Yohana 6:70 - Biblía Axweesantá Hhohho' ar Mungú 2004

⁷⁰ Yesu iri oó', «Ahaá, án kuungaásingá' mibaá nee tsár naa tsawaáriíke? Ala oo wák baraahunge a neetlaangw.»

Ya/abtór hho' 1977

⁷⁰ Yesu iri oó', “Xáy, án kuungaásingá' mibá nee tsár naa tsawaáriíke? Nee oo wák baraahunge a neetlaangw.”

Yohana 6:70 Iomraidhean Croise

Yohana 13:18

«Án kaangwí naa káh oo kuungá' sleémeerowooká. Asma aníng muk'eé' kudá' naa tsawaár u xuú'. Ala tí ina tleehharút as Gooirí iwa bo/, tidá' kah, ‹Kudá' muruú /aymar'eé' gwa /aay, aa wakusmooeé' tleehhiít.›

Yohana 13:2

Qoomár tsiindoowo Yesu nee eeharuuseerós ta dír muruú /aymár i dirii'. Yuda, garmoó Simon Iskarioti, Neetlaangw gwaa áy gari slaá' Yesu nguwa saki/i.

Yohana 13:21

Yesu axweesanaywí ooaro nguwa hhe'eés, iri amoqwaár baraá muunaáwose. Iri oó', «Án a kah, heé wák baraá tla/angwhunge aníng i sakii/.»

Yohana 13:27

Yuda /aarmoodá' /aymaaro nguwa hhe'eés, Neetlaangw guri áy. Yesu iri oó', «Tidá' ta tleehhamór wa sla', tleehheek ar gaanslaay.»

Yohana 15:16

Aníng kuungá' iga tsawdi'iiká, ala a án kuungá' nuna tsawaár, nuri qaás as mamu kiwa laqwaalár eera', nee mamuuhúng iwa hootiya', as tidá' sleémeero ta firiinda' ar umuueé', Baabá ngiwa haniisi.

Yohana 15:19

Kuungá' geera bar muk'ín, inooín geera kuungá' nu slaiyá'. Ala daxta kuungá' a muk'ineeká, asma adoodá' án kuungá' nuwa tsawaár baraaín wa ale. Gawaá adoorihe múk aa haratlintii'iiká kuungá' nu aahh.

Yohana 17:12

Qoomár án niwa dinkwár i dirii' nee inooín, aníng iga xuúm ar /uuruú umuuwók kudá' naa hanís, ngiri amohhe'eemiís. Ala tam baraaine heé wák aa qwaar i kaahh, aqo har heedá' taa qwanáy i harafaár iimír iimu/uungo, as Gooi iwa bo/.

Yohana 2:2

Yesu dinkwa nee eeharuuseerós sleeme kina dahi'is baraá duuxoodá'.

Yohana 20:24

Qoomár Yesu niwa dir'íní hardáh, Tomas i kaahh didae. Inós a kudá' ta babay Daangamo, oo wák baraá eeharuuseedá' mibaá nee tsare.

Yohana 6:64

Ala baraá tla/angwhunge muu i deer oo aa haratlinti'iiká.» Asma Yesu mukdá' gwa haratlinti'iiká gu qaroó geerií xuu', tam heedaádá' gu sakií/ sleeme.

Yohana 6:67

Gawaá adoorihe Yesu eeharuuseerós tidá' mibaá nee tsár gari báy, «Xáy, kuungá' sleeme aníng i geexeemuú wa sla'á'a?»

Yohana 6:71

Gawaá axweesantihe daanduú Yuda guna axweés, garmoó Simon Iskarioti, asma inós an kudá' gu sakií/, nee inós an heé wák baraá eeharuuseedá' mibaá nee tsare.

Yohana 8:44

Kuungá' amór ta dahha' a amór baabuúhúng, Neetlaangw, nee ilatleerír baabuúhúng an tidá' ta sla'a' tlehhmuuwo. Inós a tsu/utusmo iimír iimu/uungo, tam aa sihhiitiiká baraá looeemá i alé, asma looeema baraawose i kahhiyá'. Bir lamtá axwees, a tós kilós gan axwees, asma inós a lamusmo nee a baabuú lama.

Tlehhema'aá ya/Abuuse 1:17

Inós geeraawo nee atén a dinkwa, asma inós sleeme kuna tsawaár as gadiyeérí atén ta tleehhaan kawa al tleehhaan nee inós.»

Tlehhema'aá ya/Abuuse 13:10

iri oó', «Kuúng a garmoó Neetlaangw, nee slám a háts al/ayma sleémeerowo nee tlakweema. Kuúng a wakusmoó gan'amu sleémeero. Kuúng lohaá Aako awa naa ganaaiye' paslimisuwo mis baloó meeraaká?

1 Timoteo 3:11

Tlaaway'ín sleeme masók a /ameenár daharuú koom, masók a takaahuuseerooká. Inooín masók a múk qoóm, nee masók ta inkihhimuú kón baraá mura' sleémeerowo.

Tito 2:3

/Ameenár aa uraareer ka beer sleeme, gár tunduwa hariím masók an hotá' ar adoodá' múk hhohhó' oo Mungú ir hotaatin. Nee slám kuungá' daandeemaá muu mi kaahara', nee xufta ma intsaahhara'. Ala kuungá' masók tidá' hho' an intsaahhatimisá',

1 Yohana 3:8

Heé tlakweemaá tlehhaahhiít oo Neetlaangw, asma Neetlaangw i qaroó tlakweemaá tlehhaahhiit iimír iimu/uungo. Garmoó Mungú kunguna geehhooatís, as gadiyér Neetlaangw ngiwa hhitin.