Yohana 6:38 - Biblía Axweesantá Hhohho' ar Mungú 2004

³⁸ Asma aníng naa gawaá doorí wa aweeriiká tidá' ni slaa' ngiwa tleehh, ala a sla'aarír kudá' aníng iga ya/aaw ngiwa tleehh.

Ya/abtór hho' 1977

³⁸ Asma aníng naa aweeriiká gawaá doorí wa ale tidá' án ni slaa' ngiwa tleehh, ala a sla'aarirós kudá' aníng iga ya/aaw ngiwa tleehh.

Yohana 6:38 Iomraidhean Croise

ISAYA 53:10

Tam adoorihe AAKOÓ MUNGÚ guna slaá' nguwa slahh'eemisi, guri gurhaamír ar áy. As hhiintluuwós nguwa duúx tawa ilahhooár tlakweés hingeesa, xwaylarós ga ar adór kar hota tleér. Inós an kudá' sla'aarír AAKOÓ MUNGÚ ga boo/eés.

Matayo 20:28

Asma tam Garmoó Hee sleeme naa hardihiiká as kuwa sagadiyuusi, ala nina hardáh as muu nguwa sagadiyuusi nee slafiingós nguwa duuxi as tawa bu'utuú múk yaariír ngur tu/i.»

Yohana 3:13

Slám heé aa gawaá doorí tsa/an i kaahh, aqo har Garmoó Hee kudá' naa gawaá doorí wa aweer.

Yohana 3:17

Asma Mungú Garma ngwa ya/aawiiká as muu nguwa sakwasleemuuti, ala as muu nguwa ba/amisi.

Yohana 3:31

«Inósuudá' ni gáwtá wa hardáh, ku úr múk hatlá' sleémeero ba/a. Heé baraá yaamaá daáhh, a heé baraá yaamu, nee inós axweesanoó i axweesi oo baraá yaamu. Kudá' ni gawaá doorí wa hardáh ku úr muu sleémeero ba/a.

Yohana 4:34

Yesu giri báy, «Muruú /aymar'eé' a kwí, sla'aarír kudá' aníng iga ya/aaw an tleéhh, as gadiyeérós ngiwa alhhe'ees.

Yohana 5:19

Yesu iri oó', «Án a kah, Garma gár tleehharo kilós i aleeslay i káhh, aqo har tidá' Baabá i tlehhiiti gan tleehh. Asma tidá' sleémeero Baabá i tlehhiiti an tidá' Garma i tlehhiiti.

Yohana 5:30

«Aníng gár ni kilooeé' tleehh i káhh. Aníng an sakwasleemuút ar adoodá' Baabá naa oó'. Nee sakwasleemar'eé' i ganá', asma aníng sla'aarir'eé' a leelehhiitaaká, ala ar Baabá, kudá' aníng iga ya/aaw.

Yohana 6:29

Yesu iri oó', «Gadiyér Mungú a tí, ‹Kudá' inós naa ya/aáw, haratlintiaak.› »

Yohana 6:33

Asma mikaátér Mungú a tidá' awdiit gawaá doorí wa ale, nee muu guri slafíngw i hanís.»

Yohana 6:42

Tari oó', «Ahaá, inós a Yesúwoóke, garmoó Yosefu. Slám baabuúwós nee aayoorós a kudá' ni xuaánaáke? Ahaá, mis kaahi, ‹Aníng nina gawaá doorí wa aweér.› »

Yohana 6:57

Asma adoodá' Baabuúeé' kudá' slaáf aníng ira ya/aáw, nee aníng a slaáf as Baabá, gawaá adoorihe heé aníng iga /aay i slaaf sleeme as aníng.

Rumi 15:3

Asma Kristo sleeme taa kilós sla'atisiiká. Ala inós gooirí gana boo/eés, tí kah, «Niqimisuudá' kuúng tura niqimís nee muu, aníng una sláw.»

Efeso 4:9

Ala /aymuuwí gídaabárós a milá, kwí tawa kaahi, «Ina tsa/án». Gídaabárós a ina ala geerií aweér sleeme baraá yaamaá baraay.

Ebrania 5:8

Inós a Garmoó Mungú. Ala tam adoorihe inós iialooemis guna intsaatsaáhh, as adoodá' kuwa slahh'eemiís.