Yohana 6:40 - Biblía Axweesantá Hhohho' ar Mungú 2004

⁴⁰ Asma Baabuúeé' gár i slai a tí, ‹Umuúqo heewo oo Garma gwa i qaytsiit, nee guri haratlintií', masók slafíngw alhhe'eesay wásl gu kón. Nee aníng nguri waaslee/atís bál deelór alhhe'eesaywo.› »

Ya/abtór hho' 1977

⁴⁰ Asma Baabuúeé' gár i slai a tí, ‘Umuúqo heewo oo Garma gwa i qaytsiit, nee guri haratlintii', masók slafíngw alhhe'eesay wásl gu kón. Nee aníng nguri waaslee/atís bál deelór alhhe'eesaywo.’”

Yohana 6:40 Iomraidhean Croise

ISAYA 52:10

AAKOÓ MUNGÚ /uuruuwós kudá' xiríf gwaa laqán, dír geeraá xoordu sleémeero nee múk ku/uya sleémeero awa yaamu ba/amár Munguúrén ngi ariyá'.

ISAYA 53:2

Inós ina dír geeraá AAKOÓ MUNGÚ wa uraaráy adór xa'anoó dutlutluú/. Adór dee/aarmoó xa'ano oo baraá yaamaá kaahaar. Ga/aawaak, inós slaqsoó hhoohhoó' laqaá gitsee/aá hhoohhoo' gi konká as kahhó' kuwa iiqaytsit. Hhohhoaari tam ar niiná ar kuwa waatlakwes i káhh.

FAARO 21:9

Naagáy Mose dayshamoó muqslír sirdaa/aat guri tleéhh, guri qaás gawaá xa'anoó tlerantleér. Umuú heé taa qo kihhi nee dayshamo, nee dayshamoduú muqslír sirdaa/aat guri i qaytsiít, in hhooáy.

Matayo 10:15

Án a kah, deelór alhhe'eesoó yaamuwo a tsiní gixsár Sodoma nee Gomora sakwasleemar'ín ngiwa ilií oohiya', ta gixsadae.»

Matayo 25:46

Nee kukaáká' niri tlayá', niri dahamaá ayá' baraá sakwasleemár alhhe'eesay wasl. Ala mukdá' hota ganaá' tan dahamaá áy baraá slafíngw alhhe'eesay wásl.»

Marko 16:16

Oo gaa haratlintatii' kway baatiís ba/ama ga sláy. Oo gaa haratlinti'iiká ku sakwasleemuut.

Luka 2:30

asma ilaaeé' ba/amarók ngaa ariyé',

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 10:28

Aníng u slafíngw alhhe'eesay wásl i haniís, nee inós i baloó qwaariiká. Slám heé gu gawaá dakw'eé' wa hayóh i kaahh.

Yohana 11:24

Marta iri ó', «A xuú' adór ir waasleé/ baraá waasle/uwo bál deelór alhhe'eesaywo.»

Yohana 11:25

Yesu gari báy, «Aníng an waasle/ nee slafiingw. Heé aníng iga haratlintii', tim i gwaai, inós i slaaf.

Yohana 12:45

Nee kudá' aníng i ga/áw, heé i ga/ay a aningeeká, ala a kudá' aníng iga ya/aaw gun ga/áy.

Yohana 12:50

Nee aníng a xuú' adór hara'ayaarós tar slafíngw alhhe'eesay wásl. Gawaá adoorihe axweesantá án ni axwees, a tidá' Baabá aníng iga báy.»

Yohana 14:17

Inós a Qeeruú looeema. Múk aa haratlintii'iiká Qeeruuwí gu ara'ariiká, slám gu tsatsahhanká. Gawaá adoorihe ilaooharo ku aleeslayká. Ala kuungá' u xuá', asma i dirhúngií dirii', nee iri baraahúng wá hoot.

Yohana 14:19

Deelór aa met ka ureeká, aníng múk aa haratlintii'iiká i malé ariiká, ala án kuungá' i aandá', asma án a slaáf, nee kuungá' a slafá'.

Yohana 17:2

adoodá' kuúng Garma kura aleesleemuú i hanís daanduú muu sleémeerowo, asma sleémeero kudá' taa dirós i hanís ngiwa slafíngw alhhe'eesay wásl i haniisi.

