Yohana 7:37 - Biblía Axweesantá Hhohho' ar Mungú 2004

³⁷ Baalaadár alhhe'eesaay an deeloodá' ak ur. Baalaadae Yesu ina sihhiít iri tseé' ar afór ur iri oó', «Hee bira waxiít, ni amor'eé' hardihi, as iwa wahi.

Ya/abtór hho' 1977

³⁷ Baraá deeloodá' ure, deeloodár alhhe'eesaay an deeloodá' ak ur. Baldae Yesu ina sihhiít iri tseé' ar afór ur iri oó', “Hee bira waxiít, ni amor'eé' hardahi, as iwa wahi.

Yohana 7:37 Iomraidhean Croise

NEHEMIA 8:18

Slám umuúqo baalaaro iimír iimu/úngw wa tleemu ay bál alhhe'eesáy aqo gana soomamuús baraá kitaábuú dabér Mungú wa ale. Inooín deelór ur kay tlehhiít, deelo faanqw, bál dakaate burumburiita kay tleéhh ar adoodá' kara oó'.

WARA'AMI 143:6

Dabaaeé' iga tleés amoorók i ale, an firiiriím. Muunaáeé' kuúng una sa waxiít, adór yaamaá naa xawslitiye'.

WARA'AMI 42:2

Muunaáeé' AAKOÓ MUNGÚ guna sa slahhaá' adór heé aa waxiit, Munguúdá' slaáf guna sa slahhaá'. A xaylá ni dír geeraawók i hardah, as kuúng uwa ar?

WARA'AMI 63:1

AAKOÓ MUNGÚ, kuúng an Munguúeé', án kuúng u leelehhiít, án kuúng ugwa wa slahhaá' adór heé aa waxiit. Aníng kuúng ugwa wa slahhaá', adór yaamaá xaanxaay awa naa hhaahheeruutiyé'.

AXWEESANOÓ SAGALOOA 1:20

Sagalooa i ateetiín baraá lohduú wa alé, dír waaraangiro in tseeamiín.

AXWEESANOÓ SAGALOOA 8:1

Sagalooa i ateetiín, tsaahha afoorós ngaa tlés,

AXWEESANOÓ SAGALOOA 8:17

Mukdá' sleémeero aníng i slaá', u slaá' sleeme, nee múk i leelehhiít ar ilakaahara i ariyá'.

AXWEESANOÓ SAGALOOA 8:3

Dír afkú dahamaá baraá gixsa, didá' tar daraahi gan wa ateetiín.

AXWEESANOÓ SAGALOOA 9:3

Lawaaleerós gaa ya/áp, muu nguwa atet, gawaá gongooamaá baraá tla/ángw gixsa.

DAA'AANGW 5:1

Aníng an dáh baraá asalmooeé', hho'or'eé', sla'aaruso'or'eé' ar ni duxuut. Manemáner'eé' nee muruú mooyángw kooma un burumburiím, xaaramtaeé' ar danú a /aáy a difaáir'eé' nee ilwaaeé' wahaám. Mulqer'eé', /ayiimé' nee wahaamé', wahaamé' ló'wa ale, sla'aaruuser'eé'.

ISAYA 12:3

Kuungá' ma'aay i qwal/úr hhekitá' baraá hhaleeraá ba/ama.

ISAYA 40:2

Axweesé' ar afór tsa' nee yaamuloouusér Yerusalemu, ádbawaak ar afór ur, inooín kibeeto' slaqwararhúng aa fák. Tlakweemaaín kaa gurtláy, AAKOÓ MUNGÚ inooín gaa slaáhh sagáwa tsár wa alé, asma tlakweemaaín kudá' sleémeero naa tleehhiyé'.»

ISAYA 40:6

Afo i kat, «Kaangwí tsee'eek.» Aníng niri oó', «Aníng gár ni tsee' a milá?» Iri beér, «Muu sleémeero a adór gitso. Nee hhohhoaarir'ín sleémeero a adór /ayór baraá qamu.

ISAYA 44:3

Aníng ma'aay i ku'uús baraá yaamaá naa waxitiye', nee duxe an wa/ás gawaá yaamaá kaahaar aníng qeeruueé' un haniís dír xwaylarhúng nee xwaylarhúng ngari tsuúq.

ISAYA 55:1

«Umuúqo heé aa waxiit qwalaas baraá ma'aay, tam heedaádá' peésár koomaaká qwaláng tlaxweek nee /ayeek, qwaláng difaái nee ilwa tlaxweek ala ar peésaarooká, nee ar tlaxoorooká.

