Yohana 6:57 - Biblía Axweesantá Hhohho' ar Mungú 2004

⁵⁷ Asma adoodá' Baabuúeé' kudá' slaáf aníng ira ya/aáw, nee aníng a slaáf as Baabá, gawaá adoorihe heé aníng iga /aay i slaaf sleeme as aníng.

Ya/abtór hho' 1977

⁵⁷ Asma adoodá' Baabuúeé' kudá' slaáf aníng ira ya/aáw, nee aníng a slaáf as Baabá, heé aníng iga /aay i slaaf sleeme as aníng.

Yohana 6:57 Iomraidhean Croise

WARA'AMI 18:46

AAKOÓ MUNGÚ an kudá' slaáf, i xirfuuti kuduú baqmór'eé'. Diidi'iimisaak Munguúduú ba/amar'eé'.

YEREMIA 10:10

Ala AAKOÓ MUNGÚ an Munguú ló', a Munguú slaáf, waawutmoó alhhe'eesay wásl, bira buúhh yaamu in daaraxaatiyá', xooro buhhtaawós saqitluuwo gi aleesleeraaká.

Matayo 16:16

Simon Petro iri oó', «Kuúng a Kristo, Garmoó Munguúdá' slaáf.»

Yohana 14:19

Deelór aa met ka ureeká, aníng múk aa haratlintii'iiká i malé ariiká, ala án kuungá' i aandá', asma án a slaáf, nee kuungá' a slafá'.

Yohana 14:6

Yesu iri oó', «Aníng an loohi nee looeema nee slafiingw. Heé naa dir'ér oohiiká, i amór Baabá i hardihiiká.

Yohana 17:21

Inooín sleémeero masók a wákleeli adoodá' kuúng Baabá tar baraaeé' i diri', nee án nir baraawók i dirii'. Inooín sleeme masók i baraarén, as múk aa haratlintii'iiká ngi tsaahhi adór kuúng tar kudá' aníng iga ya/ap.

Yohana 3:17

Asma Mungú Garma ngwa ya/aawiiká as muu nguwa sakwasleemuuti, ala as muu nguwa ba/amisi.

Yohana 5:26

Asma adoodá' Baabá ir slafíngw kon, nee Garma sleeme gwa slafíngw i haniís.

Yohana 6:29

Yesu iri oó', «Gadiyér Mungú a tí, ‹Kudá' inós naa ya/aáw, haratlintiaak.› »

Yohana 6:38

Asma aníng naa gawaá doorí wa aweeriiká tidá' ni slaa' ngiwa tleehh, ala a sla'aarír kudá' aníng iga ya/aaw ngiwa tleehh.

1 Korinto 15:22

Asma adoodár muu sleémeero ir qatlatlin baraá Adamuwo, adoorí an adoodá' muu sleémeero kur waaslee/atisi baraá Kristowo.

1 Korinto 15:45

Adoorí an adoodá' Gooi i kat sleeme, «Heeduú geera, Adam, inós kuna slaqwtá slaáf i haniís.» Ala Adamuduú alhhe'eesaay inós aa Qeeru tleehhiít, kudá' slafíngw hanmiís.

2 korinto 13:4

Ar ló' inós kuna kikií' ar baraá daqaatlakwe, ala inós i slaaf ar /uuruú Mungú. Adoorí an adór atén tay diriiaan sleeme. Atén ti daqeetlákw adoodár inós wa ale, ala a hootaán dinkwa nee inós ar /uuruú Mungú. Adoorí kuungá' aqo aandá'.

Galatia 2:20

Aníng daxta a slafaaká, ala Kristo in slaaf baraaeé' wa ale. Slafiingwí nir hoot baraaká' yaamuwo a kudá' nir hoot baraá haratlintaaór Garmoó Mungú nguwa haratlintii'. Asma inós aníng ina slaá', slafiingós guri haniís as aníng.

1 Tesalonike 1:9

Asma muu inooín awa kilá' kangwhúng ngu alki/iitiyá', adór kuungá' atén tira ilaoté', nee adór kuungá' munguiihúng kira geexeeré', tari amór Mungú i warqeeré', as Munguúdá' slaáf oo ló' kuwa sagadiyusa',

Ebrania 9:14

xáy, tseerér Kristo tí ga ló'wa bá/áke? Asma inós tina kilós haniís dír Mungú ar /uuruú Qeeruú alhhe'eesay wásl as tawa ilahhooár xaslxaansli wasl. Tseereerós muneerén ga hamátl nee tlehhema'aá slafíngw kooma'aaká, as masók atén Munguúdá' slaáf kuwa sagadiyuusaan.

1 Yohana 4:9

Adoorihe sla'aarír Mungú kinga amoorén i geehhooatís, asma Mungú Garmaawós oo kilós ngwa ya/aáw baraá yaamií ale, as kahhó' inós kuwa slafíngw ar slawaan.