuseerose iri oó', «Án garmaako wák oo doó Yese ugwa ár, oo gixsár Betilehemu. Inós daa'aangw gu xuu' slahhto ar gidaandoori. Garmaawí a pihhusmo, nee a migusmoó slaqwara, axweesanoó sagalooa an gaarós, a heé hhoohhoó', AAKOÓ MUNGÚ nee inós a dinkwa.»

1 SAMUELI 16:4

Samueli adoodá' AAKOÓ MUNGÚ aa hara'ayín gari tleéhh, iri tláy amór gixsár Betilehemu. Bariisér aya guri al'eér ar daaraxaay, tari oó', «Gaa ka hhoóe?»

1 SAMUELI 17:58

Saulo Daudi guri yaahaás, «Gárma, kuúng a garmoó heemá?» Daudi iri oó', «Aníng a garmoó sagadiyusmoowók Yese, kuduú baraá gixsár Betilehemu.»