ISAYA 55:3

Iaahúng qaasaak, nee amor'eé' hardahare'. Aníng iiárií qaasaré', daqaní a hotá'. Aníng alqadór alhhe'eesay wasl a tleéhh nee kuungá', sla'aarir'eé' ar warqawaaká tidá' ló' dír Daudiwo.

ISAYA 58:1

AAKOÓ MUNGÚ i kaahi, «/Aá/ ló'wa ale, ma xaslitaar, tseé' adór tarumbeéta. Muk'eé' dakuúsar'ín ti alki/it, Tlakweemaá doó Yakobo ooeek.

YEREMIA 16:19

Aá AAKOÓ MUNGÚ, kuúng an /uuruueé', nee koo/ir'eé' ar gawit, kuúng an dír guway'eé' qoomár slahh'amuwo! Xoordaá badu sleémeero awa yaamu nin amoorók i hardihiyá' tawa kaahi, «Baabi'iirén gár taa aál i káhh, aqo har munguaá lama, muruú tawo oo slaasláwár koomaaká.

YEREMIA 2:2

«Tláw ay amór yaamuloouusér baraá Yerusalemu, ki beer, adoorí an tidá' AAKOÓ MUNGÚ i kaahi, ‹Aníng inkihhimuduú qoomár kuúng tawa masoomo un insláw, adoodá' ira slá' geerií aleeró adór múk ti duuxór wa slaá'. Ina eehát baraá xaanxaywo, baraá yaamuudá' taa dooslikahe.

ESEKIELI 47:9

Dír qo yaaeerí ira oti, makaá yaariir nee siyohe i hootiyá'. Yaaeerí ma'aá tlawtá diwi gi tsuu'ús, nee dír irqo ota slafiingw ngu húp.

TLAHHOÓ LAÁWI 23:36

Deeloosíng faanqwe ilahhooár da/a an hanmisá' dir anuú AAKOÓ MUNGÚ, bál dakaát dinku'uumár hhoohhoo' an boo/esá', nee ilahhooár da/a an hanisá' dír AAKOÓ MUNGÚ. Dinku'uumadá' ka hhoohhoo', baalaasinge ma gadiyusara'.

TLAHHOÓ LAÁWI 23:39

«Alaá bu'úngw qamuhunge deelór ur ngin tlehhá' ar deelo faanqw, iimír deelór mibaá nee kooán ar slahhángw faanqw. Baalár hargeera nee bál dakaát a baalár hungu/uma.

MIKA 6:9

Heé sagaloó' a kudá' AAKOÓ MUNGÚ gu ilaiwawaá/. Afór AAKOÓ MUNGÚ múk baraá gixsár Yerusalemu gu i /aa/amiín, i kat, «Iia qaasaak, kuungá' múk baraá gixsár Yerusalemúr wa burumburimitá',

SEKARIA 9:15

AAKOÓ MUNGÚ Aleesleemusmo gi xún inooín wakuuser'ín ngiri arba/iyá', inooín tseerér wakuuser'ín kan adór difaáír wa ku'uus, tseerduuín kin tsiririxiis adór tseerér taa tsiririxiís ar slooqamo dír kitángw ilahhooa.

FAARO 29:35

«Bál dakaate ti burumbude', dinku'uumár hhoohhoo' ka tlehhá'. Baalaarihe ma gadiyuusara'.

Matayo 11:28

«Qwalaasé' amor'eé' kuungá' sleémeero awa daawiimitá' nee awa huwa aa al iiloouúr, án kuungá' nu hungu/uús.

Matayo 3:3

Asma Yohanewí an kudá' kangós taa axweés nee aarusmo Isaya iwa kaahi, «Afór hee iiárií qaasaak ar tseeamiim baraá darmuú wa ale, ar kah, ‹Loohír Aako amohhe'eesaak, nee waarahhmawós gan'aasaak.› »

Matayo 5:6

Múk amohhoó' a kudá' gan'amuú ak leelehhiít ta muruú hatlae, asma inooín gan'amu ngu slayá'.

Yohana 1:23

Yohane iri oó', «Aníng a, ‹Afór hee ar tseeamiim baraá darmuú wa ale, ar kah, Loohír Aako amohhe'eesaak.› » Adór aarusmo Isaya ngira oó'.

Yohana 14:6

Yesu iri oó', «Aníng an loohi nee looeema nee slafiingw. Heé naa dir'ér oohiiká, i amór Baabá i hardihiiká.

