Yohana 7:38 - Biblía Axweesantá Hhohho' ar Mungú 2004

³⁸ Asma Gooi i kat, ‹Heé aníng iga haratlintii', ya'aá ma'aá slafíngw koomá' i baraawós wa ti'iitiyá'.› »

Ya/abtór hho' 1977

³⁸ Asma Gooi i kat, ‘Heé aníng iga haratlintii', yau awa ma'aá slafíngw koomá' i baraawós wa ti'iitiyá'.’”

Yohana 7:38 Iomraidhean Croise

AXWEESANOÓ SAGALOOA 10:11

Afkú heé ganaá' a kutltá slafiingw, ala afkú heé tlaákw gár gwaa hatsis a afaatli/a.

AXWEESANOÓ SAGALOOA 18:4

Axweesanoó afkú hee a adór iltá ma'aay, a adór tsiqaá sagalooa nee kutltá ma'aay niwa ti'imitiya'.

ISAYA 12:3

Kuungá' ma'aay i qwal/úr hhekitá' baraá hhaleeraá ba/ama.

ISAYA 35:6

Taqoori iri ni/iín adór saaragmo, nee afaa wasli iri dá' ar qwala/. Ma'aay baraá xaanxaywo niri ti'iitiyá' nee duxe niri wá/ baraá xaanxáy wa alé.

ISAYA 44:3

Aníng ma'aay i ku'uús baraá yaamaá naa waxitiye', nee duxe an wa/ás gawaá yaamaá kaahaar aníng qeeruueé' un haniís dír xwaylarhúng nee xwaylarhúng ngari tsuúq.

ISAYA 55:1

«Umuúqo heé aa waxiit qwalaas baraá ma'aay, tam heedaádá' peésár koomaaká qwaláng tlaxweek nee /ayeek, qwaláng difaái nee ilwa tlaxweek ala ar peésaarooká, nee ar tlaxoorooká.

ISAYA 58:11

Daqaní umuú daqto anuú AAKOÓ MUNGÚ kuungá' nun geeraharahaár, nuri diihhooár i haniís, nuri /uurií doóg. Kuungá' tari adór asalmoó ta eemamisi, adór duxuú ma'aay kudá' baloó /oomaaká.

ISAYA 59:21

AAKOÓ MUNGÚ i kaahi, «Aníng alqado a tlehhiít nee kuungá'. Qeeruueé' kuduú gawaahúng nee axweesante'eé' tidá' naa qaás gawaá aferhúng, miwa qútl baraá aferhunge, laqaá baraá afér na/iihunge, laqaá baraá afér na/aá na/iihunge, iimír hamí tam ay alhhe'eesay wasle.»

SEKARIA 14:8

Baalaadae ma'aá slafiingw ni baraá gixsár Yerusalemúr wa ti'iitiyá', tlaqtaín in bihhaá tlawtá da/aáw xú', tlaqtaín ar hatlá' in wá/ amór tlawtá /uwa. Ma'ayká' aqo nin kumaamitiyá' wa/amiingo age nee buhaareewo.

Yohana 4:10

Yesu gari báy, «Kiíng geera bar gurtleemuú Mungú ugwa xú', slám geera heewí kiíng i babáw, ‹Ma'aá wahaango qawáng,› bura xú', geera alók inós ugwa firiín, inós geera ma'aá slafíngw koomá' ngi haniis.»

Yohana 4:14

Ala umuúqo heewo oo ma'ayká' aníng ni haniis gi wáh, i baloó waxiitiiká. Asma ma'aydá' án ni haniis ni kutltá ma'aá slafiingw tleehhitiyá', niri baraawós wa ti'imiitiyá', slafíngw alhhe'eesay wásl nguri huwiyá'.»

Efeso 5:9

Asma didár gwa/aateema i dirii'iya' gár tleehharumiit a hhooeema sleémeero nee gan'amu nee looeema.

DABE 18:15

AAKOÓ MUNGÚ, Munguúhúng aarusmo adór aníng ngu baraá tla/angwhúngú kilá' wa tsawaar, nee kuungá' inós ku iialooesá'.