Yohana 7:30 - Biblía Axweesantá Hhohho' ar Mungú 2004

³⁰ Gawaá adoorihe kuri oohár wa slaá', ala heé gwa oh i kaahh, asma qoomaarós aa xeeriiká.

Ya/abtór hho' 1977

³⁰ Gawaá adoorihe kuri oohár wa slaá', ala heé gwa oh i kaahh, asma qoomaarós aa xeeriiká.

Yohana 7:30 Iomraidhean Croise

WARA'AMI 76:10

Looeemaawo buhhtaá hee i warqayá' tawa xirif diroge, tam kudá' naa meetiye' buhhtaawoge u diidi'iimisiyá'.

ISAYA 46:10

Aníng alhhe'eesaay nguna iimír iimu/úngwa oó', nee muruudá' aluú wa hardáh nguna iimír aáng wa oó'. Aníng a kah, ‹Gar'eé' ar naa qoomeés a boo/eés nee tidá' sleémeero ni slaa' a tleéhh.›

Matayo 12:14

Ala mukduú Farisayo tari ti'iít, tari kwasleemuút daanduú Yesuwo adór kur gaasi.

Matayo 21:46

Gawaá adoorihe Yesu kuna loohi leelehhiít ar kur oohi, ala boo/oó muu kuri da'ayuút, asma Yesu muu gwaa tsaáhh adór tar aarusmo.

Marko 11:18

Kaahamuusér uren ar Mungú nee intsaahhatuusér hara'ayár Mosewo kangwdá' kuri axaás, loohi kari leelehhiít ar Yesu kur gaasi. Asma kuna da'ayuút as adoodá' boo/aay sleémeero intsaahhatimisuuwós nguwa waa/oó/.

Luka 20:19

Intsaahhatuusér hara'ayár Mose nee kaahamuusér uren ar Mungú kana tsaáhh gawaá slaqsayqaáqá' aa kaahi, a inooín gin kah. Gawaá adoorihe Yesu kuna loohi leelehhiít ar kur oohi siiwadár kilae, ala muu kuna da'ayumiít.

Luka 22:53

Umuú daqto án nee kuungá' a dinkwa baraá Doó Munguhe, ala ooharo iga iiadi'iiká. Ala siiwarí a toohúng, siiwarí a siiwár /uuruú giwti.»

Yohana 10:31

Múk Yahudi tlaa/e giri taataáhh malé alé as Yesu kuwa tlaquuti.

Yohana 10:39

Loohi kari male leelehhiít ar kur oohi, ala iri dabaaín wa kotsoqoót.

Yohana 11:57

Qoomaarihe kaahamuusér uren ar Mungú, nee múk Farisayo, hara'aya kaa qaroó oó', tawa kaahi, ‹Bar hee ngu xuu' dír i dirii'i, kaangw ngu huwi as kuwa oohár ay.»

Yohana 7:19

Ahaá, Mose hara'aya ngaa dirhúng i haniísiíke? Ala baraahunge tam heé wák oo hara'aya gaa boo/ees i kaahh. Ala kuungá' pa/ángw anír gasa' mus leelehhitá'?»

Yohana 7:32

Múk Farisayo boo/aay guri axaás adór ira qununuú/ daanduuwose. Inooín nee kaahamuusér uren ar Mungú askaári kari ya/aáw as Yesu kuwa oohi.

Yohana 7:6

Yesu inooín giri báy, «Qoomar'eé' naa xeeriiká, ala qoomarhúng i deer deelo sleémeerowo.

Yohana 7:8

Kuungá' tsa/amé', deeloorí ur awaak. Aníng deeloorí ur a awaaká hamihe, asma qoomar'eé' aa xeeriiká.»

Yohana 8:20

Yesu axweesanaywí guna axweés qoomár iwa baraá Doó Mungú wa intsaahhatimisi, didá' sandakmoó ilahhooa i dirii'. Ala heé Yesu ooharo gwa qiitl i kaahh, asma qoomaarós aa xeeriiká.

Yohana 8:37

Aníng a xuú', kuungá' a xwaylár Abrahamu. Tam adoorihe kuungá' a pa/ángw leelehhitá' oo aníng ir gasa', asma axweesante'eé' baraahunge i káhh.

Yohana 8:59

Inooín tlaa/e kiri sleemiís as kuwa tlaquuti. Ala Yesu iri nahhaát, iri ti'iít baraá Doó Munguhe.

Yohana 9:4

Gár atén tiwa hariím a gadiyér kudá' án iga ya/aaw ngiwa tleehhaan, dír tlaatla/aangw ir kumiiti. Xweera ni hardihiyá' awa hee gadiyeé tleehhamooro ngiwa aleeslayká.