Yohana 6:37 - Biblía Axweesantá Hhohho' ar Mungú 2004

³⁷ Kudá' sleémeero Baabá naa aníng i haniís, i amor'eé' hardihiyá'. Slám umuúqo heewo oo amor'eé' hardáh, u baloó tsee/aá i kwahhaaká.

Ya/abtór hho' 1977

³⁷ Kudá' sleémeero Baabá naa aníng i haniís, i amor'eé' hardahiyá'. Slám umuúqo heewo oo amor'eé' hardáh, u baloó tsee/aá i kwahhaaká.

Yohana 6:37 Iomraidhean Croise

WARA'AMI 102:17

Múk aa haleeleeiit gu iiárií qaas, nee firor'ín ga si'iiká.

WARA'AMI 110:3

Mukók ni fi'iit bál bar nee wakuuseerók taa eeré', masoombarók ni hardát gawaá tloomadá' hhoohhoo', adór har'uú matlaatle.

ISAYA 41:9

Aníng kuúng una leéhh baraá hhapeemaá yaamu, kuúng una ateét baraá badu sleémeero awa yaamu, uwa babaw, «Kuúng an sagadiyusmooeé', aníng kuúng ugwa tsawaár, aníng kuúng ugwa kwahhiiká.»

ISAYA 42:3

Inós daaír qetángw slaa' ga geeqayká. Tam taámbír quu' ga gaasiiká. Sakwasleemár ganaa' gan huuw ar inkihhimu.

ISAYA 55:7

Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

Matayo 11:28

«Qwalaasé' amor'eé' kuungá' sleémeero awa daawiimitá' nee awa huwa aa al iiloouúr, án kuungá' nu hungu/uús.

Matayo 24:24

Asma kristo lama nee aaruusér lamuuseero ni ti'iitiyá' Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Yohana 17:11

Aníng a baraaká' yaamií diriiaaká, ala inooín ta baraaká' yaamií dirii'. Aníng ni hardáh amoorók. Baabuú hhoohhoó', kuká' na xuumeek ar /uuruú umuuwók kudá' naa aníng i hanís. As wakleeli'iima kawa kon, adoodá' atén kar koomaan.

Yohana 17:2

adoodá' kuúng Garma kura aleesleemuú i hanís daanduú muu sleémeerowo, asma sleémeero kudá' taa dirós i hanís ngiwa slafíngw alhhe'eesay wásl i haniisi.

Yohana 17:24

«Baabá, kuká' kuúng naa hanís, gár ni slaa', masók i dinkwa nee aníng didá' án ni diriia. Nee xirfuudá' naa aní hanís nguwa ga/aya'. Asma án kuúng ina slá' iimír yaamu kiwa tleehhiiká.

Yohana 17:6

«Án kuúng ugwa xu'utís dír mukdá' naa hanís baraaká' yaamuwo. Inooín a mukók, nguri aníng i hanís, nee axweesantók kaa óh.

Yohana 6:39

Kudá' aníng iga ya/aaw gár i slai a tí, ‹Aníng tam heé wák muwa qwaareés baraá kudá' sleémeero naa aníng i haniisi, ala masók un waaslee/atís bál deelór alhhe'eesaywo.›

Yohana 6:65

Yesu iri oó', «Gawaá adoorihe gaarí an gár án kuungá' nusa báw, ‹Hee i kaahh oo hardahamuú amor'eé' gu aleesláw burkwa aleesleemuú i haniisiiká nee Baabuúeé'.› »

Yohana 9:34

Inooín tari oó', «Kuúng bartuna laqwaál baraá tlakweema, kuúng daxta atén adór tir intsaahhatimis a adoomá?» Kuri tsee/ií duúx baraá doó saaliingo.

Rumi 5:20

Hara'aya nina hardát as dakuúsadá' iwa doogiin ak alé. Ala tlakweema niwa tlahhiyé', gurtleemuú Mungú iri ak ló' wa doogín sleeme.

Filipi 1:29

Kuungá' qeemu ugwa sleeré' oo Kristo kuwa haratlintié'. Ala a har qeemuuwí kiloseeká, ala tunduna slahh'eemiís sleeme as inós.

1 Timoteo 1:16

Gawaá adoorihe gaarí an gár án gurtleemu ngusa sláw, as Yesu Kristo qiqtliingós nguwa laqán dir'eé' alé, aniíduú tlakusmoó úr, as aníng niwa slaqsaay tleehhiit dír mukduú hatlá' oo aluú wa haratlintiia, nee slafíngw alhhe'eesay wásl kuwa slay.

2 Timoteo 2:19

Ala iimu/úngw haratlintaao aa sihhiít, kudá' Mungú aa qaroó qaás. Iimu/uungwí layár kway gooín a tí, «Aako mukós gu xuu',» nee slám «Umuúqo heewo oo umuú Aako gu ateetiím, tlakweema ngi may.»

Ebrania 4:15

Asma atén kaahamusmoó úr oo Mungú oo ta koomaan, atén ti gurtleemuú wa ara'ar baraá liitlakweerene. Asma inósuú kilá' kuna iiara'ár adór atén wa aleeró baraá mura' sleémeerowo, ala tlakweema gaa tleehhiiká.

Ebrania 7:25

Gawaá adoorihe kudá' Mungú ngu i daqaqawá' ar loohír inós, inós gi ló'wa aleesláy ba/amisaro, asma inós i slafaafín daqisleém as ngiwa aleefiriirin.

1 Yohana 2:19

Mukwí ina dirén wa tláy, ala asma inooín awa bartareneká. Inooín geera bar awa bartarén, geeraawo nee atén aga alhootaán. Ala tana tláy as kiwa tsaahha hhe'eesaan adór tar awa bartareneká.

Geehhoeemaá 22:17

Qeeru nee dasiidá' ta duxuuti ta kaahi, «Qwaláng.» Nee heé adoodá' gaa axaas i ooi, «Qwaláng.» Nee heé aa waxiit ni hardihi, nee umuúqo heé ma'aá slafiingw gi slaá' ngi taataahhi awa bu'utu wasl.