Yohana 6:7 - Biblía Axweesantá Hhohho' ar Mungú 2004

⁷ Filipo guri báy, «Mikaátér shiliíngi tsiire tsár sleeme i bu'utaká, tam ka dir'ín i niinaweemisi.»

Ya/abtór hho' 1977

⁷ Filipo iri oó', “Mikaátér har shilíngi tsirér tsár sleeme i bu'utaká, tam ka dir'ín i niinaweemisi.”

Yohana 6:7 Iomraidhean Croise

2 WAAWITÁ 4:43

Ala sagadiyusmoowós iri oó', «Adór muruú /aymaarí kur haniisi dír múk tsiiruú wák?» Elisha iri oó', «Muruú /ayma haniseek, asma AAKOÓ MUNGÚ ina oó', ‹Muu in /ayín, tari aax, kuri meetiis.› »

Matayo 18:28

«Ala lawaalmoodá' iwa didá' wa tláy, lawaalmooko nee inós al gadiyumamiisá' guri ár, oo iinaarós koóm ar shiliíngi tsiiruú wák. Guri óh, guri tsaweér, guri báy, ‹Iinar'eé' ay dír ngi bu' laarí.›

Marko 6:37

Ala Yesu giri báy, «Kuungá' na muruú /aymár i haniisaak.» Kuri báy, «Muruú /aymár shiliíngi tsiire tsár un tlaxór awána kway haniisaán kuwa /ayi?»

Yohana 1:43

Looitleérose Yesu iwa Galilayár keemuú wa slai, Filipo guri ár. Yesu guri báy, «Aníng eeharáng.»

Yohana 1:44

Filipo a heé Bet-saida, gixsár Andrea nee Petro.

Yohana 1:45

Filipo Natanaeli guri ár, guri báy, «Kudá' gooír Mose nar aaruuse i kat, atén ugwa araán. Inós a Yesu, garmoó Yosefu, heé gixsár Nasareti.»

Yohana 1:46

Natanaeli iri oó', «Gár hhoo' ar baraá gixsár Nasaretír wa ti'iit iqo deéro?» Filipo iri oó', «Qwaláng, areek.»

Yohana 1:48

Natanaeli Yesu guri yaahaás, guri báy, «Ahaá, án kuúng adór ira tsáhh a adoomá?» Yesu iri oó', «Qoomár kuúng Filipo uwa ateetiiká, kuúng tawa baraá guruú /aantsírí dirí', án kuúng ugwa qaroó ár.»

Yohana 12:5

«Ahaá, mooyaangwí mus kwa weerisiiká ar shiliíngi tsiire tám, nee shiliíngirí kari liitlakuusér i haniis?»