Yohana 7:19 - Biblía Axweesantá Hhohho' ar Mungú 2004

¹⁹ Ahaá, Mose hara'aya ngaa dirhúng i haniísiíke? Ala baraahunge tam heé wák oo hara'aya gaa boo/ees i kaahh. Ala kuungá' pa/ángw anír gasa' mus leelehhitá'?»

Ya/abtór hho' 1977

¹⁹ Ahaá, Musa hara'aya ngaa dirhúng i haniísiíke? Nee baraahunge tam heé wák oo hara'aya gaa boo/ees i kaahh. Ala kuungá' aníng mihar gaasár wa sla'a'?”

Yohana 7:19 Iomraidhean Croise

Matayo 12:14

Ala mukduú Farisayo tari ti'iít, tari kwasleemuút daanduú Yesuwo adór kur gaasi.

Matayo 21:38

Ala qoomár doosluuseedá' garmaadá' nguwa aán, tari kilooín axweés ta kaahi, ‹Kwí a aalitmoowós. Qwalaas un gaasaán, as daqaní aali tawa toorén.›

Marko 11:18

Kaahamuusér uren ar Mungú nee intsaahhatuusér hara'ayár Mosewo kangwdá' kuri axaás, loohi kari leelehhiít ar Yesu kur gaasi. Asma kuna da'ayuút as adoodá' boo/aay sleémeero intsaahhatimisuuwós nguwa waa/oó/.

Marko 3:4

Muu guri yaahaás, «Gár hariim tleehhamoro deelór Sabaátoro a milá? Gár hhoóe laqaá gár tlaakw? Hee kuwa hungu/uúsi, laqaá kuwa gaasi» Tari xasliít.

Marko 3:6

Siiwadár kilae múk Farisayo nee múk Herodewo tari ti'iít, tari kwasleemuút daanduú Yesuwo, as adór kur gaasi kawa slay.

Yohana 1:17

Asma hara'aya kana haniís ar dákw Mose, ala gurtleemu nee looeema nina hardihiyé' ar dákw Yesu Kristo.

Yohana 10:39

Loohi kari male leelehhiít ar kur oohi, ala iri dabaaín wa kotsoqoót.

Yohana 11:53

Iimír baldá' adór Yesu kur gaasi kari al'axweés.

Yohana 5:16

Gawaá adoorihe múk Yahudi Yesu kuri iimu/ún slahh'eemisuuwo, asma adoodá' aa tleéhh bál deelór Sabaátoro.

Yohana 5:18

Gawaá adoorihe múk Yahudi loohi kari ak leelehhiít ar Yesu kur gaasi. As gídaabaheeká hara'ayaadá' kilós ar deelór Sabaáto gana sií', ala sleeme as adoodá' Mungú nguwa Baabuúwós ar ateetin, asma adoorihe tin Mungúr qoomeemees.

Yohana 5:45

Ma kaahara' aníng kuungá' nun sakwasleemuút dír Baabahe. Heé kuungá' nu sakwasleemuút i deer. An Mose, kudá' kuungá' taa harahhifé'.

Yohana 7:1

Aluudaádae Yesu ina baraá yaamaá Galilayár wa hi'iimiít, asma gaa slaiiká iwa baraá yaamaá Yudeár wa hi'iimiiti, asma múk Yahudi i pa/ángw leelehhiit oo inós kur gaasi.

Yohana 7:25

Múk Yerusalemu bahh'alé tari oó', «Ahaá, heewí a kudá' ta leelehhiítiíke, as kuwa gaasár wa slai?

Tlehhema'aá ya/Abuuse 7:38

Qoomár muu iwa burumburiít baraá xaanxaywo, Mose ina sihhiít tla/ángw bariiseerén nee malaykamo, kudá' aa axwees nee inós gawaá tloomár Sinaír wa ale. Inós axweesanoó slafiingw nguna ilaaóh, as nguwa atén i haniisi.

Galatia 3:19

Ala gár hara'aya kingisa haniís a milá? Hara'aya kingina doók daanduú al'axweesantadí alé as dakuús ngiwa laqaan, nee iwa kumit ay dír Kristo i hardihi. Inós an oo wák baraá xwaylár Abrahamu oo al'axweesantadá' gaa slay. Mungú hara'ayaarí gana haniís dír malayke. Malayke gari hanís dír muu.

Galatia 6:13

Asma tam mukwí al/utlór iinuús, inooín awa kilá' hara'aya ngi iialooeemisiaaká. Gár inooín i slaiya' a masók kuungá' tundun al/utlín as kahhó' inooín tiwa kilooín xirfayeemiisiya' as al/utlorhúng.

DABE 1:17

Sakwasleema ma barqaantír ar tlehhiitara', muu iiárií qamimaak ar barqaanti wasle, hee tam gaalá. Nee hee munduwa dae tsaát, asma kuungá' kwasleema an tlehhitá' kitángw Mungú wa ale. Ala barnaxes kwasleemár gawit aga sleeré', dir'eénií huwaare' as ngiwa iiárií qaas.›

DABE 33:4

Mose tina ádbáy dabe kawa iialooeesaan, tawa adór aalír slahhaa' dír dinku'uumarén ar Yakobowo.