Yohana 4:10

Yesu gari báy, «Kiíng geera bar gurtleemuú Mungú ugwa xú', slám geera heewí kiíng i babáw, ‹Ma'aá wahaango qawáng,› bura xú', geera alók inós ugwa firiín, inós geera ma'aá slafíngw koomá' ngi haniis.»

Yohana 4:11

/Ameenidá' guri beér, «Aáko, gár ma'aay kir iihhek a koondaaká, slám hhalaangw ku saáw. Daxta kuúng ma'aá slafíngw koomá' dír kiwa sleer a diimá?

Yohana 4:14

Ala umuúqo heewo oo ma'ayká' aníng ni haniis gi wáh, i baloó waxiitiiká. Asma ma'aydá' án ni haniis ni kutltá ma'aá slafiingw tleehhitiyá', niri baraawós wa ti'imiitiyá', slafíngw alhhe'eesay wásl nguri huwiyá'.»

Yohana 5:40

Ala kuungá' a sla'a'aaká niwa amor'eé' hardata' as slafiingw kuwa sleera'.

Yohana 6:35

Yesu iri oó', «Aníng an mikaátér slafíngw huwaahuuw dír heewo. Heé amor'eé' hardáh, i baloó qwariitiiká. Slám heé aníng iga haratlintii', i baloó waxiitiiká sleeme.

Yohana 6:37

Kudá' sleémeero Baabá naa aníng i haniís, i amor'eé' hardihiyá'. Slám umuúqo heewo oo amor'eé' hardáh, u baloó tsee/aá i kwahhaaká.

Yohana 6:55

Asma slaqwte'eé' a mikaáteedár ló', nee tseerer'eé' a wahtadár ló'.

Yohana 7:28

Yesu iri tseé' ar afór ur baraá Doó Mungú wa ale iwa intsaahhatimisi, iri oó', «Án kuungá' i xuá', nee amoodá' ni daahh a xuá' sleeme. Ala án naa hardihiiká as sla'aarir'eé'. Kudá' aníng iga ya/aaw, inós a looeema, slám kuungá' inós u xua'aaká.

1 Korinto 10:21

I ya/aandaaká kuungá' xooslmoó Aako kuwa ar wahaanda', nee xooslmoó neetlaame sleeme kuri malé ar wahaandá'. I ya/aandaaká kuungá' tawa dinku'uumisa' dír meésár Aakoowo, nee tari malé dinku'uumisá' dír meésár neetlaame sleeme.

1 Korinto 10:4

Nee slám inooín sleémeero ma'aá qeeru awa taa wahán a wak. Asma inooín nina wahané' dír tlaa/adár qeeru, tidá' inooín gaa eehat. Nee tlaa/adá' an Kristo.

1 Korinto 11:25

Nee alaá /aymaaro xooslmo guri adoodár óh sleeme, iri oó', «Gár baraá xooslmoowí a alqadór /aben, tidá' Mungú aa tleéhh ar tseerer'eé'. Adoorí tlehhiitaak qoomár bar wahaandá' as inslaslangw'eé'.»

1 Korinto 12:13

Asma atén bahh'alé a múk Yahudi, bahh'alé a múk Yunani, kookaari a lawaale, nee kookaari a lawaaleerooká. Ala atén sleémeero tina baatimiís ar Qeeruudá' wák as tawa slaqwtá wák tleehhitaan. Nee slám atén sleémeero tina wahaás ar Qeeruudá' wák.

Efeso 5:18

Kuungá' xuftár difaáiro ma kumiitara', asma slafingwhúng sleémeero u qwaaresá'. Ala masók tundun hatsiis Qeeruú hhoohhoó' oo Munguhe.

Geehhoeemaá 21:6

Nee inós aníng iri báy, «Aa tleehharút. Aníng an Alfa nee Omega, iimu/uungw nee alhhe'eesaay. Heé aa waxiit u ma'áy haniis awa bu'utu wasl, awa baraá kutlá ma'aá slafíngw dahhá'.

Geehhoeemaá 22:1

Aluuwo malaykamoodá' yaaér ma'aá slafíngw koom ngiri laqán. Yaaeedá' ma'aywós i gwa/aatiyá' adór looa. Yaaeerí dír niwa wa/amiin a baraá kitangwduú aleesleemu oo Mungú nee oo Deelmoó bee/i,

Geehhoeemaá 22:17

Qeeru nee dasiidá' ta duxuuti ta kaahi, «Qwaláng.» Nee heé adoodá' gaa axaas i ooi, «Qwaláng.» Nee heé aa waxiit ni hardihi, nee umuúqo heé ma'aá slafiingw gi slaá' ngi taataahhi awa bu'utu wasl.