Yohana 6:2 - Biblía Axweesantá Hhohho' ar Mungú 2004

² Boo/oó úr oo muu Yesu gway eehár, asma layuudá' Yesu aa dír tiqtuuseérií tleéhh.

Ya/abtór hho' 1977

² Boo/oó úr oo muu Yesu gway eehaár, asma muruú taa ár, oo Yesu aa tleéhh dír tiqtuusér i alé.

Yohana 6:2 Iomraidhean Croise

Matayo 12:15

Yesu adoodá' ngiwa tsaáhh, iri tláy didaádae, múk yaariír guri eehár. Sleémeero giri hungu/uumiís.

Matayo 13:2

Boo/oó yaariír iri dirósií burumburiít, tam Yesu iri gawaá miringamoó i tsa/án, iri iwiít gawaadí alé. Boo/ayduú muu sleémeero iri afaá tlawtí sihhiít.

Matayo 14:14

Qoomár Yesu niwa baraá miringamoó wa ti'iít, boo/oó yaariír guri ár, guri gurtleemuú wa ár. Tiqtuuser'ín gari hungu/uumiís.

Matayo 8:1

Yesu iwa gawaá tloomár wa aweér, boo/oó úr oo muu guri eehár.

Marko 1:45

Ala heedá' iri ti'iít, kangwdá' guri alki/iít ar axweesanoó yaariír, nee guri tsiyaayaaxán, tam Yesu pa/aangw gwa slayká oo iwa dahi baraá gixsa ar geehhooeema. Ala iri tsee/aá wa iwiwiít dír muu iwa kahhi, nee umuúqo diiro kuri i daqaaqáy.

Marko 6:33

Tawa tláy, múk yaariír giri tsaáhh, tari amoodí tláy ar gaanslaay ar ya'a' baraá gixsadu sleémeero, tari giirín hardahamuuwo.

Yohana 11:47

Kaahamuusér uren ar Mungú nee múk Farisayo, mukduú doó kwasleemár ur kuri ateét tari oó', «Adór heewí ku laqaan a adoomá? Asma heewí layaá yaariir gi tlehhiit.

Yohana 12:18

An gár Yesu kusa al'áy nee múk yaariír, asma kángw layaadá' aa tleéhh kuna axaás.

Yohana 12:37

Yesu tam layaá yaariir gaa tlehhahhiiti geeraaín wa ale, ala kwa haratlinti'iiká.

Yohana 2:11

Layaarí Yesu aa tleéhh amór Kanár Galilayár wa ale, a layaarós ar har geera. Xirfuuwós guri geehhooatís, nee eeharuuseerós guri haratlintí'.

Yohana 2:23

Qoomár Yesu iwa baraá Yerusalemúr i dirii'i, bál deelór ur ar Pasaákuwo, múk yaariír inós guri haratlintií', as layuudá' inós aa tleéhh kiwa ár.

Yohana 20:30

Yesu layaá hatlá' awa yaariir gina tleéhh dír ilaá eeharuuseerós wa ale, awa taa baraá kitaábuuwí gooinká.

Yohana 3:2

Heewí ina amór Yésú káy xweeraá ale, guri báy, «Intsaahhatusámo, a xuaán adór kuúng tar intsaahhatusmoó amór Mungú daáhh, asma heé muruuwí xuawaslén kuúng ta tlehhahhit gu aleesláw i kaahh, aqo har heé nee Mungú dinkwa.»

Yohana 6:14

Nee muu waa/oo/amoodá' Yesu aa tleéhh ngiwa ár, tari oó', «Aarusmoodá' ni baraá yaamií hardáh a kwí tsuwá alé.»

Yohana 6:22

Looaytleérós boo/oó muu iri gayuuqá' wa sihhiít amoodá' eeharuuse i dahh. Inooín ka xuu' adór miringamoó hatlá' ir kaáhh, aqo har kudá' wák. Slám Yesu nee eeharuuseerós taa al dahiiká baraá miringamoodá' i alé, ala eeharuuseerós iwa waaráhh a kilooín.

Yohana 6:26

Yesu iri oó', «Án a kah, án kuungá' i leelehhita'aaká as layaadá' taa aandé', ala gár is leelehhita' a mikaáteedá' taa /agé', tay axé'.

Yohana 6:30

Tari oó', «Layár kuúng ta tlehh a gaalá? Atén i laqaamang, as atén kawa araan, nee kuúng uri haratlintiaán. Gadiyér kuúng ta tlehh a milá?