Yohana 3:36

Heé Garma gwa haratlintii', slafíngw alhhe'eesay wásl gu kón. Heé Garma gwa haratlintii'iiká slafiingw gu ariiká, aqo har sakwasleemár Mungú gun i dirí' daqisleém.»

Yohana 4:14

Ala umuúqo heewo oo ma'ayká' aníng ni haniis gi wáh, i baloó waxiitiiká. Asma ma'aydá' án ni haniis ni kutltá ma'aá slafiingw tleehhitiyá', niri baraawós wa ti'imiitiyá', slafíngw alhhe'eesay wásl nguri huwiyá'.»

Yohana 5:24

«Án a kah, heé axweesante'eé' ga axamiís, nee kudaádá' aníng iga ya/aaw guri haratlintii', slafíngw alhhe'eesay wásl gu kón, slám i dahiiká baraá sakwasleema. Ala ina waaraáhh ar baraá gwa'ara, iri hardáh baraá slafiingw.

Yohana 6:27

Muruú /aymaadá' hhitiruút mu sagadiyuusara', ala kudá' hotaatiím oo slafíngw alhhe'eesay wásl ngu huúw na sagadiyuusaak. Muruú /aymaarí Garmoó Hee ngu kuungá' i haniis. Asma Mungú Baabá inós gwa ya/án, guri aleesleemuuwós i haniís.»

Yohana 6:39

Kudá' aníng iga ya/aaw gár i slai a tí, ‹Aníng tam heé wák muwa qwaareés baraá kudá' sleémeero naa aníng i haniisi, ala masók un waaslee/atís bál deelór alhhe'eesaywo.›

Yohana 6:44

Heé hardahamuú amor'eé' gu aleesláw i kaahh, barnaxes kunga uuruuxiiká nee Baabuúdá' aníng iga ya/aaw. Nee aníng heedaádá' nguri waasle/atís bál deelór alhhe'eesaywo.

Yohana 6:54

Heé slaqwte'eé' ga /aáy, nee oo tseerer'eé' ga wáh, slafíngw alhhe'eesay wásl gu kón. Nee án u waasle/atís bál deelór alhhe'eesaywo.

Yohana 8:56

Abrahamu, baabuúhúng, ina baraá/ asma deelor'eé' ngiwa ari. Inós gay ár, iri qwalalaá/.»

Rumi 5:21

Gawaá adoorihe, adoodá' tlakweema nira baaliné' ar loohír gwa'ara, adoorí an adór gurtleemuú Mungú ir baalin ar loohír gan'amu, slafíngw alhhe'eesay wásl nguri huuw ar loohír Yesu Kristo, Aakoorén.

Rumi 6:23

Asma bu'utuú tlakweema a gwa'ara, ala gár Mungú atén tir qay a slafíngw alhhe'eesay wásl baraá Kristo Yesu Aakoorén.

2 korinto 4:6

Asma Munguúdá' aa oo', «gwa/aateema i gwa/aatiye' baraá giwtír wa ale,» inós gwa/aateemaawós gina gwa/atís baraá muneerén wa ale. Inós adoorí gana tleéhh, as atén xu'uti kawa slawaan, nee xirfuú Mungú kuwa tsaahhaan, kudá' gawaá gitsee/aá Kristó i dirií'.

Ebrania 11:1

Haratlintaao bar koomaán a ló'wa xuaán adór gadá' ta harahhifaan ir tleehharút, slám muruudá' ta araanaaká u tsaahhaán adór ir deér.

Ebrania 11:27

Mose ina yaamaá Misrír wa tláy ar haratlintaao, tam xaraasleemaá waawutmo gaa da'ayuutiiká. Asma ina kumiít ar pihh'uuma adór heé Munguúdá' geetlaákw gu ga/áw.

1 Petro 1:8

Kuungá' inós u sla'á' tam ugwa aandi'iikahe. Slám inós u haratlintaatiá' tam hamí u ara'aanda'aakahe. Kuungá' u sageeqwalaala/á' ar qwal/uú xirfuú koóm, kudá' alki/ituuwo ta aleesleera'aaká,

1 Yohana 2:25

Al'axweesantá inós naa dirén i oó' a tí, slafíngw alhhe'eesay wásl kuwa slawaan.

Yuda 1:21

Kuungá' kumiité' baraá sla'aarír Munguhe, nee slafíngw alhhe'eesay wásl kuwa daamaaraanda', kudá' Aako Yesu Kristo ni haniisi ar gurtleemuuwós.